كلامك صح

-


مساء الخير عرآيسنآ
كيفكم شخباركم عساكم بخير مع الحوسه
* قبل ابدآ كلامي : لأي بنت تجيني بالتقييم تقول ادعيلي ربي يرزقني بالزواج وادخل معاكم التجمع
نصيحه من اخت لأختها لاتدعين بالزواج وبس !!
انا معك ان الزواج " فرحه " لكن كل بنت تتمنى الافضل
ورددي دائما ( اللهم لاتذرني فردآ وانت خير الوآرثين )
+
( رب إني لما أنزلت إلي من خير فقير )
+
الاستغفااار والدعااء

* عموما عرايسنا بالنسبه للخطبه
استخيري استخيري استخيري ، ولا توافقين الا عن قناعه تامه منك
واكثري من الدعاء + الاستغفار
ولا تتضايقون اذا ماصار نصيب ، لأن محد يدري وين الخيره فيه
وبرضو ( رأي اهلك واخوانك واخواتك مهم جدآ )
لاتقولين انا بأتزوج مو هم ! ترا دائما اللي حولك يعرفون مصلحتك اكثر منك
لأني لحظتها بتفكرين ( بنفس اللحظه )
يعني احيانا تجي بنت تقول ابوي رافض اني اوافق لأن زوجي راتبه قليل
وانا عادي مايهمني وكذا !! ( ليش ! )
لأن انتي تفكرين بلحظتها انك بتتزوجين وبتنبسطين معه وو ألخ
لكن ابوك يفكر للمدى البعيد !! عشان كذا يبي لك الافضل
لكن النصااائح اللي تجيك من برآ ( لاتاخذين الا الزين منهآ )
وترى بفترة الخطبه بتمرين بـ ( خوف ، ضيقه ، واحيانا مشاكل ، وبتجيك اراء كثيره
وبتنسد نفسك ، وبتصيرين حساسه )
كل هالاشياء عاااديه
* نصيحه : آمور الخطبه لاتنتشر قبل لا يتم كل شي ، وافضل شي محد يدري الا قبل الملكه بـ كم يوم وبعد التحليل وكل شي
" استعينوا على قضاء حوائجكم بالكتمان "
+
حآفظوآ ع الاذكار مرتين يوميا
( بعد صلاة الفجر و صلاة العصر )

اما بالنسبة للملكة
حابه انوه من هالنقطه يابنات لاتضيق صدوركم اذا صارت لكم مشاكل بالملكه وتقولون ( هذي احسن ايام ! )
اوك آحلى ايام لكن ( مو شرط ) او ( فرض ) انها تكون كلها دلع بدلع !!
مثل ما البنات يختلفون ! ترى الرجال يختلفون ! بعض البنات بعد ماتتملك تنصدم !
مايكلمني ! مايزورني ! مايهديني ! مايدلعني ! ينتقدني ! يجرحني !
ياعمري تبين تنبسطين وتعيشين حياتك ( اشتري راحة نفسك ) وحطي ببالك
محد كآمل ! ، طيب وشلون تشترين راحة نفسك !!
يعني حسيتي زوجك مايكلمك مايحب المكالمات ! حاولي معه مره مرتين
اذا مااستجاب وهو نفسه نفسه ، خلاص اسفهيه وعيشي حياتك وانبسطي لاتربطين وناستك معه ، ولا تقولين ابي اعيش كل لحظه بالملكه ( كلنا ودنا نعيشها )
لكن بعض الرجال مايساعدون على هالشي !! وراح تعيشون احلى ايام بعد الزواج
بعدين انا اكتشفت شي !! شباب هالزمن تغيروآ جد ! كثير يجيني كلام ان الشباب مايبون يكلمون كثير فترة الملكه !
بالبدايه كنت استغرب بس اكتشفت انه يبي يريح راسه !
يدري انه لازم يدلع البنت ولا بتزعل عليه !
يدري انه اذا تعودت عليه لازم يكلمها يوميا !
يدري انه لازم بكل مناسبه لها يهديها !
يدري انه لازم يداريها 24 ساعه !!
وهو مو فاضي لهالأشياء !! ويخاف اذا ماسواها تقول البنت ماعاد ابيه خلوه يطلقني ( لاتستغربون ، كثير بنات انفصلوآ عشان هالأسباب )
لأن احنا البنات متأثرين بالمسلسلات التركيه ونتشره كثير ، ودقييقيين !!
يعني تلاقينه هو مايكلمك يقول مابي اشغلها عن دراستها او وظيفتها
او مايكلمها الليل عشان تنام وترتاح !! اما احنا بنقول شكله مايبي يكلمني
شكله معقد ! ووو الخ ( يعني نحرف الامور على كيفنا )
واحيانا توصل نروح نشكي لأهلنا ونجلس نصيح ! وليه ما احس بفترة الملكه مثل البنات ، ابي انبسط ليه يعاملني كذا !!!
وتلاقين الرجال عند اخوياه يقول ، يوه متى يجي زواجي متحمس !!
( يعني مادرا عن السالفه ! )
وبأقولكم شي بعد ( ابعدوآ عن اسلوب التلميح )
يعني فلان انا احب الهدايا !! ( وتنتظرين يجيب لك هديه وهو مادرا عنك )
وتزعلين وتقولين انت ماتحس فيني ، وهو بنفسه يقول وش سويت انا
عشان هيك ( خليك صريحه ) لكن ( بأسلوب حلو ) عشان تمشي امورك تمام
وبرضو شي ثاني ! مدة الملكه ( مو اكثر من 5 او 6 شهور كحد اقصى )
اللي يقولون سنه او سنه ونص ، لآ مو زين ابد
حتى لو قالوا لك دلع ووناسه ووو ألخ ،، انتي ماتضمنين زوجك من أي نوع
ولو تلاحظون هالفتره كثير نسمع يفكون بفترة الملكه !
ليش ؟ لان المشاكل تكثر ، والتشرهات ، غير انه بالملكه الرجال والبنت تجيهم نصايح كثيره !! اثقلي عليه ! لاتعطينه وجه ! وهو يقولون له لازم تربيها لاتدلعها
واخرتها ماياكلها الا هم
وبأعطيكم نصيحه مني ( خليك سلسله بالتعامل ! ) يعني لاتصعبين كل شي
ولا تدققين بكل شي ، ولا تاخذين بخآطرك مع أي كلمه !!
والمشااكل بالملكه ( حاولي تنهينا ولا تناقشينها كثير )
لأني اكتشفت شي مهم الرجال ماينفع تتناقشين معاه ، لأنه يفهمها كأنك تقولين له انت غلطان ماعندك سالفه ، مو مثلنا احنا البنات نحب اللي يناقشنا ويوضح وجهة نظره !!
يعني مثلا انتي وياه اختلفتوآ بشي ! لاتكثرين حكي معاه ( كثرة الحكي تجيب المشاكل )
سكري المشكله وقولي خلاص ان شاءالله من عيوني ! ( لاتقولون ضعف ولا وين كرامتي ) هذا ماله دخل يابنات افهموآ
البنت الذكيه بتفتح معاه الموضوع مره ثانيه اذا كان مروق ! وبرضو مو بطريقة نقاش ابدآ ، وكأنك بتقنعينه !!
بتفتحين معاه الموضوع كـ أبدآء رأي
يعني مثلا ( السفر ) يممكن يقولك ماعندي ميزانيه !! مافيه سفره
بعض البنات تجلس اسبوعين وهي تناقشه وتحاول فيه واخرتها يقول لها نفس الشي ( مافي سفره ) وتروح هي تجلس تصيح مايحس فيني وو ألخ
طيب هو من البدايه قالك مافيه سفره انتهى المووضوع !
لاتناقشينه !
حاولي تجينه بأسلوب ثاني تبينين له وجهة نظرك بعيد عن النقاش وفرض الرأي!
( يآآعساكم تفهمون كلامي + ودي اعطيكم امثله بس مستعجله مره مايمديني )
ومثل ماقلت لكم يابنات ، واي بنت تقرآ كلامي وهي توها ماتملكت
( والله الملكه مو كلها دلع بـ دلع )
عشان لاتنصدمون ! ( الرجال يختلفون مو زي بعض )
ورآح تجيك ايام تتضايقين وتفكرين تنفصلين بس آجلسي استغفري
وشوفي وشلون بينشرح صدرك وبتحسين انك سخيفه وان مشكلتك ماتسوا
بالنسبه لي انا ( مريت بمشاكل بفترة الملكه وكانت فكرة الانفصال كثير تجيني )
والسبب هالجمل ( الملكه احلى فترة ، الملكه دلع ، الملكه اطلبي كل اللي نفسك فيه والرجال فرحان فيك ماراح يردك ووو ألخ )
لاتبنون احلامكم على تجارب مختلفه ، وكل وحده تعيش وضع زوجها
ولا تقارن نفسها بغيرها او بزوج صديقتها او بنت خالتها
مثل ما البنات يختلفون ، الرجال يختلفون
وكل اللي بيدينا ( الدعاء بالتوفيق والسخره )
والله يحقق لي ولكم آحسن من مآتمنينآ يارب
وآن شاءالله ارجع لكم بعد الزواج اطمنكم وافرح قلوبكم
ولا تشيلون هم شي ، وآآهم شي لاتنسون ان الشيطآن يجي الانسان
( بالأتراح والافراح )
يعني بالاحزان يوسوس لك ! وبالافراح يخرب عليك فرحتك
يلآ اشوفكم على خير يآحبايب قلبي
وشكرا شكرا من كل قلبي على كل وحده دعت لي من قلبها
ولا ساعدتني بأي شي
الله يفرج لكم ويوسع صدوركم
استودعكم الله الذي لاتضيع ودائعه
مع السلامة
سبحآن الله وبحمده ، سبحآن الله العظيم




^
عجبني كلامها وحبيت انقله لكم وتستفيدون ❤

هههههههههه ي حبيبتي هاذي متكلمه عندها ناعمه تسوي اختبار
تعرفي هوا شمال او جنوبي او غربي او شرقي اكتبي البوصله الشخصيه
مررا روعه انصحكم فيها انا عرفت اشياء كثيره وفعلا طلعت ببعلي
وفي اشياء تتجنبيها معاه
وع التجهيز انتي من المدينه صح

روحي فكره غير عندو لانجريات وشورتات وتنانير رسميه مررررا جنان لا تفوتكً

الله يسعدك استفزازيه وكل البنات على نصايحكم

الله يجزاك خير ويرزقك من حيث لا تحتسبين وربي فكيتي ازمه