يعشقني بجنون ومهووس فيني وانا ما ابيه!!!!!!

السلام عليكم بدخل في صلب الموضوع انا ابتليت في شخص مهووس فيني مرررررررره يعشقني ومجنون فيني وكل يوم رسايل غرام وعشق وكل يوم يبكي ودايم يدعي لي أن أكون من نصيبه وأنه يشوفني وانا كله مو مهتمه ياخي ما ابيه قسما بالله بلكته يجي عشر مرات ولسه يجيني من حسابات كثيرررررررره كثيرررررررره جدا جدا جدا وكلها فيسات بكي ويندب حظه ويقول انو انا حطمته وليه اسوي فيه كذا وأنه يحبني ومدري وش ارجع اكلمه عادي يغثني طول الاربعه وعشرين ساعه محادثات لا ينام لا يأكل كله بس يكلمني وانا اكره الي كذا احسهم مهووسيين مرضى المهم انا تعبت منه جدا كلمته مليون مره لاحظت إذا كل ما ابتعد يستخدم اسلوب التهديد انو بينتحر وبيأذي نفسه ومدري وشو لحووول انا تعبت مرات ارحمه وارجع اكلمه بس مدري لحد الان ما ارتحت احس مهووس مرررررررره لدرجه مره ادعى أنه عمل حادثه وسوى حساب بنت وكلمني منه عساس انو هو عمته ويعننها تكلمني وتقولي انو أحمد سوى حادثه وبغى يموت ومن ذا الكلام وانا اصلا عارفه انو نفسه أحمد بس كذاب ويسوي كذا بس عشان ارحمه وارد عليه!!!!!! ما توصل انو يتفاول على نفسه بالموت المهم هو دايم يقول ابي اخطبك ابي اخطبك بس انا رافضه اصلا لأن هو مو سعودي هو بحريني وكمان شيعي وانا سنيه يعني مذاهبنا مختلفه بس هو يقول عادي مو مهم المهم الحب والعشق وانو أهم شي هو يحبني ويدللني ومدري وش وانا كله مو مهتمه وزاد رفضي أكثر لما عرفت انه بحريني شيعي بس هو مره متمسك فيني لدرجه الغثى ادري انتوا تقولوا طيب شي حلو ولد يعاملك كذا بس وربي شعور مقرف كل دقيقه شخص يراسلك ومحادثات كثيره ويجيك من مليون حساب!!!!!!!!!!! المهم مره دقيت عليه وهزأته تخيلوا قعد يصيح!!؟؟؟!! وترجاني انو ما اعطيه بلوك وقال ابوس رجلك ما تسوين بلوك انا رحمته شوي وماعطيته بلوك وتركته لكن قعد يرسل محادثات كثير ازعجني جدا هذا المخلوق واصلا نسيت اقولكم كيف تعرفت عليه انا مره كنت قاعده اقرا تعليقات الانستا وشفت حساب الأخ بس كنت احسب انه حساب بنت وجيت كلمتها في الخاص يمكن لمده يوم بعدها اعترف انه ولد انا هنا علطول بلوك بعدها بدأ الكابوس والهوس جاني وقتها من ٥ حسابات؟؟؟؟؟؟؟؟؟ في نفس اليوم لا حول ولا قوة الا بالله ايش هذا انا تعبت نفسيا جدا جدا جدا شي مقرف ومقزز انو شخص يكون مريض لدرجه ذي المهم بقولكم على شي توني كنت مخلصه رسايل معه وكنت طبيعيه جدا وفجأه بلكته من كل حسابات الكثيره ومتاكده مليون بالميه راح يجي من ١٠ حسابات ورا بعض وراح يترجاني السؤال هنا انا ايش اسوي اطنش ولا ارد عليه وايش اسوي اقسم بالله تعبت نفسيا ومع حق هذا الأذان اني منجد تعبت نفسيا حطمني الله يحطمه افيدوني جزاكم الله خير