يعني بصير حكيمه وبحافظ على زواجي بس شلوون وهو يتصرف كذا؟؟ شوروا علي

السلام عليكم 
بادخل فالموضوع على طول 
من كم يوم قلتلكم شااكه فيه لما طردني من الغرفة علشان يتكلم بالتلفون وبعدها نام ولما صحيته كانه شايف عدو معني والله كان مافيني شي صحيته نفس لما اكون راضيه ولما طلع من الدار ابتسمت بوجهه عطاني نظره ؟؟؟؟؟؟ 
فجأه شاف عياله وهله تغير وجهه وطلع الضحك والمزح وهو الي يتكلم !!!!! <<<<<<< انا شسويت مدري طيب انت الغلطان وانا احتاج تبرير للمكالمه الي ما تصير قدامي ؟؟؟؟؟ أوكي مؤ من مصلحتي أزعل عديتها طلع رجع طيييييب وحلييييو ويسووولف معي ويضحك ويمزح قلت يابنت حس بغلطته وعديها شصار وسولفت معااه وسهرنا ونمنا !! 
طيب بدون تفاصيل اكثر المهم انه بعدها صحى دور موضوع يتخانق عليه ماحصل صراخ وهواش وسب وعلى الملأ على ايش << انواع السخافة 
لدرجه انه قالي كم مرة روحي بيت اهلج والله والله الله يشهد علي أني ماقلتله شي ولا حتى نرفزته سكت عنه بشوف أخرتها 
طلع وكان يوم روحتي لهلي قلتله بروح قال لو ماترجعي احسن ؟؟؟ ورحت ورجعت لقيته مقفل عني وطالع وأحرجني مع اهله لازم الكل يعرف انه مختلفين وهو عارف أني برجع قلتله نبي ندخل قال اذا جيت بافتحلي انا الباب مؤ عاجبج شله جايه روحي لهلج ؟؟؟؟؟؟؟
وبعد تجنبته الرجال يدور المشاكل !! 
المهم انه جى وطلع وبات برى ومن امس انا مدري عنه وقالي ان طلعتي انتي طالق !!! 

تكفون قولولي كيف أتصرف معاه انا مولعبه بيده ولااحنا جهال يعني لها لتصرفات 
انا مابغي اتطلق بس ابيه يوقف عند حده وأبي هالموضوع ينقلب لصالحي وأخذ منه كل الي ابيه بكيفي مع أني اعرف انه ماراح يرضى أتشرط بس هو غلطان ولازم يتحمل شورو علي كيف أتصرف أستناه لين يجي وأخليه هو يتصرف والا شسوي ؟؟؟؟؟؟؟؟