يطلقني مشان الدخان

مرحبا
زوجي الثاني بيكون ابن خالتي هو وعيلتو ومن يومهم تجار وعندهم مجموعة تجارية
اخر فترة وعن طريق الصدفة دريت انو زوجي بيشتغل بتوريد الدخان والمعسل ببرادات الشحن تبعو بالشراكة مع واحد ثاني
هلق نحنا بما انو طلعنا برا البلد ضل اخوه جوا عم يشتغل بدالو سمعتو عن طريق الصدفة عم يحاكيه ويوجهو بموضوع الدخان هذا
واجهتو انو حرام حسيتو صار يستهزأ فيني طلع الرجال متقمص دور الشيخ وعمل دراسة وافتى فتوة من عندو او التجارة بالدخان عادي لا حرام ولا حلال ومستمر فيها وعم يغرق البلد بالدخان والمعسل مع كم واحد
اجيتو من اكثر من باب ماعم يرضى يرد الطمع عمى على قلبو
حسيت انو صارت عيشتنا بالحرام الاكل واللبس وكل شي وهو مالو مهتم اهم شي المصاري تزيد ويعلى اكثر
ماعاد قدرت اطيق اشوف وشو ولا شكلو وصرلي فترة عم ابعد عنو
هو حس بدال مايعالج الموضوع قلي هاتي جواز سفرك خليني ارجعك لحضن امك مع ورقة طلاقك
قلتلو سبب بعدي عنو قلي مالو عاجبك انقلعي لاتفكري انك تربطيني بولد وبنت انا مرتي الاولى ١٩ سنة مع بعضنا وبالاخر رميتها برا لانها كبرت راسها معي لاتفكري حالك انك لسا جديدة وجايبة الولد والبنت او انك بنت خالتي يعني رح اتحملك كرمال عيون امك لا الف وحدة بتبوس الايد وشوفي لما تزوجت عليكي قبل هالمرة تزوجت صبية بيتمناها احلى شب بالبلد
هذا المنطق الاعوج الغبي دوم بيحاكيني فيو لما منتناقش على غلط من اغلاطو
مو بيدي القصة بس جد حاسة كل مالي حرام وماعم فرق اذا هالمال من الدخان او من مصدر ثاني !!!
مابعرف شوبدي اعمل معو او اعمل بحالي