شكرا لردودكم

1- امى واصله وتؤدي الواجب معهم
2- امي بالرياض
3- امراه كبيرة ولاراعية كلام كثير ولغط مثل ماشوف فى بعض الامهات الحاضرات

انا مااقول يعزمونها بكل مناسبه لان الشيء ذا غلط ولا يصير
انا اتكلم عن الاجتماعات بمناسبة معينة مثلا عزيمة لان بنتي ولدت - عزيمه لان ولدي تخرج
عزيمه لان فلان طلع من المستشفى .. الى اخره
يعني ليست عزيمه خاصه او بسيطه وهم متكلفين وعازمين امة لا اله الا الله
واشوف ناس امهاتهم ينعزمون وناس لأه

يعزمون امي الله يحفظها
بس في المناسبات الكبيره
واذا بعض الاحيان ما عزموها عادي اروح

لا مايعزمون امي :)

طيب انتم تعزمون امهات ازواجكم؟؟؟ اكيد لأ

لو بتعزمونهم عزموكم:)


ومنا ماتفرق معي بصراحه :):)

انا بصراحه امي متوفيه الله يرحمها بس عندي اختي الكبيره اللي مربيتني اختي وكنت عند اخوي قبل اتزوج فكأن اختي الكبيره هي أمي والله ماعمرهم قدروا اختي ولا أهلي أبد سواء العزايم الكبيره او الصغيره وفي العزايم أتفاجأ بجية اهل او ام زوجات الاخوان الباقين الا أهلي مع ان اختي واهلي مايقصرون يهنون ويباركون ويدقون في اي مناسبه ام زوجي ويقدرونها ووالله يشهد عمري ماقصرت بشيء معهم ومعتبرتهم اهلي بس اذا شفتهم ماعزموا احد ىمن اهلي وعازمين كل احد من حريم اخوان زوجي أنقهر ليش كذا والله يشهد اني احبهم واتمنى لهم كل خير وام زوجي اسميها امي من حبي لها بس الله يسامحهم ودايم في العزايم العمات والخالات يسألوني ليش ماجاء احد من الاهل حتى اني اضطر اكذب واقول لهم ماقدروا يجون عندهم ظروف مااحرجهم واقول للناس ماانعزموا اهلي والله يعلم اهلي عمرهم ماتكلموا فيهم الا بالخير ودايم ينصحوني ببر ام زوجي ويوصوني على اخواته وانا اسوي اللي ينصحوني فيه مرضات لله ثم لزوجي ثم لأهله لكن مدري وش فيهم علي يمكن لطيبتي الزايده او الله يعلم ومااقدر اقول الا الله يسامحهم وانا في نفس المنطقه

ومع هذا احضر مناسباتهم واقدرهم مع انهم مايقدروني ولا يقدرون اهلي بس عشان زوجي :(

ماصارت يعني يعزموون امي دايما