السلام عليكم ورحمه الله
اخباركم ياامهات واخبار اطفالكم ..
هذا الموضوع سيكون تجمع لامهات الاطفال اللي يعانون من الاكزيما ...
نعاون بعض ونستفيد من بعض بتجاربنا ...
حتى نعيش اطفالنا كغيرهم ...
اولا ...انا عندي بنت وعندها اكزيما شديده من هي صغيره وماخليت استشاري او دكتور او شيخ الا ورحت ..:(
طبعا المستشفى قالوا كرتزون ومنعها من الاطعمه المهيجه للحساسيه مع تغير الحليب ..
طبعا الكل عارف الكرتزون فتره ويرجع مثل اول ..
المهم انا مستمره على الحليب اللي خاص بالحساسيه والدواء المانع للحكه مع الترطيب اليومي بالفازلين ...
بس والله تتعب جسمها متجرح من الحكه وفي الليل تصيح لازم اشيلها واغسلها ..الصابون سيباميد لانه غيرمعطر وادهنها ...
المهم ..
فيه عضوه هنا كاتبه على خلطه وهذي الخلطه للاكزيما ونفعت طفالها قلت اجرب وش وراي يمكن تنفع ..:42:
مااذكر اسمها لكن الله يجزاها خيرر
وهي نشا +زيت الزيتون+فازلين +جوليسيد السائل انتبهوا السائل بس
جربتها وللعلم انا اكزيما بنتي ناشفه ...
وسويتها والحمدلله حسيت انها نفعت شوي لان مالي الااسبوع وللامانه ماكنت اضيف جوليسيد لان ماكان عندي .بس اليوم كررت الخلطه واضفت لها الجوليسيد..
ورحت فتحت موقع للرقيه الشرعيه للعين ...لان الشيخ قال فيها عين ..:(
فسويت الخلطه وحطيتها في علبه زجاج ورحت توضيت وفتحت على الرقيه وقريت بخشوع في الخلطه اسال الله ان يشفي طفلتي واطفالكم منها ..
فاللي حابه تبداء معي ..ونشوف التنائج بعد 3 اسابيع ..تتفضل حياها الله سواء بالخلطه اوبخلطه مجربتها ونفعت معها ...
بسم الله الرحمن الرحيم ...
الخلطه هي ..
نشا+زيت زيتون اصلي +فازلين +جويلسيد السائل
خلطها ووضعها في زجاجه
قرات الرقيه بعد الوضوء وبخشوع ..
http://www.alroqyah.com/vb/showthread.php?t=1516
اقروا في العلبه اللي فيها الكريم وانفثوا فيها ..
مع الاستمرار عليها وعدم استخدام الاكل المهيج للحساسيه والصابون يكون اما سيباميد او صابون ورق الغار لانه غير معطر وللملابس الوزير ..
الاستمرار مع الترطيب بها يوميا وطوال اليوم ويكون الجسم مترطب ...لمده 3 اسابيع ..
هابنات ...ان شاء الله تنضمون لي وانا ان شاء الله من بكره بابدء والخلطه سويتها الحين وقريت فيها وحطيتها في الثلاجه ...
ارحب فيكم وفي كل وحده حاابه تشترك معي وتبداء معي في تخليص اطفالنا من معاناتهم من الاكزيما ..
بعد 3 اسابيع نشوف اذا مافاد نبدا في خلطه جديده لان عندي كذا خلطه ...وبعون الله مانحتاج :42:
اسرارالجمال @asraralgmal
محررة برونزية
يلزم عليك تسجيل الدخول أولًا لكتابة تعليق.
السلام عليكم
انا عندي بنتين كلهم فيهم الاكزيما وان شاء الله اذكر لك تجربتي معهم لاني الحين بنام
وعسى الله ينفع بهالتجمع
انا عندي بنتين كلهم فيهم الاكزيما وان شاء الله اذكر لك تجربتي معهم لاني الحين بنام
وعسى الله ينفع بهالتجمع
انا بنتي عمرها 5 سنوات وتوها تطلع فيها اكزيما لا وتتنقل مرة برجولها ومرة في وجهها ومرة بايديها وحده قالتلي على وصفه استخدمتها مع ولدها ونفعت اللي هي ترمس مطحون مع فازلين جبت الترمس وحاولت اطحنه بس مارضى ينطحن مع ان طحانتي قويه ولا لقيت مطحون
الصفحة الأخيرة
وهذا هو رابط الموضوع للاجابه على اسالتكم وعن مقدار الخلطه ...
http://forum.hawaaworld.com/showthread.php?t=1040913&highlight=%C7%DF%D2%ED%E3%C7
لان ماودي تشتركون الا وانتم متاكدين ومتطمنين ..وهذا من حقكم ..