ام فايز @am_fayz

محررة

يضايقك والا ما يضايقك ؟؟

السلام عليكم يا بنات

لو اهل زوجك قدموا لك شبكه بسيطه و متواضعه وحتى مو على الموضه ، وانتي رضيتي فيها من اصلك وذوقك ، وبعدها بفتره بسيطه تزوج اخو زوك وقدموا اهل زوجك لزوجته ( اللي هي سلفتك ) شبكة الماس ذوق وفخمه بالحيل ومافيه مقارنه بينها وبين شبكتك .

مع العلم ان الام والاخوات هم اللي يختارون وابوهم هو اللي يدفع ، يعني القدره الماديه وحده !

هل بيضايقك ذالشي والا ما يهمك
وهل بتناقشين زوجك بالموضوع والا بتطنشين

اتمنى اسمع رأيكن

يلزم عليك تسجيل الدخول أولًا لكتابة تعليق.

تسجيل دخول

أم آجا • 20 سنة

أختي ام فايز لاتهمك الدنيا ولا الفلوس.انسي الموضوع ولا تحبطين نفسك علشان هالشي.صدقيني كثرة المهر ونوع الشبكة ماهي قيمة الشخص يمكن كانت فيه ظروف انت ماتعرفين عنها.
يااختي عيشي حياتك واسعدي زوجك واسعدي معه ولا تفكرين بالموضوع ولا تحرجين زوجك فيه.واثبتي انك انت اغلى من كل الماسات الدنيا.
دعواتي لك بالسعادة.

habhoba • 20 سنة

المهم الانسان اللى تتجوزيه يكون انسان كويس وعلى خلق ويقدر يعيشك فى سعادة ووفاق وعموما كل انسان له ظروفه

ام فايز • 20 سنة

ام آجا

ولو انه مو انا صاحبة المشكله لأني ما اهتم بالمظاهر .. لكن كلامك صحيح
تسلمين على الرد وجزاك الله خير

habhobo

جزاك الله اختي

*$*$بنت العين$*$* • 20 سنة

بصراحه
دام الام والاخوات هم اللي يختاروا والاب هو اللي يدفع
اكيد هالشيء بيضايق وخصوصاً
لو الفترة بين العرسين بسيطه
واكيد الوحده بتحس ان اهل زوجها ما يحبوا ولدهم وانهم يفرقوا بين الاخوة وان وان

ترى الشيطان ما يصدق يلاقي له حبه حتى يكبرها ويسوي منها قُبه
لو الزوج رجل ملتزم بحدود الله وشرعه
يعرف حقوقك عليه كزوجه
يحترمك ويقدرك ويحنو عليك
اكيد كل كنوز الدنيا ما تسوي شعره من شعر راسه

وواثق الخطى يمشي ملكاً

نرجــس.. • 20 سنة

اكيد بنقهر وبحس انهم يفضلون زوجه حماي علي ...
بس بسكت وبمرر الموضو وع ولا كأنه صاير شي لاني لو تكلمت ماراح يجيبون لي هديه ويقولون انتي مايعجبك العجب