مساء الخير

يا حلوات لاتنسون سوره الكهف

موفقات


اللهم صلى على محمد

السلام عليكم ورحمة الله عرايس
كيفكم
جمعه مباركه ولاتنسون سورة الكهف والصلاة على النبي
أبشررررركم امس غسلت قمصان النوم واليوم ببخرهن وبطبقهم واي راحه مو طبيعيه الحمد لله

تعالوا يابنات ياعرايس ياحلوات
ابقولكم اليوم عن خلطاتي اللي فادت معي والحمد لله وما ابي منكم الا دعوه صادقه بظهر الغيب ان الله يوفقني مع المحروس ونعيش ف سبات ونبات ونخلف صبيان وبنات

اول شي اقولكم اني انسانه اعشق الطبيعه واي شي كيمائي ما احبه (تخصصي كيمياء ) :biggrinlo
لاني احس ضرها كبير حتى لو كانت تنفع لذالك انا معتمده على الطبيعه وبس



الجسم
لجسمي انا معتمده 4 اشياء
الشي الاول خلطه تفتح وتصفي وتعطي نعومه هالخلطه انصح الكل فيها وانا مو منتظمه عليها بسبب الكسل الله يجيرنا منه
المهم هالخلطه احطها قبل ما انام احيانا واذا صحيت غسلتها الخلطه عباره عن
زيت جلسرين تلقونه عند العطار شفاف وثقيل +زيت لوز مر +جلسوليد الاحمر +عصير ليمون +ماء ورد
حطيهم بكميات متساويه او بالكميه اللي تعجبك انا اخلطهم عشوائى واذا شفته ثقيل زودت ليمون وهيك لحد ما اوصل للسماكه اللي ابيها
هذا قبل الشاور
بالشاور استخدم 3 اشياء اللي هم صنفرة كاب +صابون مغربي +خلطة الاخت جلكسي
طبعا كل يومين استخدم شي
مثلا السبت صنفره بس الاثنين صابون مغربي الاربعاء خلطه جالكسي والخميس والجمعه اخليها راحه
ومررررره مرتاحه على هالاشياء وفادتني كثيررررر

بعد الشاور ارطب جسمي بزبدة كاكاو او زيت جونسون للاطفال او فازلين البني


الركب والاكواع
طبعا هذي الكل يعاني منها ان لونها غمق من لون الجسم وانا كنت مثلكم لاحظوا انا قلت كنت يعني الحمد لله افتكيت وبدى لونها يفتح شوي صحيح مو ذاك التفتيح لاكن صارت احسن من قبل
والخلطه هذي توي استخدمها من اسبوعين بس نتايجها مرضيه الحمد لله واتوقع لو استمريت اكثر بيزيد التفتيح
المكونات
زيت لوز مر +ليمون +فكس +جلسوليد +مويا ورد
نفس خلطة الجسم بس زيدي عليها فكس
تحطين الخلطه على ركبك واكواعك قبل ماتنامين وتجيبين سفرة الاكل وتقسمينها نصين وتربطين ركبك زيييين عشان ماتنفك مع الحركه بالنوم المهم ركبك لازم تنكتم وتعرق وكمان الاكواع صلحي فيها نفس الشي ادهنيها واربطي عليها كيس او سفره اذا صحيتي الصباح اذا كان اليوم اللي بتاخذين فيه شور عادي روحي خذي شور وافركيهن بالليفه
واذا كان اليوم مراح تاخذي شور جيبي فاين وامسحي اثار الخلطه
والريحه مافيه ريحه ابدا ابدا تصحين ماتحسين انك حاطه فكس (لاتلومونها تكره ريحة الفكس بس اللي يبي الدح ما يقول اح على قولة الماما )

نجي للوجه

قبل ما انام احط عليه خلطه مكونه من
زيت جلسرين +ما ورد+ليمون
واذا صحيت الظهر اغسله بصابونه كبريت لان بشرتي دهنيه وبعدين احط عليه كريم لوريال تبع النهار
واذا جا العشاء غسلت وحطيت كريم لوريال تبع الليل واذا جا الفجر غسلت وحطيت الخلطه وهكذا

الخلطه جدا رووووعه وتفتح وتصفي طبعا مويا الورد والليمون معروفه فوائده للبشره وزيت الجلسرين كمان
الدكتور جابر يقول اللي تبي تفتح كل يوم تمسح وجهها بليمونه لاكن البعض يحسس من الليمون ف الافضل تحطي ما ورد لانه يعطي نضاره ويهدي البشره


هالخلطه كمان استخدمها للمنطقه الحساسه وانا قبل مان لونها غامق اغمق من الجسم بكثير لاكن الحمد لله الان صارت فااااااااتحه واغمق من الجسم بدرجه بسيطه

الشعر
قبل ما اخذ شور احط عليه زيت سمسم و واول ما ادخل الحمام وانتوا بكرامه اغسله بشامبو جونسون للاطفال عشان عيوني مسويه لها ليزر واخاف عليها من الشامبوهات الثانيه المهم اول ما ادخل اغسل شعري وبعدين احط عليه حمام الزيت فاشكول بالثوم واحط عليه كيس الشعر وابدى اشتغل على جسمي افرك وانظف
وبعدربع ساعه اغسل شعري وجسم واحس بالنظافه المنعشه والجميله


الشفايف فاااااااازلين وبس وربي اني لما احط فازلين اصحى والاقي شفايفي ورديه طبعا اول ماتستخدميه راح تتقشر
الطريقه تحطيه الليل واذا صحيتي راح تلقين شفايفك متقشره جيبي منشفه بلليها بمويا دافي وحاولي تشيلين الجلد الميت افركي يعني لحد مايروح وتمتعي بشفايف ورديه ومنفوخه


فيه خلطه للشعر احذركم منها بغت تطيح لي شعري اللي هي زيت عافيه وفلفل حار طبعا هي للتطويل وانا صلحتها قبل شهرين ثم تركتها ولاحظت شعري بعدها انعدم وبدى يطيح وخفت اني اصير صلعاء :18:
وبعدها وقفتها وجبت سدر ومويا وقريت عليهم وغسلت فيهم شعري والحمد لله ربي ستر وما صرت صلعاء


هذي خلاصة تجربتي بعض الخلطات استخدمتها من شهرين وبعضها توي ابدى فيها قبل اسبوعين والنتايج مرضيه والحمد لله
اتمنى ياعروسات ياحلوات ان اللي تستفيد من شي تدعي لي وللمحروس ربي يوفقنا ويجمع بيننا على خير ونعيش ف سبات ونبان ونخلف صبيان وبنات

ادري طولت عليكم بس والله ابي الفايده لكم

شششخباركم وحشتوني

الاستاذه ابداع يمديني اتفتح درجتين والا باقي على زواجي حوالي شهر وشوي انا سمووره وحابه اتفتح واوخر كل مشاكل جسمي ادعي لي ؟

الاستاذة ابداع
جزااك الله خيير ع ذكر تجااربك
أنا اسستخدممت الليمون ومويا الورد للمنطقة الحساسة وسببت لي التهاب وحككة :( أتوقع من الليموون لآن سبق وقريت أنه ما يصلح للمنطقة الحساسة .

بناات الله يجزااكم خيير الليلة إن شاء الله برووح بوودي ششوب وش آخذ مننه
أبغى غسول للمنطقة الحساسة وش اللي تنصحوني به
وو المسك الأبيض اللي بالعربية للعود استخدامه نفس مسك الطهارة و كم سعره

الله يجزاكم الجننة .,