يعني كل ماطلعت لعزيمه رجعت بمصيبه وبعدين يعني أنتبهو بس الله يحفظنا...

السلام عليكم ورحمه الله وبركاااته...
كيكفكم بنااات ؟؟؟
والله يابنات أنا وحده صرت أخاف أطلع أنا وعيالي أي عزيمه أو جمعه للأهل والله يابناات العين والحسد أنتشرررررر بشكل موطبيعي ...
أنا كنت أول أقول تكفون وش يحسدوني عليه أطلع وأروح والله مارجع لبيتي الأصايره مصيبه فيني وفي عيالي والحمدلله على كل حال صرت أكره العزايم والطلعات وأمي دايم تهاوشني يالمعقده وش هالتخاريف بس والله هاذا الصدق مأكذب عليكم بشي والله ....
يعني تخيلو طلعت مرره أنا وأمي لوحده من عماتي أسلم عليها من زمان عنها وحرمه كبيره وعندها بنات بس كلهم متزوجين وحده متزوجه وعندها بنتين بس قامت تسألني عن عيالي وكم أعمارهم ووش يدرس الكبير وأنا أسولف على نياتي معاها قامت قالت ورى ماجبتيهم يلعبون مع بناتي قلت والله مع أبوهم ,,, ردت تتوقعون ووش قالت (((أيه اولاد فرحان أبوهم فيهم بيطلعهم بيبز فيهم مو مثلي الله يخلف علي بنات لو أقول ودهم للبقاله خزززني بعينه)))) ورجعت لبيتي اللي يستفرغ الله يعزكم واللي حراره ويصيح مادري وش فيه وأنا حاطتهم مع أبوهم العصر والله مافيهم شي وودينهم الدكتور قال مافيهم شي والله وجلسنا أسبوع على هالحاله وأنا أصيح صياح على عيالي ماطرى على بالي أن ممكن تكون كلمتها هي السبب وقلت لمره أخوي قالت أكيد والله نفس دامك جربتي كل شي والدكتور قال مافيهم شي شوفي أقري عليهم سبحان الله طرت لي الحرمه ذيك علطول وأقول لامي تكفين أعزميهم ناديهم نأخذ منهم أي شي وعزمتهم أمي بعد المغرب على قهوه بعد طقاق طبعا لان امي ماتحب هالاشياء تخيلو بنات من نقعنا بيالتها وفنجالها بمويه وشربتها عيالي وروشتهم فيها يابنات تخيلو راحو بسااااااااااااابع نومه وقامو الفجر مافيهم الا عافيه ربي :44:
يعني والله الزمان هاذا صااااير يخوف مررررررره يعني يحسدونك على أبسط شي وأحيانا يكون شي تافه ,,,
تخيلو مررره رحت لأهل زوجي وكانت فيه سلفتي وأسولف أنا وياها ودق جوالي زوجي يبي يسأل نروح والأشوي قلت لا شوي قالت زوجك يشاورك أه ياحظي بسسسس والله لوأنه فلان دق علي والابعد ارسلي أحد من البزارن قال أنا بالسياره أنجزي علي ,,, يوم دق علي زوجي قال يالله وطلعت يوم جيت عند الباب تمسكني أخت زوجي تسألني عن كم شغله وطولت الله يهديها علي ولااقدر استعجلها المهم يوم طلعت الا جني راكب فوق راسه ماخلى كلمه ماقالها سب وشتم وهواش وصراخ وعيالي معنا بالسياره:icon33:مرتاعين ياحياتي:icon33:وهو من النوع أي خلاف بيني وبينه مانسويه قدام العيال بس الرجال مقلوب علي وعرفت أنها سلفتي الله يجزاها خييييييير :44:وسكت,,,
يعني والله اطلع وانا يدي على قلبي وصرت لو اطلع للضروره ماخذ عيالي معي يعني الوحده تذكر الله يابنات على نفسها على عيالها تحصن عمرها بالاذكار بالادعيه لاتقول مو جايني شي ماتتخيلين وش ممكن تحسدك عليه يعني حتى على اتصال دقه تلفون شوفو وش صار الله يحمينا بسسسسس ويحفظنا من كل شر والله وياما وياما عانيت من العين بس ماودي والله اطول عليكم حبيت أنبهكم (وذكر فأن الذكرى تنفع المؤمنين ),,,,,,,,


(كهله عرعر وحلم الحراير ونور الدنيا ) الف الف شكر على اسلوبكم بالرد مره حلو ومميز للاسف بس اني رديت على وحده فيكم كاتبه موضوع وشكرتها ومدحتها ليتني اعرف اجرح الناس بردودي زيكم بس للاسف اشياء كثيره تمنعني شكرا...

(رافينا ) حياااااااتي والله من اروع مايكون واحسن مما تتخيلين وبعدين وشفيها وحده مثلي نصيحه تكفين اذا شفتيني كاتبه موضوع لاعااااد تردين ممكن ...

(بنت تبوك) ماتوقع اني مدحت نفسي عشان تردين بالرد هاذا راس مالها قصتين حكمتي علي فيها اني موسوسه غريبه والله...

(ملكه باحاسيسي )شكرا رد جميل ياسلام بس عساك ماتمرين باللي جاااني بسس

(حوريه الشاطئ) لا مو موسوسه بس انتم تنطلون الكلام عالناس ولاتقيسون حجمه واثره عاالناس

(صدق مشاعر) انا ماراح ازعل منك لاني ماعرفك ازعل من اسلوبك اشكرك حبيبتي عاسلوبك استغرب تدخل الوحده تكتب كلمتين كالسم وتقول لاتزعلين ,,,

شوشو موانا اللي ناقده على اسلوبك حتى كل اللي قروه وانا ولله اطباعي من احسن الطبايع ابسطها اذا ماعجبني الموضوع اطلع ولا ارد رد مثل ردك

طيف القمر تتوقعين وش اسوء شي بحياااتي اني قريت رد تااافه جدا مثل ردك وانا برفع نفسي عنك ولاراح اضيع وقتي فيك لانك حاله ميئوس منها الحمدلله بس

اما الباقي اشكركم والله على راسي من فوف كل رد وكل كلمه ودعوه ولكم بالمثل ان شاءالله يفخر المنتدى بعضوات مثلكم والله شكراااا

شقروايه وافتخر حطو فيني بلاوي الدنيا وامراضها عشان كتبت قصتين من باب الحكي ليس الا تسلمين بس انتي اللي فهمتي علي وردك كالبلسم كان علي عقب ردود جارحه وسخيفه الف شكر ياقلبي بارك الله فيك الله يحفظك وين ماكنتي شكرا حبيبتي
ورجا اللي يقراء موضوعي لاعاد يرد بطلنا نكتب مواضيع ونسولف :44: