السلام عليكم
انا يااخوات تزوجت وعمرى 19 من رجل امام مسجد..
كيف تعرفت عليه؟؟
عن طريق الوالد الله يحفظه راح وصلى عنده يوم...واعجب فى صوته ونشأت علاقة وصداقة بينهم
وساله الوالد مرة انت متزوج ولا لا؟؟قال ايه بس شبه زواج
متزوج مسيار
وطبعا انتم عارفين شرط الاساسي في المسيار الاطفال ممنوع
المهم انقطعت علاقت الوالد بهذا الامام فترة 3 سنوات
وسمعت من الوالد انه اعلن زواجه بالمرأة اللى كان متزوجها وطلعت (اعجمية)
لاهى سعودية ولاهى عربية اصلا
وتمر الايام ..وفى يوم رحنا زيارة للمنطقة اللى فيها هالامام
وصلينا عنده ...
الوالد ماخبرنا انه هذا الامام هو نفسه اللى يمدحه دوم فى البيت
ويومها شفته>>وعرفت شكله
انسان لايملك من معالم الجمال شئ
عاااااااااااااااااادي<<ويمكن فيه عيوب بعد
قلت في قلبي وانتى وش دخلك يابنت؟بشكله
كنت راكبة ورى سال الوالد بدون خجل مشالله عندك بنت فى سن الزواج ولا قتلى
<<انا اكبر اخوانى وبكر ابوى وامى
المهم الوالد قال ايه بي باقي بنيتي صغيرة
ااستغربت انا من نظراته لي فى المراية...استحيت وغطيت عيوني
وهو بعد استحى ولا عاد كررها
وتمر الايام................واسمع الوالد يقول فلان خطبك
انصدمت
ورفضت
يقول الوالد مادام انك ماتبينه...اجل نقبل عزومته لنا يوم الاربعاء على العشا
وبحكم الوالدة لحالها وتعبانة قلت اروح اونسها
ورحت انا وامي
ودخلنا بيته
وشفت ذاك المنظر
حرمة <شغالة ..قرقوز..مضحكة مهزلة<<<مادري وش اقول؟؟
وحدة مادري فلبينية سيلانكية اندونيسية...مادرى وش جنسها
بس العموم استغربببببببببببببببببببببببت
وش اللي يخلي واحد سمعته زينه ومركزه طيب..<<حتى لو كان مو جميل ياخذ وحدة زى كذا
مايستحي يخليها تستقبل ضيوفه؟؟
مليووووووووون سؤال براسي خطر على ذاك اليوم
وجلست انا وامى وحنا اناظر فى بعض
قامت تقول...مدام وش يبغى يشرب عصير ولا شاي
مسكت ضحكتى انا وامى
وقلنا لا ولا شى اجلسي
هى نص ساعة ودخلت جارتها السعودية وحمدنا ربي لقينا احد نسولف معه
وبصراحة انتظرت الفرصة اللى تطلع فيها زوجته من المجلس عشان اسال السعودية
ليه هالامام تزوج وحدة كذا<<<استغفر اللع ياربي سامحنييييييييييي
قالت لا هو خطب وملك على 3 قبلها بس ماصار نصيب
وهاذي الوحيدة اللي دخل عيها على حسب ماندري
بعد ربع ساعة دقينا على الوالد وماتحملنا نجلس دقيقة في البيت
وجا اخذنا...ورحنا الفندق وكملنا فسحتنا ورجعنا للمنطقة اللى حنا عايشين فيها
وخلصت الاجازة وبديت في الجامعة ونسيت سالفته كلها
في يوم من الايام ارسلت رسالة بمناسبة العيد لكل اللى عندى فى شريحة جوالي
وكانوا من ضمنهم حرمة الامام لانها اخذت رقمي ذاك اليوم تقول" مدام انا يبغى يتعرف على بعض "
المهم فى ثاني ايام العيد
ردت على برسالة<ابيات شعر لخالد الفيصل> قلت ..عجيب والله هالآسيوية صايرة تعرف تتكلم ونجدي بعد
مارديت طنشت
وصارت تجيني رسايل كثيييييييييييييييييييرة من رقم غريب
وفى يوم قررت اصارح امى وقلت لها على الرسايل وانى مارديت
قالت خل ابوك يشوف الرقم وعطيته للوالد
وتفاجئنا بانه رقم الامام المحترم
دق عليه الوالد وقال ..ممن اعرف وش معناة هالتصرف؟؟
قال بصراحة انا لسى شاريها وابيها ونفسي في القرب منك
قلت لأبوي رفضته وانا باقي ماشفت زوجته
واذا كان رفضي بالاول 100% الحين 200 % لان شاكة وراه شي ولا ليه يرضى على نفسه هالاهانه بزواجه منها
حسيت انه رجال غريب<<ومادري جانى شعور في نفس الوقت براااحةيوم سمعت يخطبني للمرة الاثنية
أصر على زواجه منى وصار كل يوم يدق يسلم غير الهدايا اللي يرسلها
يسافر ويكلف على نفسه ويجي منطقتنا بس عشان يجيب الهدايا ويرجع
الوالد تعلق فيه والوالدة بعد
بس انا لالالالالالالالالالالالالالالالالالالالالالالالالالالالالالالالالا
وتمر الايام وتجي الاجازة وكالعادة الوالد يبي ينزل ياخذ عمرة
انا خلاص انخنقت وحسيت فيني ضيقة يوم عرفت انه رايحين نفس المنطقة اللى فيها الرجال
خفت يكرر خطبته لي
قررت اجلس عند اخوالي وقلت لم مو برايحة
وفعلا مارحت
ورجعوا اهلى وامى تمدح فيييييييييييييييييه وابوى خلااااااااااااااص *** له عقله
قلت يابنت مالك غير تتحجيين بزواجه وانك ماتبين رجال متزوج \رحت للوالد وخبرته وقلت له ماترضى اول زواج لاحد من عيالك وبنتك الوحيدة تكون من رجال منزوج <<<لا واي زواج متزوجه استغر الله
تدرون وش رد ابوي ..الزواج مو حرام ولا عيب وهالحرمة اللى عنده اخذها عشا يعف نفسه وش تبينه يسوي
بس انا صمممت ورفضت..وقلت لهم ماابيه
جاتنى امى وقالت يابنتي ليه ماتستخيرين ربك...وشوفي يمكن ترتاحين له...وبعدين ((تراه امام ويخاف الله ويابنتى شكله يحبك..يمه واللى يسلمك وشلون يحبنى وهو ماشافنى
قال لا..شفتها يوم جت عندنا البيت..والشرع يقول يجوز الخاطب يسرق النظر ويشوف مخطبوته
يمه ومن اللى وافق عليه حتى صار خطيبي
ااااااااااااااه وصرت ابكي
وابكي ولاحد حس فيني
فى هالفترة كانت صديقتي بنت عمتى ونسلوف كثير
وحكيتها وهى بعد اشارت على بالاستخارة
قمت استخرت...وقررت ادق عليه بعد الاستخارة
ودقيت عليه وقلت له انى ماابيه واهلي غاصبيني وان بقية العائلة مو موافقين عليه اقصد اعمامي واخوالي
وفعلا كانوا ضد الوالد وينصحونه
بس ابوى لاحياة لمن تنادي<<لدرجة انه قال اذا متزوجتيه لانتي بنتى ولااعرفك وغاضب عليك ليوم الدين
وقفلت الجوال
وصار يدق على كل يوم وانا اطنش
لحد في يوم وانا نايمة وفي ساعة متأخرة دق ورديت بدون مااشوف الرقم وكنت نااااايمة مادرى وشلون رديت
ومادري وش قلت
صحيت الصباح...رحت الجامعة...وانا في السيارة مسكت الجوال ..انفجعت لقيت نفسي رادة عليه فى الماكلمات المستلمة
واطريت اني ادق عليه عشان اعرف نفسي وش قلت وش سويت في نفسي ؟؟
ودقيت ورد على في قمة الادب والاحترام
وبتدا فى الكلام الحلوا والغزل
وقال مستعد لأي شي قلت بس انت متزوج قال اطلقها قلت حرام قال بك ولابدونك راح اطلقها
هى طالبة كذا قالت اذا تزوجت طلقنى
ومرت الايام وهو يتصل وانا ارد لحد ماتعلق فيه
وطلب انه يشوفنى<الرؤية الشرعية>
وشفته وطلعت بعد 5 دقايق ابكيييييييييييييييييييييي
لان ماكان هذا طموحي
بس قلت عادي الرسول قال الخلق والدين مو الجمال
اما هو طاااااااااااار من الفرحة..وتجنن لدرجة انه قدام الوالد وهو يمدح في جمالى وطولي وبياضي ويقول مآشاءالله وقال ابى املك بكرا
بس امى رفضت لاننا مو مجهزين نفسنا
وتمرر الايام ويملك علي وقبل الملكة طلق زوجته ذيك
والفترة مابين الملكة والدخلة كانت قصيرة
وتزوجنا
مع العلم دخلت في نفس البيت <<بس غير الاثاث
انا يوم دخلت حسييييييييييييييييت في ضيقة
حسيت انى <<خطافة رجال
مع العلم اني ماخترته ولا ركضت وراه ربي شاهد
هو اصر واهلى بعد..وامى<<فى فترة الملكة كانت مترددة وودها نفسخ العقد بس ابوى كان مواقف ولا يبي يسمع رأي احد
في ثاني ايام زواجنا خاصمني لاني جالسة مع عمى
قال<<وش دراني انت وعمك وش بينكم قلت اييييييييييييييييش قال قصدى الشيطان حي
انا في الهيئة شفت البلاوي
وشكك في اخلاقي من 2 يوم زواج وبكاني ونزل دموعي وحنا في بداية الطريق>>>>>يتبع
بعد اسبوع من زواجنا نداني باسم حرمته الاولى بكيت وزعلت بس مابين له دموعي بس حسسته انى زعلانة
وبعد اسوبعين ضربنى كف على شان وحدة فى التلفزيون
طلبت منه يشيل التلفزيون من البيت بحكم التزامه رفض وضربنى ضرب
وكل مرة يضربني فيها ..يرجع يطلب السماح ويقول اضربيني
في البداية كنت مااضربه
بس الحين اقصد من سنتين صرت ارد له الضرب ...هو يضرب وانا اضرب
بعدين اجلس افكر وش هالحياة وش هالوضع؟؟؟الين متى
واذا جونا عيال كيف بينشأوا وشولون بيتربوا ومن راح يحترمون
زمان بداية زواجنا كان مايجلس ربع ساعة الا ويجي يستسمح
اما الحين تمر ايام ولايهمه
<<لاتقولوا خبرى اهلك
خبرتهم ورحت عندهم 4 مرات وجلست 5 شهور وطلبت الطلاق ورفض يطلق
..اقلم اياها من الآخر ..مافى حل الا الخلع
واانا مادرى وش اللى مكتفنى الى الحين على رفع قضية خلع
مادرى ..حكمة من الله
لانى استخير قبل كل خطوة
الحال اللى حنا عليه الان
ضربنى وقطعلى شعرى..وتف على وجهى وسمعنى اسوء الفاظ وقال..مانى مطلقك اطلقك بمزاجي.انا مو بكيفك
سباب الضرب\ جداااااااااااااااااا تاااااااافهة
على اكل تعالى كلى اقوله مسوية دايت ...خليني يراحتى
يقول كلى ولا والله اقلب السفرة على راسك
او
مثلا لو قلت له الجو بارد مايحتاج تكييف
يقول قفلي فمك وش دخلك
اقوله وش فيه اسلوبك كذا
يقول والله لأبكيك...ويقوم يضرب
او مثلا...
مع احترامى لكم يابنات يتلفض بالفاظ سوقية وفي قمة السافهة اذا كان يتفرج على الكورة
اقله عيب اتقي الله
يقول قفلي فمك ولا اقوم لك
واذا ماست فعلا يقوم لي...
>>اطفال ماعندنا السبب الله اعلم
في البداية كنت آخذ حبوب
الان بطلتها من سنة ونص ولا فيه حمل
هو سليم وانا سليمة
الحياة مابيينا شبه منحطة ساقطة بدون احترام
وش بقى؟بعد الضرب والسب ..والتف على الوجه
وش بقى غير الخيانة وبس..
وانا راح انتظر الين تحصل مصيبة عشان اطلب الطلاق؟؟
كلمت ابوى وهو جاي السبت بعون الله
وهاذي آخر فرصة عطيتها لزوجى الامام اللي يخاف الله..
حتى اكون امام الله بريئة
هو يقول انى حرمة عاصية
انا دافعت عن نفسي وشتمته او ضربته
وانا مااقول غير انه منافق ومريض نفسي
ولا فيه رجل عاقل..يضرب زوجته ويكشف غطاها فى الشارع ويعيطها كف في السوق..عشان تناقشه بس
فيه رجال عاقل يطلب من حرمته تضربه عقب مايضربها<<<وش هالحياة؟؟
جاوبوني بنات
يتبع<<<
تكملة القصة
هنا #33
وهنا#432
الجزء الأخير هنا #559
@تاهت خطاوينا@ @taht_khtaoyna_2
عضوة جديدة
هذا الموضوع مغلق.
الصفحة الأخيرة
الله يعيننا على هالدنيا :(