يعني لما إحترفنا الأوفر راحوا للناتشرول!! وبعدين؟؟

السلام عليكم ورحمة الله وبركاته....


يابنات بقولكم السالفة باختصاااااااااااار شديد


أكيد كلنا عارفين أنه من كم سنة جات موضة الميك اب الأوفر ( الثقيل - الخليجي - ناس يسمونه اللبناني )

المهم طلعت رسمات العيون الثقيلة الكلوز والاوبن والطاووس والسموكي والثلجي ورسمات الكحل طلع التايقر والفراشة و ..و...و

ولا يهون القليتر اللي كأنه لمبات عرس والترتر

وهذا كله يعتمد على الالوان القوية وتدرجها ودمجها مع بعض

وطبقات الكونسيلر ........

وطرنا مع العجة <== قصدي مع الناس ورحت واخذت دورة والحمد لله الحال ماشي بلا مشاغل


لـــــــــكن تتطور الحال ويتركون الأوفر ويرجعون للناتشورال ( الطبيعي يعني حاطة مكياج ولا كأنك حاطة) ويسمى الأوربي أو زي ماقالت لنا المس في الدورة ميك أب سينمائي لا... لا ...بصراحة....... ما اتفقنا على كذا إهئ إهئ إهئ

كل الفترة الماضية كنت أقو ل لا... لا ... أكيد الميك أب الأوفر للحين فيه نفس وماشي سوقه لحد ماحضرت زواج بدون معازيم << صادقة والله طبعا بعد هذا الزواج تأكدت إن الأوفر لفظ أنفاسه الأخيرة غير مأسوف عليه!! :icon33:

طبعا زواج صديقتي وكانت ماشاء الله تبارك الرحمن قمر ومكياجها نتشورال مرررررررررة :o

البشرة وردية زي البيبيات والشدو فيروزي كان ساطع بس على الجفن المتحرك والجفن الثابت مافي شي بس لمعة تحت الحاجب وبسسسسسس والكحل عربي أسود جوات العين مع ماسكرا

والبلاشر مشمشي بسيط يادوب يبان والروج مشمشي كأنها شفايف بيبي

ياسلااااااااااااام على البساطة ماشاء الله تبارك الله

وبعدها قررت أطلق الأوفر بالثلاث لكن عجززززززت ذاك اليوم يضحكون علي خواتي قلت لهم بحط مكياج بسيط والله العظيم ماخلصت إلا الشدو واصلل للحاجب زين ماوصل للجبهة وطبعا البقية كالعادة وأحس وجهي ثقييييل من الطبقات اللي فوقه ؟؟؟؟؟؟؟؟؟؟؟


طيب والحل شلون نعدل يدينا اللي تعودت ميك أب متعدد الطبقات

ياناس نبغى البساااااااااااااااااااااااااااااااااااطة :06: :06:

طبعا دورات حاليا ظروفي ماتسمح من هنا لسنة وكمان اغلب الدورات نايمين في العسل للحين يعطون دروس ميك أب خليجي :09: :09: والنت دروسة مو الكل ممكن يستوعبها و أولهم أنا عجزت أفهم من الصور :44:

ياخوفي مايمدينا نتعلم الميك أب السينمائي إلا وضفوا عفشهم وراحوا لتقليعة جديدة :mad:

والحل؟؟؟؟؟