السلام عليكم
بدخل بالموضوع على طول
بنات تحسون الزواج وحب الزوج لزوجته
مربوط بجمالها او لا
يعني فيه ناس مايخطبون الا الجميلات
والرجل يطير بالجميله
وكثير نشوف الجميله تنخطب كثير بعكس العاديه
ودايم الحلوات ماياخذون الا تجار ورجال حلوين وفلوس
عمركم شفتو زوج يحب ويدلع ويصرف ويسفر
زوجته وهي عاديه وفيها عيوب
سواء سمينه نحيفه سمراء بيضاء
مابي تقولون ماله دخل الشكل
انا اقصد عمركم شفتو
يقرب لكم احد اخذ وحده عاديه او شينه
ومنهبل فيها
ناس قالو مستحيل مايحبون الا الحلوه
وناس قالو الارواح جنود مجنده
ممكن ياخذ ملكة جمال ويطلقها
وياخذ وحده ماتجي ربع جمالها
ويموت فيها
مالي كلام خيالي
ابي شي بالواقع
بالنهايه الزواج حظ او نصيب او ايش
حللم عممري && @hllm_aammry_ampamp
عضوة جديدة
يلزم عليك تسجيل الدخول أولًا لكتابة تعليق.
Jonoon❤
•
حبيبتي الرجل تشده الجميلة في اول الزواج .. وهذا مو دليل حب ولكن فطرة في الرجل ينجذب للأنثى فكيف اذا كانت جميلة وبالحلال ؟ لكن الحب يجي مع العشرة الجمال يصير مثل اللوحة في البيت تتعودي عليه ومعاد يلفتك لكن الي تأسر زوجها بأخلاقها وطيبتها وحسن تبعلها سواء جميلة او عادية هذي اللي تأخذ بقلب الرجل ويتمسك فيها فتلقي الجميلة اللي مدلعها زوجها مو لانها جميلة مثل ما قلت لك لكن لانها عرفت كيف تسلب لبه وتأسر فؤاده .. لكن اللي يجمع الله لها بين الجمال وحسن التبعل هذا فضل الله عليها والله يؤتي فضله من يشاءحبيبتي الرجل تشده الجميلة في اول الزواج .. وهذا مو دليل حب ولكن فطرة في الرجل ينجذب للأنثى فكيف...
هو دا 👍والله يؤتي فضله من يشاء وخلو الجميلات في حالهم كرهتوهم في جمالهم واولهم أنا😆 من كثرر ماتعيدو نفس الموضوع كل شوي 😂😂وصاحبة الموضوع الله يرزقك باللي يطير فيك ويسعدك قولي آميين
....... تسأليني انا اقولك من واقع إلى حولي جماعتي ومعارفي..بعيني شفتهم.... . حلوات ومزز ورجالهن مورينهم الويل وحظهم طايح بالأرض.... وفي عاديات ورجالهم مدلعينهم..... يعني الكلام الي تسمعينه من الناس لاتصدقينه ياماما....... ماقلك الرجال مايحبون الجميلات... في البدايه كل رجل يدور للجمال لأنها غريزه فيه يبي يشبعها وبعد كذا يبان معدنه إذا أنه إنسان سطحي ولا انسان كفو............. وبالنهاية كل وحده تأخذ نصيبها إلى ربي كتبه لها سوا سعيده ولا شقيه
fofo85
•
ممكن فيه رجال سطحيين وتافهين يفكرون هالتفكير اكيد الواحد لما يجي يخطب يفكر ياخذ حلوه هذا شي بالفطره لكن لو تم الزواج يشوفها بنظره ملكة جمال وممكن مايهمه الشكل اهم شي اخلاقها وتعاملها معه وبعض الرجال يبغى ملكه جمال ويدقق في وزنها ولو طلعت لها حبه قال وش هذا وش هالحبه ويقارنها بالممثلات والفنانات ولو شاف شعرها بجسمها قال ماتنظفين الصراحه هذا النوع من الرجال لايطاق مدري كيف زوجاتهم يتحملون ولو ماشفت كذا موضوع تشتكي العضوه فيه من تدقيق زوجها كان ماصدقت ان فيه احد كذا هذا مدري كيف يبغى زوجته تحمل وتولد وتبقى مخلده بنفس شكلها انا تزوجت جسمي حلو ومرتب و زدت حوالي 20كيلو وتغير جسمي شوي يعني عوامل الطبيعه تلعب دور يعني الجميله مع الوقت راح يتغير شكلها
لكن ماعتقد ان الكلام اللي قلتيه صحيح بان بس ملكة الجمال اللي تتزوج ويصرف عليها زوجها ويسفرها امي جميله وتزوج عليها ابوي وحده شينه وطار فيها ومايشوف احسن منها بين كل الحريم وهي طبعا استغلت الوضع كلها حظ وتوفيق من الله ودايم اسمع يقولون زوجها مبهذل بها ومطلع عينها وهي ملكة جمال يعني هذي ماهي قاعده ان كل ملكة جمال حظها زين ومو كل شينه حظها شين والعكس
لكن ماعتقد ان الكلام اللي قلتيه صحيح بان بس ملكة الجمال اللي تتزوج ويصرف عليها زوجها ويسفرها امي جميله وتزوج عليها ابوي وحده شينه وطار فيها ومايشوف احسن منها بين كل الحريم وهي طبعا استغلت الوضع كلها حظ وتوفيق من الله ودايم اسمع يقولون زوجها مبهذل بها ومطلع عينها وهي ملكة جمال يعني هذي ماهي قاعده ان كل ملكة جمال حظها زين ومو كل شينه حظها شين والعكس
الصفحة الأخيرة
وهذا مو دليل حب ولكن فطرة في الرجل ينجذب للأنثى فكيف اذا كانت جميلة وبالحلال ؟
لكن الحب يجي مع العشرة
الجمال يصير مثل اللوحة في البيت تتعودي عليه ومعاد يلفتك
لكن الي تأسر زوجها بأخلاقها وطيبتها وحسن تبعلها سواء جميلة او عادية هذي اللي تأخذ بقلب الرجل ويتمسك فيها
فتلقي الجميلة اللي مدلعها زوجها مو لانها جميلة مثل ما قلت لك لكن لانها عرفت كيف تسلب لبه وتأسر فؤاده ..
لكن اللي يجمع الله لها بين الجمال وحسن التبعل هذا فضل الله عليها والله يؤتي فضله من يشاء