السلام عليكم يحريم
عندي موضوع بلله هل ممكن قد صار معكم
انا ماعندي غير اخت وحده واكبر مني ب٧سنين يعني عمرها ٣٤
وانا طبعا ساكنه بديره بعيده عنها وعن اهلي مع زوجي
ومتواصله اكلم امي كل يومين الا هي كنت اتصل عليها وكل مره اتصل اقول لها شخبارك تعطيني الريق الناشف خير هلا الحمدلله اخلصي وش عندك ماني فاضيه
اول مره جمطتها وسكتت قلت يمكن صدق مي فاضيه
والمره الي بعدها اتصلت كمان بعد شهر نفس الاسلوب او تعطي الجوال لعيالها يقلون امي مي فاضيه
وربي يحريم يعني تخيلو ان جارتي لمن تجيني نفس وضعي تسولف لي عن خواتها وانها متواصله معهم واحيان يتصلون عليها وهي عندي ويسئلون عنها يتطمنون ويفقدوها اذا مر يوم ماتواصلت معاهم
انا مو معطيتني مجال ابد يعني صحيح لمن نتقابل بعد كم شهر عند اهلي نسولف وعادي وتعزمني بس ليش يربي كذا لمن اتصل واسئل عنها وربي اني قبل فتره قالت هاه اخلصي فيه شي قلت لاوالله سلامتك قالت يلله يلله مع السلامه وقفلت وربي بكيت تقطع قلبي
وحاجه ثانيه بعد
قبل مده صار زواج ل اخت زوجي وشريت فستان حلو ووجبت كوفيره للبيت عليها مدح حيل مشهوره وترجيتها ترجي حتى تزيني قلت ادفع لك المبلغ الي تبينه وازود عليه
المهم جات وقلت لها ابي تطلعيني ووواو قالت ابشري وزينتني والله مكياج وتسريحهً فخمه
وقلت لااختي تحضر قالت تم وحضرت هي وامي ومن اول م جلسنا قالت قومي روحي فوق ارقصي وكذا قلت طيب ورحت ورقصت ووقفت شوي وكذا سولفت مع حمواتي وبعدها نزلن ونزلت وجلست عن اختي الا قالت يععع فستانك بلمره يفشل شكل مشيتك فيه مررره باين نحفك وكذا كنك عجوزه وليش ترقصين كذا ماتعرفين ترقصين تفشلين والله بققت عيوني وسكت
الا شوي قالت مكياجك موو حلووو لاعاد تجيبينها هاذي الكوفيره شوفي شلون مخربه حواجبك مو حلو ابد قلت طيب
الا شوي قالت لي ليش م تقومين شوفي حمواتك قلت ماني قايمه اسكتي قالت شفيك نفستي قلت خلص اسكتي عني وربي جمطتها وسكتت يعني ليش العذاريب هاذي كلها يعني مفروض اجلتها لين مً نروح للبيت مو كذا دفشت كل الكلام وربي لزقت مكاني يومها صار بقلبي زي البركان 😂 رغم ان واثقه يومها من كلشي وبكل ثقه امشي الا اقرب الناس لي تقول عني كذا يعني وش تحس فيه
وهي والله لمن زمان عرس عند حمولتها تضل تسئلني بلعرس هاك كيف مكياج اقول لها حلووو وهوً مو عاجبني بس ماابغاها تتحسس بشي وثوبها كمان مو ذاك الزود بس وش يغير الحين كلامي بشي خلص صرنا ف القاعه الكلام م يفيد
المهم طلعت الي بخاطري لاني جد منقهره ومادري كيف اقول لها وكذا 😔💔
زائرة
يلزم عليك تسجيل الدخول أولًا لكتابة تعليق.
💎Diamond
•
تغار
العضوية الراقية
•
عليكم السلام ، يا اختي دامها اختك ومن لحمك ودمك اقعدي معاها شوفي شنو في قلبها يمكن تحسست منك في يوم و صار منها كل هالهجوم لا تخلين المواضيع هذي تكبر بينكم مهما كان انتم خوات الله يرضى عليكم
زائرة
•
العضوية الراقية :
عليكم السلام ، يا اختي دامها اختك ومن لحمك ودمك اقعدي معاها شوفي شنو في قلبها يمكن تحسست منك في يوم و صار منها كل هالهجوم لا تخلين المواضيع هذي تكبر بينكم مهما كان انتم خوات الله يرضى عليكمعليكم السلام ، يا اختي دامها اختك ومن لحمك ودمك اقعدي معاها شوفي شنو في قلبها يمكن تحسست منك في...
والله يختي مدري وش اقول لها يعني
زائرة
•
💎Diamond :
تغارتغار
ماضن يعني تغار من شنو بلعكس احسها افضل مني بحاجات كثيره وترى حتى امي تغليها وتودها اكثر مني
زائرة :
ماضن يعني تغار من شنو بلعكس احسها افضل مني بحاجات كثيره وترى حتى امي تغليها وتودها اكثر منيماضن يعني تغار من شنو بلعكس احسها افضل مني بحاجات كثيره وترى حتى امي تغليها وتودها اكثر مني
يمكن شايله بقلبها من موقف او كلمه
الصفحة الأخيرة