يعني لازم يقول أنا آسف ؟؟؟

السلام عليكم اخواتي ...
حبيباتي ... أبغى اشوف رأيكم في شغله ... انا اذا تضايقت من زوجي وزعلت ... ما احب اطول في الزعله ... حتى اذا كان غلطان غلط كبييييير ... راس مالها 4 ايام ما اكلمه بعدين اروح اناقشه ونتراضى ... ما احب الزعل يطول ... هو من الناس اللي باله طوييييييل ويقدر يطنشني شهر عادي عنده انا اللي ما اصبر ... احسه تعود اني انا اللي راح اراضيه في النهايه ... بس جد ما اقدر اصبر على الزعل ما انام الليل وبس افكر وحالتي حااااااله ...
هل انا غلطانه اني انا اللي ابادر في الصلح دااااائما ... ؟
الامر الثاني انه لما يغلط معي ويجي من بكرا مثلا يراضيني ... ما يقول آسف يجي مثلا يبوسني .. يضمني .. يلمس يدي .. وارضى بسرعه .. بدون مايجيب هو طاري المشكله او يعترف بغلطه او يعتذر منه ... ينسى الموضوع ... بس ارضى لاني ما احب الزعل ... اقول فنفسي ما سوا كذا الا انه حاس بغلطته ...
وش رايكم ... هل من الصواب اني ارضى بسرعه ... ؟؟ واذا راضاني ما اجبره يعترف بالخطا ... ؟ لانه بنظري ما اعتذر الا وهو معترف بخطؤه ...
افيدوني الله يجزاكم الف خير ...