أحذر ترى الدنيآ تغرك وتفتنك
لأنها تلعب على كل موآل
من لايعرفك يـآ فتىآ مايثمنك
والهرج ماودك يكرر أذا انقآل
وقت الفضاء ماهو مثل ساعة الضنك
ولكل ساعه فيه موقف ورجال
بعض الرجال إليا قضى حاجته منك
يصد عنك ويعتبر طيبك هبآل
وبعض الرجال بوزن طيبك يثمنك
ويرد لك طيبك أذا حدك الجال
هذاك إذا جاك الخطا منه ياعنك
ماهي غريبه كل رجلٍ له أفعال
وهذا إذا جاك الخطا منه يغبنك
وتضيع في تحليل وضعه والأحوال
غني عني وأحمد الله غني عنك
وكلٍ على دربه له الآآآم وآمال
مهما ضحكت دنياك في يوم تحزنك
لابد من حزنٍ لو أن الفرح طال
يطعنك شخصٍ ماتوقعت يطعنك
ويسعفك شخصٍ ماطرا لك على بال
شفت الذهب لو صّنعوا بالذهب تنك
يبقى ذهب غالي ولاينقص ريال
والزنك مهما صار يبقى هو الزنك
لو أنصنع بأحدث طرازات وأشكال
يعني معادن صح معدنك معدنك
والمغترب لابد يرجع للأطلال
هي كم بيت إن شاء ربي تفطنك
يمكن لعل الله يصلح بها الحال ..
منقول
الجوري الابيض @algory_alabyd_1
عضوة فعالة
يلزم عليك تسجيل الدخول أولًا لكتابة تعليق.
روووووعة .. لاهنتي ومشكووورة على النقلروووووعة .. لاهنتي ومشكووورة على النقل
«اللهم إني أعوذ بك من الجبن، وأعوذ بك من البخل، وأعوذ بك من أن أرد إلى أرذل العمر، وأعوذ بك من فتنة الدنيا، وعذاب القبر»
الصفحة الأخيرة
دمتي يا رآآقيهـ ....
لا اله الا الله محمد رسول الله ..