يشتــــــــــــــــــم امـــي أمامي !!!!!

حبيباتي واخواتي عضوات منتدى عالم حواء

شخباركم؟؟ اتمنى ان الجميع يكون بخير وبصحه
مو عارفه شاقول لكم الصراحه انا تعبانه نفسيآ
ابي اخبركم عن احدث المشكلات الي حصلت لي مع والدي والي ماتنتهي

والله بصراحه مااكذب عليكم اذا قلت لكم اني صرت احس ان مافي علاقه بيني وبينه ومااحس في هذا الشخص اي نوع من حنان الأبوه والله كأنه انسان مجرد من الاحاسيس والحنان تجاهي مع اني بنته الوحيده والكبيره
من يوم ماتزوج وراح والله عطاه اولاد وهو وعايلته متغيرين علي وعلى امي واذا سألته ليش تزوجت يقول لي تبيني اقضي عمري مع العجوز هذي ( حسبي الله ونعم الوكيل)
ويتلفظ بألفاظ توجع قلبي وتجرحني عن أمي ولايراعي انها مهما كانت هذي امي الي ضيعت شبابها معاه
ولما اسأله انت ليش تزوجت امي اساسآ يقول ( هيه مسويه لي سحر وتاخذ ثيابي توديهم عند السحره علشان اتزوجها) شفتوا المستوى؟؟
هل هذا الشخص يستحق يكون قدوه لي؟
والله العظيم مااكذب عليكم وهذا الكلام يردده دايمآ مع انه اصلآ مو عايش معانا لكنه اذا زارنا ينكد علينا ويتعمد يخلق من اي سبب بسيط مشكله عشان يمشي بسرعه ويرجع لزوجته وياريت هذا الكلام وبس وماخفي كان اعظم
وبصراحه انا مااستحمل انه يتجرأ ويتطاول ويشتم امي جدامي وافقد اعصابي وارد عليه او احيانآ اقوله انت مو كفو الواحد يتكلم معاك اذا كانت الفاظك بهالمستوى
روح تعلم الأدب بعدين تعال تكلم
لاتلوموني والله ماودي ارد عليه بس مااااااااااااااااااأرضى حد يتكلم على امي بكلمه حتى لو من يكون
ماادري هل هو مسحـــور؟؟؟؟ وين عقله؟؟؟ وين تفكيره؟؟؟ وين خوفه من ربه؟؟؟
ومع ان اهله الي هم جدتي وجدي وعمامي قاطعيني ولا حتى يسألون عني
ادخل المستشفى واطلع وتصيبني بلاوي ولايدرون عني مع انهم ساكنين في منطقه قريبه مني واذا ازورهم يقولون لي احنا نحبك ومادري وشو وانتي بنتنا والظفر مايطلع من اللحم وعندهم ارقام تلفوناتنا وكل شي واذا غبت عنهم حتى لو سنه مايسألون ولاحتى يجيني منهم اتصال
ماادري ليش يجاملون؟؟ كيف يحبوني وهم مايسألون عني وانا بنتهم
آآآآآآآآه ياربي صبرني والله انه كرهني في الزواج
حسبي الله ونعـــم الوكيل


الله لايبليكم بهالمصيبه والله يحفظ لكم اهلكم وامكم وابوكم ويحفظ لي امي حبيبتي ويخليها لي