يعني أعمالهم زي مايعاملوني!

السلام عليكم ورحمه الله
كثير منكم يعرف يمكن علاقتي بأهل زوجي مش مررة تمام. .ويمكن اعترفت أكثر من مرة انو أسلوبي في بداية زوجي كان فيه جهل وهبل وسوء تصرف يقابله نفس الشيء من خوات زوجي وطبعا الوالدين متوفين رحمهم الله. ...طبعا مشكلتي الأساسية للأمانة انو امي بعد مافقدت البصر وجت عندي رافضة انو تطلع برة تقول اللي زيي مايحتاج يطلع. .وطبعا صعب جدا انو اطلع واخليها ألا لما تكون الطلعه ضرورية. .وتزعل لما اتأخر بره..وأنا طبعا يحز في نفسي هالشي انو اقول المفروض تحزن علي شوي وتقول لي روحي يابنتي انبسطي وماتقلقلي علي خاصة انو انا اترك أولادي عندها وطبعا هالشي بيزعل أولادي بعض الأحيان لأنو نفسهم نطلع سوى!وأمي عارفه هالشي ومع ذلك بتقول روحوا انتوا!وطبعا مابنرضى وبنسكت في النهاية.. إذا طلعت لوحدي غالبا بتتضايق زي ما قلت لكم...نجي لأهل زوجي غالبا بروح لهم في السنه حسنة بسبب ظروفي وتخيلوا على مدار سنوات مرض أمي كل مررة أزورهم بيسيئوا استقبلنا انا وأمي ومااعرف ليش يعني حتى مايرحموا كبر سنها وتعبها وهي بتطلع الدرج عندهم يعني مثلا كأس الموية والعصير يتأخر ...العشاء يتحضر بلانفس. .مع انو انا من زمااااان بطلت ابادلهم بالسوء وأكرمهم وأحسن استقبالهم لدرجه اعرف ايش يحبوا أكل واطبخ لهم وهما جايين عندي. ..الحاصل ومن 4 سنوات امي رفضت تماما انو تزورهم وتقول لي أنا بظروفي هذي اروح وكده يستقبلوني! طبعا أولادي بيروحوا يزوروهم مع أبوه م وتخيلوا والله غالبا بيجوا جوعانين..ومااكلوا شي!وبرضه بنطنش ومابعملهم بالمثل. .الآن حصلت عند وحده من اخواتو مناسبة ورحت ابارك فغلطت ودخلت عمارة غلط. .وجيتهم تعبانة من المشي. .تخيلوا انتظرت يعطوني موية محد عطاني أو حتى عصير فالنهاية قلت لهم عطشانة عطوني موية. ..والقهوة صبتها متأخر جدا اتاريها منتظرة صديقتها تجي! وفجأة لما جت تخيلوا بنت حماتي راحت صبت لنا عصير وجابتوا! طبعا جابتوا متأخر شوي بس يعني انصدمت وطبعا نسيت اقولكم اول مادخلت بعض من بناتها سكروا الباب في وجهي! !يعنني مو جاهزين ومايبغوني أشوفهم. .طبعا في النهاية لماحضرت العشاء مااكلت الا شوي بس...طبعا انا زعلانه على نفسي ليه كده. .غير رمضان انو مايعزموا ويقولوا بالواضح نفسنا نجي نفطر عندكم وطبعا زوجي قالهم حياكم. .وجابوا اكلهم معاهم..فقالت لي وحده منهم ترى نعرف انو أمك ماتحب درج بيتي فقلت لها عادي اعزمي عيال أخوك عندك هم أولى وسكتت . ..لدرجه انو بعدها لما رااحوا لزيارة عماتهم قالوا لي ياماما ليه يستقبلونا كده بطفش ووجيه زهقانه ليه!فماعرفت وش ارد عليهم والله...فهل لو بادلتهم بنفس المعاملة رح يتأدبوا طيب الحين غالبا انا ماحروح عند أحد بسبب ظروفي اللي شرحتها لكم. .ايش الحل معهم مع انو كلهم بيتصلوا عاااادي ولا كانو تصرفاتهم متعمده وانا بعض الأحيان ماارد على اتصالاتهم . .والحين بعد الكلام الطويل هذا...انتو ايش رأيكم بالله انصحوني لله والله يابنات في مدينة أهلي الناس يستقبل بعض بحب وكرم مدري ليش حظي كده مع أهل زوجي