عزف الخريـــف :

يؤسفني إني أشوف هالتحطيم فيكم يا بنات ديرتي ! يؤسفني إني أشوفكم فاقدين الثقه بالله لا تقولون لي واثقين لا الواثق بربه مو هذا كلامه ! نسيتوا نعم رب العالمين كلها وصرتوا مركزين على شيء واحد فاقدينه ! نسيتوا نعمة العافيه نعمة الأب و الأم نعمة العلم نعمة الوطن والأمن نعمة الراحه وقبل كل شيءءءء نعمة الدين والإيمان ! اشكري ربك على أبسط شيء يرزقك بأعظم شيء ! أنا ما أنكر و أقول إن الزواج مو مهم ولاني قايله لكم وش لكم بالزواج والهموم لا لا بأقولكم من أرحم فيك نفسك / ولا ربك ؟ تدرون أنتوا وين الخيره ؟ تدرون وش حكمة ربي من تأخير الزواج لكم ؟ تدرون وش المضره اللي ربي رادها عنك من هالزواج؟ تدرون وش الخير و الأجر اللي ينتظركم لو صبرتوا وشكرتوا ! تدرون وش هدية رب العالمين لكم ع صبركم ؟؟ ممكن زوج ما عمرك حلمتي بمواصفاته أو جنـــــــــــــــــــــــــــــــــــــــــــه عرضها السموات والأرض تنسيك هم الدنيا كلها بلحظه! أو الثنتين بالدنيا والآخره ! ليش موقفين حياتكم على شيء ما تدرون هو يتم او لا ! هو مقدر لك قبل ما تخلقين أو لا ! عيشوا يومكم انبسطوا وانسوا همومكم اللي ما تساوي شي عند مصيبة غيركم بروا والديكم وأسعدوهم عيشوا أيامكم الحلوه مع اللي تحبون ما تدرون هم بيدومون لكم أو لا سوو أنشطة مارسوا مواهبكم كملوا دراسه لو تقدرون دوروا وظيفه لو تحصل لكم سوي أي ششيء ممكن يطور من ذاتكم ويرسم بسمه حلوه على وجيهكم ! اشتركوا بأعمال تطوعيه ادخلوا دور تحفيظ احفظوا قرآن وعلموا الصغار المجالات كثيره بس وين اللي يسعى لها ؟؟ تقربوا أكثر من ربكم واعتبروا هذا ابتلاء يمكن ربي حاب يسمع مناجاتكم آخر الليل صوت بكاكم ودعاكم وسؤالكم يمكن هالوقت فرصه لكم تذكرون ربي وتعبدونه وتقومون الليل قبل ما تشغلكم الحياة بكرة زوج وأطفال ومسؤوليه ما راح تتعدون قسمتكم مهما سويتوا وهالهم والطفش وضيقة الخلق ما راح تقدم ولا تأخر بالعكس تتعس حياتك أكثر و أكثر و أكثر ارضوا بوضعكم ... راح تنبهروا بالأشياء الحلوه اللي أنتوا غافلين عنها وأسألوا ربي بصلاتكم وسجودكم إنه يرضي قلوبكم بقسمته وإنه يبعد عنكم وسوسة الشيطان لا تخسرون الاثنين زواج ورضا ربي عليكم اعذروني لو قسيت عليكم لكن من حبي لكم حبيت أنبهكم غلللط تضيعون حياتكم حسرة على شيء ممكن تحصلونه وممكن لا أنتي مؤمنة مسلمه عندك أهداف وعندك مهمه خلقك ربي لها ! ونعم الدنيا كلهاااا بس تيسير لهالمهمه ! هذي متع منحها ربي عباده حتى يعبدوه ومو شرط كل إنسان يحصل على كل المتع ولو فيه شخص بيحصل عليها حصل عليها النبي محمد صلى الله عليه وسلم من أيش خايفين ما يجيكم أطفال ؟ تتزوجوا كبار وما تحصلوا زوج مناسب ! حتى لو تزوجتي بدري ممكن تتأخري سنييييييييييييين ما تجيبي أطفال وممكن ما تجيبي أبد وممكن تجيبي ويموتون ولا تتهني بشبابهم ! وممكن يكون زوجك تمام ويبتليك ربي ويصير أسوء من السيء وممكن يجفيك وممكن يتزوج ويروح وممكن وممكن وممكن ! مافي شي يدوم على حال ومو معناته انه لو تزوجتي بدري خلاص بتجنين فوائد الزواج كلها ولو تأخرتي ما راح تحصلي زواج ! ويا كثر القصص اللي سمعناها عن بنات تملكوا وماتوا قبل زواجهم بيوم او يومين ليش ؟ لان ربي ما كتب لهالزوج إنه حتى يلمسها ! هذي قسمتها وصديقتي الله يرحمها شخصيا صاار لها نفس الشيء وسبحان االله كانت رافضه الزواج كأنها حاسه إنه مو مقسوم لها ! وسمعنا برضو عن بنات تزوجوا متأخرات فوق الثلاثين وجابوا أطفال وتزوجوا أحسن الشباب تفائلوا حبيباتي وعيشوا يومكم واستمتعوا بحلاوته بكرا تتحسفووون على كل لحظه ضيعتوها هم ونكد أختكم .................عزف :)

يؤسفني إني أشوف هالتحطيم فيكم يا بنات ديرتي ! يؤسفني إني أشوفكم فاقدين الثقه بالله لا تقولون لي...