السلام عليكم ياجماعة الربع:27:
شخباركم يالغاليات
ترى هذا اول موضوع لي بالمنتدى
بحكم اني جديده فيه بس بالتسجيل
لكن يعلم الله اني متابعه لكم من شهوووور
واحب اجرب بعض الخلطات اللي احسها تناسب معي
وتكون سهله
المهم وهو الزبده
انا شعري من النوع الخفيف قريب للنعومه
بالنسبه للتساقط حدث ولا حرج
وطبعا سويت تحليل وقالو عندي نقص بكريات الدم
مادري والله اي بس اظنه البيضاء
بعدها عطوني حبوب حامض الفوليك وحديد
استمريت شهر وانا اكلهن
انا كان معي دوخه مزمنه
بس الحمد لله راحت
طبعا من بعد الولاده شي طبيعي
بس التساقط يهبل فيني
ماتوقف ابد بالعكس يمكن زاد:icon33::icon33:
المهم وهو الاهم اني لقيت خلطه هنا لعضوه الله يجزاها جنة الفردوس الاعلى
والله ماني متذكره اسمها
قالت للتساقط تخلطين عشبتين
الآس واكليل الجبل
طبعا اختكم في الله قالت سهله
ونقعت العشبتين يوم كامل
وجبت سدر +حنا+نوى تمر مطحون+وماء المره طبعا نقعتها قبل بيوم+ وموية العشبتين وخلطتهم مع بعض
طبعا خلطتهم بالنظر مقدار اللي يكفي لشعري
ولفيت شعري بفوطه وخليتها تقريبا ساعتين ونص
وغسلت شعري ونشفته شي بسيط وعلى طول وهو رطب
جدلته جدله هنديه
وخليته الى مانشف
ويوم فكيت شعري والله يابنات اني اسحب شعري والله ماتساقط الا يمكن شعرتين او ثلاث
بدووون مبالغه بس مادري حسيت اني احلم قسم بالله عيوني ماصدقت
بس قلت بجربه مره ثانيه واتاكد
سويتها ونفس الكلام خف التساقط مرررره
والله من الفرحه كل شوي افك شعري عند المرايه
واحمد الله اللي بيده كل شي والله يا حوائيات صار لشعري لمعه رهييبه واحسه نعم بكثير
يمكن تقولون مبالغه من مرتين لكن انتم جربو واحكمو بانفسكم
هذي تجربتي انا هنادي 2020
ماهي منقوله ولا شي
حبيت افيد الجميع واي سؤال انا حاضره يالغاليات
لاتنسون دعواتكم لي ولوالديني بطولة العمر
وان الله يسخر لي زوجي
ويهدي عيالي
وآآآآآآآآآخر طلب لاتنسون الشكر عسى الله يدخلكم الجنه آمين:27:
هنادي 2020 @hnady_2020
محررة
يلزم عليك تسجيل الدخول أولًا لكتابة تعليق.
الصفحة الأخيرة
بس ترا شوفي المره مضاد حيوي لاتغلطي نفس غلطي وتعودي شعرك عليها وتتركيها