يعني معقوله بعد 3شهور من الصبغة الشعر يبدا يتقطع ويخرب ..الله ينولها الجنه اللي ترد

مساءك الخير للكل .

مثل ماحكيت لكم سالفتي اول بس مالقيت اجابه كافيه ووافيه ..بنات انا اخر شهر اربعه صبغت قارنيه بني غامق وكنت قبلها بست شهور صابغه اشقر عند كوفيره ومن بعد الاشقر شعري من تحت صار كشه ومنفوش ..شارت علي صديقتي وقالت بس اصبغي فوقها قارنيه بني وافتكي وفعلا صبغت بالبيت وبعد اسبوعين واشوف من قدام زي الفراغ والجنب الثاني كانوه الشعر مقصص ..وانجن واروح للدكتور وقالي ثعلبه وفيه كذا مكان بشعري فاضي .. المهم ابتلشت بالثعلبه وكنت اعالجها ولاحظت مره انو قصتي من قدام فيها شعر كانوه مقصوص للوسط وانا الغره عندي طويله شوي طنشت ومادققت ..المهم الثعلبه بدا يطلع الشعر فيها الحمد لله بس اللي قاهرني انو من بعد الصبغه باسبوعين وانا احس حكه وقشره جننتني وهالحين صار لي من صبغت 3شهور 

وذاك اليوم امشط شعري واشوف كله شعري صغير مقطع وانا شعري طويل شوي واروح واقصه كاريه بس شي مجنني شعري من قدام عند مقدمه الراس صاير كانه مقصص وصغير وانا احس انوه بدا شعري اللي بالمقدمه يصير زي المقصص ذا يعني كان الشعر المقصص يزحف ع وراى .. لاتشوفون حالتي النفسيه مرره تعبانه وربي 

وكمان حابه اضيف شي قبل فتره فمقدمه راسي والاحظ شي زي القشره بس اكبرر منها واحك وكانوه جلد يتقشر ..وتجيني كمان حررقه بفروه الراس وفيه الم يجيني مرات لما اربط شعري ..

المشكله اني محتاره من الشعر اللي بمقدمه راسسي صاير شكله يفشل وخفيف وكني انا قاصصته صغير بس هو تاكل وطاح والله احط قصتي ع الجنب مابي اشوفه تعبت من غير التساقط عاد ..

 هل هالشي اللي ذكرته من الصبغه معقوله الصبغه تلعب كذا بالشعر بعد 3 شهور طيب ليش ماطاح وقت ماصبغت علما هالاشيا والفراغات لاحظتها بعد الصبغ باسبوعين  زوجي رافع ضغطي ويقول ماني موديك دكتور.

ممكن وحده تدخل تطمني تقولي انو من الصبغه ولا لا لني قمت اوسوس واقول فيني مرض ولا شي 

تعبت نفسيا ادعوا لي تكفون ..