ورد

ورد @wriiiu

عضوة نشيطة

يعاملوني بشكل غريب..

الأسرة والمجتمع

السلام عليكم
اتمنى من اي احد يقرأ كلامي يرد رد ولو بسيط يمكن بعد الله يفيدني
بدخل بالموضوع
طريقه تعامل الناس معي غريبه بديكم مواقف وانتو احكموا
سواءً كنت جالسه مع اقاربي صحباتي او حتى اهلي او شخص جديد تو يجلس معي الجميع بدون استثناء
ياخذون عني فكره من اول مايشوفوني غريبه
مره قلت سالفه والكل سكت فجأه مفجوع وكأني كنت بكما وتكلمت ما أبالغ لدرجه وحده قالت لي اول مره اسمع صوتك زي كذا مع اني اسولف طبيعي زي اي انسان
وداااايماً اذا فتحت سالفه يتبوسمون بس لاتعليق ولا شي ويقولون ماندري وش نرد عليك اذا جيتي تسولفين كأنك نونو صغير!!!

والله العظيم هذا كلامهم لي مو وحده ولا ثنتين كثيررررررر كثيرر

وحتى شفتوا المزح الي نمزحه مع بعض مايمزحون معي ابداً تخيلوا معي وش السبب؟؟
يقولون نخاف نقول شي ونجرحك انتِ طيبه اوكي ما اختلفنا بس انا حالي حال الكل احب المزح والتضاحيك
بتفكروني حساسه و ازعل لا والله العكس تماماً حتى يقولون لي عمرنا ماشفناك زعلانه ماشاء الله او تتحسسين مننا

ومره بنت عمتي واحنا نضحك ضربتني ع كتفي وجلست سنه تعتذر مني واقولها عادي يعني واضح مزح وانا اصلاً مازعلت او قلت ليش تسوين كذا بالعكس وجلست تقول لا المفروض ما اضربك!

بتقولون ابدأي انتِ وامزحي بديت وجربت وينصدمون ف كل مره يقولون اول مره نشوفك كذا نحسب انك ماتحبين هالحركات 

صرت احاول واشتغل ع نفسي اني ابين العكس للناس لكن مدري هل فيه شي غلط عشان اغيره ولا مافي وهم نظرتهم كذا لي بتبقى دايم؟ حاولت ويعلم الله اغير هذه النظره لانها ماتمثلني والله ما ازعل أمزحوا واضحكوا وطقطقوا معاي عاااادي عندي وجداً

ايش وجهه نظركم؟؟
7
911

يلزم عليك تسجيل الدخول أولًا لكتابة تعليق.

تسجيل دخول

🇸🇦السعوديه🇸🇦
دام الكل يتصرف كذى ويحاسب على تصرفاته معك يمكن آنتِ حساسه وقد حصل موقف عرفوا من خلاله هذا الشي فيحاولون يتجنبون جرحك . وفيه جانب جميل في الموضوع وهو دام انهم حذرين في التعامل معك ومايبون يضايقونك معناته يحبونك ويحترمونك.
لأن بالعاده البنات يشتكون من الي يتعمدون جرحهم ومضايقتهم.
سمآ الورد*
سمآ الورد*
اتوقع انتي هادية ولماتتكلمين يستغربون ودايم الشخصية الهادية يتوقعون انها تزعل ولاتبين فعشان كذا يعتذرون منك
خلك على طبيعتك وحاولي تكوني بشوشة معهم حتى لو ماتكلمتي الشخصية البشوشة تعطي أريحية بالجلسة طبعا ابتسامة ماهو ضحك طول الوقت
بنت الكويت.
اسمحي لي اقولك ما عندك سالفة
قاعدة تحاولين تغيرين من نفسك عشان تتغير نظرتهم لك
الله اكبر يا النظرة
ترى ما نظروا لك بشي مشين
هم يشوفون انك ما تحبين المزح
يمكن ملامح وحهك توحي لهم بهالشي
وما قصرتي على نفسك حاولتي مرارا وتكرارا انك تبينين لهم العكس
خلاص سوي العكس قولي اي انا ما احب المزح ولا عاد احد يمزح معاي
وخذي الموضوع من جانب اخر
ان عندك هيبة ولك احترامك ومو اي احد يمزحون معاه
Yasmeen 7
Yasmeen 7
وعليكم السلام هذا الانطباع اللي ماخذينه عنك يرجع للصورة اللي الناس شايفتها انتِ تعرفين نفسك لكن الناس عليها بالظاهر يمكن ماتتكلمين كثير وما تشاركين ولا تمزحين عشان كذا يعاملونك بهالطريقة بس والله حلو اسلوبهم معك
الراقية
الراقية
نفس معاناتي 😅
بس احاول اني اتكلم واختلط وامازح فا الحين شوي شوي بدأو يتعودون ع شخصيتي الجديدة حتى صاروا يقولوا لي نتمنى ترجعين هادية مثل قبل ازعجتهم 😂😂👍🏻