يعصب ع اتفه الامور

سلام

حابه اشكي لكم مع اني عارفه مابيدكم شي بس يمكن رد من احد العضوات يبرد خاطري

زوجي انسان عصبي يعصب ع اتفه الامور

امس رحنا مول لتمشيه وطبعا اخذنا اخواته معنا وعندي بنت عمرها سنه طول الوقت تبكي وامسكها مره وابوها مره وانا ماسكتها كانت تبي تنزل في الارض نزلتها جات وحده من الحريم مشت عليها ودعست رجلها مدري وين كانت تناظر جاء زوجي يصارخ على تو الناس وعصب تخلين الحرمه تدعسها طيب انا وش ذنبي وش عرفني انها بتدعسها والبنت تبكي واخواته ساكتات انا رديت عليه ماسكت وقلت له ماشفتني شلتها وشال البنت وطلع من دون مايتكلم برا المول واحنا ماشينا وراه
وجلسنا ساكتين فتره في السياره قلت يبنت لطفي الجوء مع انه هو الغلطان هزاني تو الناس واخوات المهم جلست اسولف عليه وفعلن هو تكلم معي ورجعنا زي قبل

وقبل قليل رحت غرفة النوم وكنت مشغوله ومنتبهت وشغلة المكيف بس حطيته ع مروحه انا غلطة كنت ابي احطه ع تبريد متوسط تخيلو دخل هو الغرفه وستغرب من صوت المكيف راح شافه وصاح باعلا الصوت باسمي وانا كنت بعيده في غرفه ثانيه مع اخويه لان اخوي ضيف عندنا والله اني صرت اركض قلت وش صار قال ليه تحطينه كذا انتي اللي تخربين الكيفات وانا كل فتره اغير وهذا كله بسلوب صراخ وانا سكرت الباب عشان اخوي مايسمعه ويقول انتي خربتي عليه البيت وهذا غير النظرات اعوذ بالله منه المهم قلت له غلطة وش صار وبعده هو لبس وطلع يصلي الفجر هو وخوي وانا واصله معي بنفجر معقوله كل هذا الصياح عشان مكيف طيب لو يصير اكبر من كذا وش بسوي فيني المهم رجع من الصلاه وانا قد اخذت فراشي وفراش لبنتي ورحت غرفه ثانيه مر من عندي وحاول يتكلم معي وطنشته ولا كنه يتكلم وبعده دخلت غرفتي انا وبنتي وتسكرت ومسكت الايباد وجالسه اشكي لكم مالي غيركم

هو حبووووب ومو مقصر معي بس طبيعته عصبي وبعد مايعصب يندم ويجي بسولف ولا كنه سوا شي بس خلاص تعبت اداريه زي الاطفال وامشي له واسكت ينفجر فيني وبعدها يجي لي
يعصب ع اتفه الامور وهو شباب اجل لو كبر في العمر وش بسوي
قولولي وش اسوي معه