يعجز لساني

عن وصف ألمي ذيك الليلة
منطولة في بيت أهلي فترة امتدت سنة قبلها وفيها خلافات كثيرة
رفض زوجي يجي ياخذني من عند أهلي وجلست فترة طويلة معندة واحتريه ولا تنازل
ثم تنازلت أنا وقررت أروح
لقيته كل مرة يحط عذر شكل ويأجل ويأجل ويتعامل معي بقلة أدب واحترام
لا ينفق لا يسأل لا يزور يصد ويهجر وطاير مع زوجته
وفي يوم سمعت شور محاميتي
قالت روحي لبيتك وادخليه غصب عنه مهما تحجج ولو عيا يكون هذا المنطلق اللي نكسب لك منه قضية فسخ النكاح
علمت أمي إني راجعة بيتي ورحت اتصلت عليه ما يرد
كلمت أمه قالت مسافر !!
أصريت انه موجود وإحساسي ما يكذب لأني أعرف كذبه ومماطلته
وكلمت أبوه
أبوه كلمه وغسل شراعه وشراع أمه
فجأة هو يتصل علي
وش جايبك يا *** والله إن ****
رديت بهدوء جاية بيتي تعال افتح حالا ولا بيكون لنا كلام آخر عند الشيخ
عاد المحامية كانت معي أول بأول وسمعت كلامه وانقهرت مرا
قالت هذا ينخلع بدون ما ياخذ ريال
إذا ما فتح بنسوي له محضر عشان نكسب بينة قدام الشيخ
شوي جا الأخ!
طلع مو مسافر ولا شي
دخلت البيت وقلبي على يدي
البيت مليان غبار والأثاث القليل أساسا شايل منه
غرف فاضية موحشة
دخلني وقال رايح لزوجتي
قلت بتتركني لحالي لا مويه لا اكل
كذا تستقبلني بعد كل هالغياب
بدال ما ترحب تقفل دوني بابك وتهددني وتتهرب مني
وتخانقنا ومسحت بكرامته الأرض زي ما أهانني وحلفت ما عاد أطب بيته وطلعت 💔💔