يعني ماتصدع ولا تمرض الا الحلوه؟؟

سبحان الله ابتليت بعايله استغفرالله بس
طول عمري صحتي ماشاءالله قووووويه الحمدلله على نعمته
بس من يوم ولدت ولدي يابنات ماسكتني كآآآبه و صداااااااااع صدااااااااااع يروح يومين ويرجع يومين يروح ويرجع رحت اتعالج قالولي اكتأب مابعد الولاده
سبحان الله تعرفون حنـــــــا يالحريم لو اجتمعناااا وش سوالفنا غير طبخ ونفخ وكل وحده تشتكي من شي يألمـــــــــها ويتعبها
وارجوووكم لا يجوني مدعيات المثاليه ليش تسولفين عن امراضك وليش تشتكين وليش تقولين بالله لا اشوف مدعيات المثاليه كلنا يالحريم نفضفض لا اجتمعنا وحتى البنات
لكن سبحان الله بالمنتدى هنا كل وحده تحاول تكتم الثانيه !! فرجاء النفسيات موضوعي يتعذركم الواحد مو ناقص
المهم انا معروفه اني كتووومه وحماله الاسيه كل وحده من بنات عمي وام زوجي واخواتي وزوجي كلهممممم طووول عمري اسمع لهم وهم ماغير شكاوي: اه يا قولوني اه يا عظامي اه ياضغطي اه يا راسي الخ الخ
ولما مرضــــــت اانا مرتين فقط فضفضـــــت للناس من الهم اللي فيني ماعندي احد افضفض لـه
سبحان الله احس كلما اقول لاحد عن صداعي ينقلب وجهه ويعصب ويكشر بوجهي حتى اختي
ماقدرت افهم لييييه
وبالصدفه ادور امس علاج للصداع واشوف مقطع للعريفي يقول الصداع من علامات العين
انا ادري ومتأكده انو سبب صداعي مـــــــو عين..يمكن السبب انو بعد الولاده دخل براسي هوا وكآبه مابعد الولاده
لكن استغرب اللي حولي يا اخواتي وهذا سبب موضوعي
بنت خالتي جلست سنتين كامله تقول للناس صداع صداع وهم يقولوا على طووول مسكينه فيهااا عين >> عشانها جميله
واخت زوجي بعد ولادتها جاها اكتئاب مابعد اللولاده الكل قالو فيها عييييييين مسكينه عين عين >> عشان حلووووه
زوجه عمي بوحده من الزواجات نزل عندها السكر واغمى عليها قدامنا التمو عليها جماعتنا ويصارخون عيييين عيييييييين >> وهي حلوووه
اذكر قبل زواجي ب اسبوع جاتني رجفه مستمره صارت ايدي ترجف وكل شي يطيح من يدي قام زوجي قالي للاحتياط روحي عند شيخ فيه ناس سمعت انهم مايبون زواجنا يتـــــــم ولما قلت لامي شتمتني بأبشع الالفاظ قالت من زييييينك اخذك عند شيخ مفكره نفسك حلوه ولا احد جاب خبرك واسلوبها كان مهييييييييييييين مهييييييين لهاليوم مكسوره من كلامها وكلام غيرها
واللي جد جرحني من قلب وعشانه اقولكم ماعندي من اشكيله اقرب الناس اختي قلتلها من يوم جبت ولدي ماتهنيت راسي بينفجر وصدري ضيييقه فيه راحت ناظرتني من فوق لتحت بقرف قالتلي مافيك الا العافيه فكرتني ابي اقول جاني عين!! مع ان كل اللي كنت ناويه اقول دخل راسي هوا واكتئاااب فضيع لكن سبحان الله الشماته ترجع بيوم على صاحبها طال الزمن او قصر
الصدمه ام زوجي من يوووم عرفتها تشتكي من صداع بناااااتها عمري ما قلتلها غير الله يشفيهم ويوم اشتكيتلها مرتين قلت بتحس فيني مثلما بناتها يعانون القاها تحسبني كذابه واتدلع ونظراتها تكذيييب لي
وبنات عمي لما اشكيلهم يقولولي بسخريه تتوهمين!

باختصار مجتمعي اللي عايشه فيه زباله اكرمكم الله
بنظرهم ما تمرررض الا الحلوووه
والحلوه لو مررضت لابد يكون السسبب عيـــــــن حتى لو زكمه !!!
والشينه اللي مثلي لو قالت انا مريضه ناظروا بعض بشماته وتريقه حتى اقرب الناس اختي صدمتي فيها كانت قويه واخذت بقلبي موقف ناحيتها عمري ما انسى نظرتها واشمئزازها عشان قلت لها صداع و اشكيلها ضييقه صدري!!
سؤالي الســــــاخر يعني الشينه ماتمرض ؟! ماتكتئب؟! ما تتعب؟! ما تنسحر ؟! ماتصدع؟!
ماتحـــــــــــــــــــــــــــس ؟؟؟؟ !
ليش دايم قولون اهم ششي الاخلاق وبس يشوفون وحده حلووه يتسدحون قدامها ؟؟ ويموتون عليها ويرفعوها اعلى من قدرها ؟ بس عشان شكلها حلـــو