يعتبر ظلم له ولا لا ؟!

السلام عليكم
اخباركم حبايب قلبي
يابنات ابغى افضفض لكم انا مملكه وزواجي شهر 1 المهم انا شخصيتي مزاجيه مثل شخصية ابوي مزاجي يعني اوقات ودي اكلم خطيبي واوقات ماودي اسمع صوته اوقات احب مزحه وكلامه واوقات احس اني تمللت منه والمشكله امي الله يهديها تقولي لازم تكلميه بعد كل يومين اوثلاث بالكثير والمكالمه تكون 4 او 7 ساعات ونا وربي احس بالملل ولحد يقول كلميه كل يوم لان عندي دوام جامعه ضغطططط ماارجع الا بعد العصر كل يوم والخميس 7 بعد المغرب هو يحبني لاخر درجه الحمد لله لكن انا ماابادله نفس الشعور مجرد احترام واعجاب لبعض صفاته ويمكن في محبه لكن موبمقداره وهو اخلاق ويحاول يرضيني والحمد لله بس انا لان ابوي واخواني عصبيين وكذا وقليل كلامهم ومزحهم مو متعوده على رجل اكلمه بنفس اسلوبه تخيلوا مره كلمته13 ساعه والله لو مو انا قفلت كان ماقفل وربي صرت اخجل والحمد لله مااحب اجرحه واوقات اقوله كلام حب بس مجامله مثل مايقولي لان صعب احد يقولك كلام حب ولاتقولي له لو ربع اللي يقوله حتى لو مو من قلبك عشان لااظلمه وامي تقول لا انتي ظالمته ومقصره بحقه ومو مهتمه قلت ذا بالنسبه لي اني اكلمه في الاسبوع كل ويكند و6 ساعاات او سبع اهتمام وكفايه اخذ واعطي وامزح واشوف احواله حتى لو ماودي والله اني اغصب نفسي بس اكثر من 6 ساعات وكل جمعه وسبت ماااقدر ووقت الجامعه ابي ارجع استريح اتفرج واسولف حتى لو ماذاكرت يكفيه الويكند حتى يمديه يشتاق لي ويشبع سوالف وربي مضغوطه مااقدر على اكثر من كذا مااقدر اكون مثله ومثل شخصيته لانه مزوحي وطيب ومو عصبي وعاطفي مره ويعبر عن احساسه ونا اقوله كلام عاطفي وربي وزي ماقلت اشكره واثني عليه وامدحه بس مو مثل مايقولي وانا مااحسه منزعج ولاعمره قالي انتي مقصره ولاماتقولي لي كلام وكذا لاني اوقات اقوله ومااحرمه ابد من الكلام والشكر ورفع المعنويات اذا قدم لي شئ اشكره واقول الله يخليك لي وتعبت نفسك وفديتك وانت مافي اطيب منك وانا مااتخيل حياتي بدونك ومن ذالكلام حتى لو ماكان في كل مكالمه اورساله بس ماعمره قالي شي ولارديت عليه او قدم لي شي وماشكرته واثنيت عليه حتى لو مو من قلبي واجب ارد عليه ولاعمري كلفته فوق طاقته او جرحته حتى لو قلت شي احسه غلط بمزحه ولا شي اعتذررر منه لين يقبل واسأله انت زعلان ولا لا ودايم اقوله اذا مو مقتدر على كذا انا براعي ظرفك ماودي اتسلط عليه واستغل محبته لي اعوذ بالله ولاتقولوا ليش وافقتي عليه انا ماوافقت الا بعد مااستخرت ربي وتوكلت عليه ودعيته يارب ماابغى اظلمه ولايظلمني اذا كان في هالانسان خير لي الزواج منه فيسره وان كان لا فأصرفه عني والله يسر الزواج لي والحمد لله لكن امي تخوفني يوم تشوفني اوقات ماودي اكلمه ولا اوقات اقولها تمللت يعني مرتين بالسبوع تكفي مو كل يومين ولاثلاث 5 او 7 ساعات لان من الاساس انا مااحب اتكلم كثير والله اني صرت انحرج هو يتكلم ونا ساكته لان مافي سوالف كل شي سولفنا فيه والوقت اللي مافيه دراسه يعني اجازه كنت اكلمه في الاسبوع اربع مرات والمكالمه تقعد 8 او 10 ساعات او اكثر والله ووقت الدراسه كل خميس وجمعه حول6 ساعات من الساعه 12 الى 6 الصباح الصواب معي ولا مع امي انا اشوف كذا اعتدال كل جمعه وسبت اكلمه حول 6 ساعات والايام العاديه لا لان دوامي جامعه وماارجع الا 5 العصر والخميس 7 المغرب ابغى ارتاح واسولف مع خواتي ولا معاها تقول لا لو تسولفي معاه ابرك من مع خواتك هو اللي بينفعك مو هم وانا اشوف لا ودي اسولف مع خواتي لاني متعلقه فيهم والويكند اسولف معاه هي تقولي انتي ماعندك احساس هو يحبك وانتي مو معطيته وجه ونا وربي احترمه ولااجرح مشاعره واقوله كلام لو مو من قلبي بس المحبه من ربي وزي ماقال الرسول عليه الصلاة والسلام " اللهم هذا قسمي فيمااملك فلاتلمني فيما لا أملك " قصده قسمه بالنفقه بين زوجاته ووو ولكن فيمالايملك هي المحبه وان شاء الله تجي بعد الزواج انا وكلت امري لله وربي مارح يخيب ظني لاني استخرت الله فيه وتوكلت عليه تقولي ليش ماتتكلمين عنه وعن الزواج وتجيبين طاري الموضوع وليش مو فرحانه زي البنات وامس زعلت مني للن قلت لها في رمضان بكلمه كل 3 ايام او 4 ايام
ساعتين ولاثلاث تكفي لان عندنا زواج لعمي بالعيد ورمضان شغله وروحات سوق وعزايم وصلاة ترواويح وقراءة قران زعلت علي مره وبالاخير انا طبعي ملوله من المكالمات الزايده بصراحه حتى امي يوم اشوفها تكلم خالاتي اقولها ماتملين لانها طبعها مزوحيه وطيوبه وعاطفيه وامي مثقفه وواعيه وفاهمه لكن تخاف علي
ووغير اني مااحبه زي مايحبني ذاطبع فيني التملل وربي ماودي ازعلها واليوم ماحليت بالاختبار زين وانا ادري انها خايفه علي من الطلاق ومقدره بس والله تعبت بذي الطريقه قاعده تضغططط علي بشي مو بيدي انا خلقني ربي كذا مزاجيه ومااحب كثرة السوالف وشلون مع انسان اكن له الاحترام وموذاك الاحساس بالحب اتجاهه وربي ادعي الله انه يقذف في قلبي له المحبه لكن احس عادي مااشتاق له ولاشي مجرد مجامله وقت اقوله اشتاق لك بس عشان امي وافقت قالت لي متى اقولك تكلميه تكلميه وفي رمضان كلميه يوم ايه ويوم لا ومن 5 الى 7 ساعات لانك في اجازه حرام ماتكلميه وتهتمين فيه ونا وافقت عشان ماتزيد زعل علي وخوف الا والله اني طفشانه من اللحين وماودي ازعلها لان نفسيتها تعبانه مره واشوف الفرحه بوجهها اذا شافتني اضحك وكذا والله اني اضغط على نفسي عشان لاتزعل اوقات وتتعب نفسيتها لانها تقولي اشوف الفرحه اللي انحرمت منها فيك ونا هنا احزن عليها تذكروني بدعوه وارشدوني ولاتقولوا انتي بنعمه احمدي ربك غيرك مو لاقيها اناحامده ربي واجامله واقوله كلام واشتقت لك وهو اوقات مو من قلبي عشان اتعود ولا اظلمه ووالله لو الحب ينشرى كان شريته لكن مجرد اشوف صورته يجيني شي مادري احس مو متقبلته ابددد وشفته في النظره الشرعيه لكن لاني كنت استحي ماطالعت زين فيه هو موشين ولازين عادي لكن مدري وش فيني اوقات يجيني نفور واوقات ارتاح متقلبه عشان كذا تقولي اخاف النفور ذا يستمر معاك لين الزواج ويشك ويطلقك اذا مو قادره على مكالمة جوال مارح تقدري على قربه لانك مو قادره تكلميه عشان النفور """ انااشوف كلامها صحيح وعلى حق ويخوفني واشوف كمان انا كلامي صحيح وعلى حق """" وانا اقول ربي قادر انه اذاقرب مني وصار يتكلم وجه لوجه حتى لو فيني نفور مع التعود بيروح هالشي ان شاء الله لان مافي شي يعجزه ولان مو كل المتزوجين حبوا بعض على طول وانا قلتلها حتى لو حسيت بنفور بالبدايه ولاتقبلت قربه ماببين له وربي بيعينني لان نيتي طيبه وماودي اظلمه والحمد لله مريحني اني استخرت ربي وان شاء الله ربي يرزقني محبته ويؤلف بين قلبي وقلبه واريحه واسعده زي ماهو مو مقصر بكل امانه في كل شي والله ماودي اتطلق واتزوج احد احسن منه ولاشي لانه مو ناقصه شي ودي ربي بس يرزقني حبه ويعلقني فيه وادعولي ولاتنسوني داخله عليكم بالله ان ربي يرزقني الانسجام ويفرح قلبي وقلبه وقلب امي اللي خايفه علي