يعني معقوله فيه رجال كذا ؟؟ والله مدري

السلام عليكم ورحمة الله وبركاته

ترا ما اعرف الا قسم الحياة الاسريه مدري اذا موضوعي يصلح هنا آخر مره نزلت موضوع وقبع مدري وين راح وودي بعد لو وحده تعلمني شلون احط الوجه مثل الي تحطونه كل ما اضغط عليه يطلع لي نقاط وارقام ما يطلع لي الوجه
يعني يطلع زي كذا مثلا :D شفتو

المهم الموضوع ومافيه ان خالتي الله يحفظها عندها زوج مررررره مدللها لهم فوق العشرين سنه متزوجين وولدهم بيدخل الجامعه وزوجها يعاملها مره يعاملها برومانسيه ودي اعرف يا بنات هل معقوله فيه رجال كذا في بيئتنا الصحراويه ذي وبعد هالعمر يحب زوجته بهالشكل كل اللي في سنه صكوا حريمهم بالثانيه والثالثه بعد طيب بتقولون تكذب عليكم بالعكس هي ما تفتح فمها بكلمه وما تتكلم عنه اعتقد تخاف من العين يحق لها والعين حق الله يكفيها شر عيني ماشاء الله تبارك الله عيني عليها بارده احيانا اقول يمكن هو من النوع الي يسوي حركات قدام الناس ويتميلح بس بالعكس يحاول ما يبين للناس حركاته احيانا نكتشفها بالصدفه او احد اطفالهم الصغار تطلع منه كلمه اول احسب انا بس الي ملاحظه لقيت الكل ملاحظ ومستنكرين يا حريم ودي اعرف طبيعي والا الموضوع فيه ان طيب لو طبيعي وش رايكم اسألها وش تسوي له عشان يحبها كل هالحب مع العلم انها عاديه بالشكل ولاهي راعية كشخه ولا لبس الله يخليهم لبعض ويزيدهم محبه وطاعه ادري بتقولون وش مشغلك بالناس يالمشفوحه بس والله موب شفاحه بس ودي اعرف طبيعي والا رجلها من كوكب ثاني يعني انا رجلي ماكملنا 8 سنوات وطفشان مني لو عليه دفني حيه زي الجاهليه ههههههههههههه واذا قال لي كلمه حلوه تحسف عليها دهر