يشهد علي الله قلبي مجروح من جوا الحمدلله على قضائه.. دعواتكم لوالدي بالرحمة

يسعد مسائكم جميعااً /
بنات انا ابوي توفى قبل فتره قصيره كان مريض وفجاءه تردأ وضعه فجاءه صار مايتحرك ولا يأكل ولا يشرب ولا يعرفنا يعلم الله اني اكتب ودموعي ماتوقف ،، وتوقف التنفس وراح راح ل رب رحيم ارحم منا فيه يارب اجمعنا بفردوسه والله الدنيا سودا بوجهي ماني متخيله اني حبيبي وتاج رأسي شالوه على النعش ودفنوه وماشفته انا تزوجت وانا صغيره وسافرت واجي اهلي اجازات كان يفرح فيني واتصل عليه باستمرار والله كلمته وهو مريض جدا بس مافقد ذاكرته قلت ابوي تعرفني انا مين ؟ قال اي انتي حبيبتي ويهلي فيني يحزن تمنيت اني سجلت صوته عندي يارب يارب يارب صبرنا على فراقه ياارحم الراحمين ~
بنات التجوء الى ربكم والصلاه والطاعه لا تشيلون بقلبكم على احد ترى الدنيا تافهه ماتستاهل نحقد او نزعل من شي وربي صغرت الدنيا بعيني ماعاد فيها شي الحزن كل الحزن بفقد ابوي مافي شي يسوى سامحوا وبرو باابأكم وامهاتهم اللي بقو لكم واللي توفوا الله يرحمهم ويجمعنا معاهم بفردوسه ،،
احس جرح عميق بقلبي عليك ياابوي ماينوصف ماني قادره استوعب ولا اعيش حياتي دموعي تنزل من غير شعور لا تذكرته وتذكرت حزن أمي عليه يارب كما اخرجته من دنيا ضيقه ان تجعله في اعلى الجنان من غير حساب ولا سابق عذاب يارب ياكريم
ادعو لنا ادعو لي الله يربط على قلبي الحمدلله على قضائه الحمدلله