شكرا لجميع اللي ردوا علي والله انكم اخواتي في الله .. دائما لما اكون متضايقة اكتب او استنى ردودكم و ارتااااااح نفسيا ربي يريح كل وحدة ردت علي ... و ربي يجزيك كل خير ..



و الاخت ام ارجواان طريقة الجماع كالأتي ...

شوفي حبيبتي قلي الدكتور .. الجماع يكون بالموضعية العادية هو فوق وانت تحت وما تحطي ولا شي تحتك يعني ما ترفعي نفسك بشي زي مخدة او حاجة ثانية ... اوكي

وقت الانزال لاتخلي زوجك يقوم على طول شوية شوية .. فاهمة علي يعني العضو الذكري لازم يخلي شوية ... معليش بس عشان تفهمي .


و بعدين على طول ضمي فخوذك على بعض زي لما تكوني حشرانة و نامي على ظهرك و فخوذك مضمومة لمدة ساعة عشان الحيوانات المنوية ما تنزل و تتجمع و بعدين لما تعدي الساعة خلي رجولك عادي ونامي على اليسار نصف ساعة و بعدين على بطنك ربع ساعة و بعدين على جنب اليمين نصف ساعة عشان الحيوانات المنوية تتوزع و بعدين ارجع لوضع العادي على ظهرك نصف ساعة ,والافضل يصير الجماع فليل عشان تنامي للصباح ..

و كمان قلي اول ما اقوم الصباح اوقف قدام المراية بدون ملابس و ارفع يدي 10 مرات لفوق لما احس انو الرحم انشد و بعدين انزل يدي لين الرجول فقط عشر مرات ...

وكمان في الصباح اول ما تصحي جيبي زيت زيتون او كريم نيفيا ومرخي لنفسك , يعني حطي زيت عند منطقة الرحم وخلي يدك تتجه لفوق ... هو قلي كده .. وقلي انشاء الله الرحم يرجع لمحله ..وكمان نسيت ا قولك .. قلي حاولي تشربي موية كثير و تحشري نفسك يعني امسكي نفسك قد ما تقدري قبل ما تروحي الحمام عشان المثانة تحرك الرحم لوضعه الطبيعي ... و ربي يرزقك وجميع المسلمين ...

حتى انا الرحم عند فيه ميلان للجهه اليسري بس قالتلي الدكتوره لازم الجماع يكون على وضعيه السجود بس ماطبقتها
تعرفين صعبه شوي بس بجرب طريقتك

و الله يا حبيبتي الدكتور قلي لا تسوي اي وضعية غير هذه والله اعلم وربي يجزيك خير وترى هذه الوضعيات ما تسويها الا ايام التبويض والباقي الايام زي ما تبغى وكما مو لازم تنامي يعني لو تبغى تغسلي على طول .. في غير ايام التبويض عااادي ..

الله اختي انا اليوم رحت لمرخه وقالت انه الحمل مابيصير اذا ظل الرحم مثل ماهو لازم يتعدل
وانا وايد خايفه

حبيبتي افضل وضعيه للحمل هي السجود سواء رحمك مايل او ماخذه ابره تفجيريه والله يكتب لك اللي فيه خير