يعز من يشاء ويذل من يشاء

قصتي خوذو العبره منها انا عمري الان ٢٨ وان على نياتكم ترزقون
قبل ٨سنوات كنت توي داخله الكليه ولا اعرف
فيها احد لاني جلست بالبيت بعد الثانوي ماحصل لي قبول بالكليه ودخلت ماعرف اي احد سلمت علي بنت بنفس القسم وصارت تاخذ وتعطي معي بالكلام لمده اسبوع اخر شي قالت لي معك احد قلت لا والله انا جايه للقسم هذا ماعرف احد لان كل اللي كانو معي بالثانوي قدمو ع محافظات وأقسام ثانيه قالت تعالي معي الكافتيريا بعرفك ع صديقاتي طبعا هم كانو يعرفون بعض من ايام الثانوي دخلتيني بالكافتيريا بطاوله تتكون من ٥ بنات وهي السادسه وانا السابعه كلهم هلو ورحبو وقهوني وقالو خلاص نبيك معنا وحبيناك الا وحده بسميها نوره نوره هاذي مو طايقتني من اول ماجيت معهم بدون سبب كنت اشوف نظراتها لي بس قلت ممكن اتحسس او اتخيل ماتتكلم معي ماكاني موجوده معهم بعد مرور شهرين قالت لي وحده من الشله ترا فلانه ماتبيك وجت مره الصباح
ومسكت كل بنا الشله ومسحت فيهم البلاط ان ليش تدخلونها معنا مانبيها ولا نعرفها ولا ارتحت لها رحت تاكدت من باقي البنات كلهم اجمعو على نفس الكلام واللي كانت معي بالقسم حلفت لنوره قالت هي معي بنفس القسم وتجلس معي وكل وقتي معها مستحيل اصير نذله واخليها انا ماراح اخليها وكل البنات اجمعو اننا نبي فلانه وطيبه ولا جانا منه شي ليش نطردها لما فقدت الامل ان البنات مايبونه صارت تجدع علي كلام وصخ
زي اذا شافتني من بعيد تقول ياليل الخرا!!
وش جابها ذي!!
بصوت خفيف بس اسمعه يعني نظام
تحلطم
سفهتها ولا كانها موجوده
والله اني احيانا ارجع ابكي لاني ماضرتها ليش
اسوي معي هالحركات كنت اتحسب عليها بقلبي
اكتشفت انها ماتبيني لان الاخت عايشه
قصة غرام مع واحد وبكل جلسه تسولف لهم عنه
وتوريهم هداياه وكلامه فلما جيت صارت ماتاخذ راحتها وكثير نصحوها لكن تقول يحبني
قبل سنه قررنا نسوي عزيمه تخرج لوحده
اخذه ماجستير نوره رفضت لانها مغروره
وفيها أنانيه وبخل مو طبيعي
قالت مو مكلوفه ادفع مبلغ وقدره على فلانه
خلونا شي بسيط البنات وانا رفضنا لان
هالبنت ماقصرت معنا يوم تخرجنا
جت تسجل مقاطع صوت بالفاظ وصخه
وسب وهواش بالقروب ليش رفضنا نمشي على رايها البنات كلهم اخذو موقف وقلبو عليها
صاحبه القروب حذفتها نهائي
كل البنات حذفوها من سناباتهم نجتمع
وطلعات ووناسه وضحك وجمعات وهي موب معنا
لان كلن رافض رجعته. ياناس الدعوه الدعوه واللي نيته شينه والله يشوف جزاه لو بعد سنين
دارت الدنيا عليها اللي كانت تكرهني وبتطردني طردوها صديقتها اللي منها وفيها من ايام الثانوي
والله انها ترسل لصاحبه القروب تترجاها تقىل حاولي تصلحين بيني وبين صديقاتي واني يوم تلفظت ماقصدهم بس كنت معصبه ولبنات رافضين
يقولون اذا هي دخلت القروب او الجمعات حنا بنطلع انا طبعا صايره محايده ولا لي دخل ساكته
لان كلن يعرف ان مالي علاقه معها وهي ماتبيني وودها تطردني فجالسه اشوف موقف صديقاتها منها واقول سبحانه يعز من يشاء ويذل من يشاء ذيك المغروره لو تشوفون كيف انذلت كيف تدخل على صاحبه القروب اذا شافتنا متجمعين وتقبس فيها انه ليش تجتمعون ولا تقولون لي ليش ماترجعوني وكل صديقتها بكمله وحده مانبي اللي نيته وطبعه كذا كلامي اللي بوصله مهما كانت نيتك نظيفه بتضل نظيفه ويجي الوقت اللي كلن متمسك فيك واذا كان نيتك شينه بتشوفينه لو بعد سنين