يصير اسرق من زوجي فلوس بدون مايدري للضروره القصوى

السلام عليكم
بنات انا راتب زوجي كويس لله الحمد والمنه يعني اللي موظفين معه جايبين لزوجاتهم خدامه و بيوت حلوه ... الخ
انا ساكنه فوق اهله بشقه صغيره بس مو بس هنا المشكله المشكله انه بمقاضي البيت يجيب لنا بس بس الضروري فقط دجاج وخبز وزبادي وطماط وخيار وليمون
وبصل هذا الضروري بساحيانا احيانا وبالالحاح مني يجب برتقال طبعا كيلو واربع موزات وكم حبه تفاحه واحيانا بطاط وكوسه بس مو دايم هذا
يعني الفواكه يعتبرها مو ضروري
حلويات مافيه تمر احيانا وبعد ماطلبه
صابون ملابس وفيري وشامبو للعيال انا مايجيب لي شامبو
ويعبي اسطوانه الغاز
وانا عندي 4 اطفال اكبرهم 7 سنوات واصغرهم سنتين وشهرين
والحين هو مداوم برا وقسم بالله الثلاجه فاضيه مابها الا علبه جبنه
ومره ارسلت له وهو بالدوام قلت وانت جاي هات خبز وفطور للعيال ارسل لي هذا اللي همك
والفراش والبطانيات يعتبرها مو اساسيه حتى بفصل الشتاء وللامانه علشان ما اظلمه يا بنات بالاعياد يعطني بس مو كثير يعني ويطالبني باغراض البيت ويحاسبني ع الهلله ويطلب فواتير الملابس مني بالشتاء يالله اشحذ منه ونغطي شي بسيط الحمد لله
يعني في اكل البيت نفسي مكرونه نفسي اسوي حلويات وفطاير الحين الاولاد جوعانين قسم برب العزه نفسهم في عصيرات شبسات مثل غيرهم وحلويات ويقول اني طلباتي كثيره ومن شافني ماشاف الخير الله حسيبه
ومتاذي من مصاريف العيال عاد انا اللي اسرقه منه يا 5 او 10 ريال بالشهر ماتجي 70 ريال اشري فيها اذ داوم برا المنطقه
على فكره هو له زياده 1500 ريال فوق راتبه لانه يداوم بعيد
وانا مو مستفيده شي من دوامه برا المنطقه اللهم مستفيده الفكه من وجهه الحمد لله
امس ولدي اللي عمره سنتين تعب لانه معه صدره دايم يلتهب واتصلت عليه ابيه يكلم احد من اهله يودينا للمستشفى قال اهلي مهم مسؤولين عن عيالي وكانهم مهم اعمام لهم عاد المشكله ان اهله شغالين تحريش علينا لما يدوام مثلا يدقو عليه تراه طلعت يدقو عليه تراهم اليوم نسمع لهم طق ازعجونا وهو يتصل ليش تطقو
يعني اهله ينطبق عليهم المثل اللي يقول في الشر تلقاني وفي الخير ماتعرف مكاني
ومره بنتي تعبت كثير ونزلت لامه ابيها تشوف لنا احد من عيالها يودينا المستشفى قالت روحي لاهلك وكانت معي بنتي مريضه ما رحمت بنت ولدها
علشان كذا اخذ منه فلوس لعل وعسى تغطي شوي من حاجاتنا
اش رايكم حلال طالما هو مقصر