يــازين الطـفوله ويازين حـكــاويها>>>برآآآآآآآآآآآآآءه تــايم

حـيـــا الله اللي لــــــــفــــو.............

يالله حــيــهــــم ..............

القهوه يـا وضـحـــــــــــا...................

يعلم الله اني ودي اقهويكم .....بس العين بصيره واليد قصيره...............بس اللي عندها قهوه تقهوي

نفسهـــاخخخخخخ

الصراحه يابنات اني تعيبينه وزعيلينه شوي ضيقو خلقي بعض البنات الله يهديهم :44: بموضوعي
الاول ردودهم ضيقت خلقي وااااجـــد تكفون اللي عندها رد

زوين تكتبه وتقلط واللي ماعندها رد ابقهويها


واعشيها وتقضب الباب ...واللي ردها مو جييين يؤ اقصد مو زيين :mad: بس قهوه مافي عـشــا
يمقن اعشيـهــا ويمقن لاااااا.

باسولف اليوم واتذكــر ايام الـطـفووله اللي مافي احلى منها يازينها زينااااه ياليتن يرردن الزمن

لورررااا ونررجع بـراعم....

تذكــرون يابنات طـاق طـاق طاقيه ...رن رن ياجرس.. محمد راكب عالفرس>>> الكلمات خبط لزق
اهم شي نلعب وندووور ....ولا >>>غمــاضي يـاورده ..فتــاحي ياورده>>> طلع من فمي غبار

يوم قلتها ..والله يازينه من غــبـــــــــــــــــــار


..الله يازمن اول....من اول النهار لين آآخررره لعب ولاغابت الشمس نرجع البيت

وحنا غـبــار والشعور منفوشه من اللعب والتمردغ...ماغير الغدا والعشا اللي يقعدنا بالبيت

اذكراول لامطرت المــطـررررر يتجمع سيل قريب لغنم ابوي ولاجــا ابوي يروح للغنم نروح ننادي بنات

الجيران ويركبون معنا انا وخواتي وابوي عند الغنم وحنا رركض عند السيل ..>>>منسجمه والله

احس اني اشم ريحة غنم خخخخخ.....وكان عند السيل خزان مويــا كبيرمقطوع من النص بس نصه

موجود ماهــو كامل لونه ابيض والسيل كان راكد وماهو كثيير والله كنا نقلب الخــزان ونركب

فيه ونحركه بالعصا وياسلام على سفينتنا نتمشى وســط السيل بسفينتنا اللي من غيرررر

شرااع وكأننا راكبين سفينه بس ناقصها شراع و مــــاطوووور هههههه>>لوركبنا لها بتصير سفينه ميه

ميه......واذكر يوم كنت باولى ابتدائي مره صحيت متأخره عن المدرسه اخواتي وحده برابع ووحده بسادس

ابتدائي صحو قبلي وجلسو بالصاله يمشطون شعورهـــم ويحسبوني صاحيه بالغرفه وانا نــايمه

يوم خلصو قالتلهم امي اسبقوها للمدرسه وهي تلحقكم طبعا المدرسه قريبه مرره على رجولنا

نروح راحو خواتي وصحتني امي وجلست تمشط شعري بالصاله يوم خلصت امي قالت يالله الحقي

خواتك وراحت امي المطبخ واقوم اشيل الشنطه وانزل مع الدرج عاد تذكرت اني مادهنت يدي

وارجع للصاله ويااااااذيك الرجعه...من ذكــائي تحسبوني اخذت كريم للبشره ..لقيت قدامي

كريم الشعر واخمش ذيك الخمشه من كريم الشعر واطلع وامي بالمطبخ ...وانا بطريقي للمدرسه

فررررك بالكريم ماقصرت دهنت يديني ووجهي كلله...نيتي الحين اني بتهندم قدام البنات

من يوم دخلت باب المدرسه واغلب البنات يطالعوني >>> وش الإعجــاب على هالصبح

يوم شافتني اختي جتني من بعيد انتي وش حاطه بووجهك امسحيييه بسرعه >>> انا

ياحليلي مستغربه وناسيه اني حاطه كيلو دســـم على وجـهي والشمس توهــا مشرقه

والله اختي تضحك وتقول جبهتك تلمع مع الشـمــس هههههههههههههه>>> صرت زي بيت

الشعر اللي يقول برقٍ تـلالا ...قلت عـــــز الـجـلالا ....واثـره جبين صويحبي واحسبه برررق هههههه

....آآآآآآآآآآآآآآآه يازين ايام الابتدائيه وحكاويها...وحده من خــواتـــي اول ماجــاتها الدوره الشهريه

وهي بالابتدائي جتها بالفسحه قالت لخوياتها ابروح الحمام (الله يكرمكم) يوم راحت تشوف وش ذا


ماكانت تعرف عنها ..طلعت ورجعت لخوياتها وتصيييح :icon33: وحاطه يدينها الثنتين على وجههــا

وتقولهم انا فيني البواسيـــر ههههههههههههههههههههه>>> مشخصه لنفسها من راسها

يوم درت الابله ماتت ضحك وروحتها للبيت خخخخخخخخخخخخخ......وللحين نعايرها فيها ههههههه

عالاقل هي لحقتها الابله قبل تتفشل ..اما انا صار معي موقف بالابتدائيه للحين مانسييته

مره ابوي وهو طالع صادفني وانا طالعه رايحه المدرسه عاد وقتها خواتي متخرجين من الابتدائي

وانتقلو للمتوسط وانا لحالي ابتدائي ومسوي فيها مدلعني بيوصلني للمدرسه بسياره وهو

قررريبه قلي اوصلكي معي يالله قلت يالله يوم طلعت تفاجأت انه معه سيارة العامل حقت المزرعه

هي اللي بيوصلني بها ويـــاااااااااااهي قرررررمبع وخررررررررررررررده والله يابنات انها من جوا

مخروقه فيها شق تتفرجين على السكه من تحت والسياره تمشي هههههههه ومايمديني

اقول لايايبه ماني رايحه.....ركبت معه و ادعـي بيني وبين نفسي يااارب مافيه احد عند باب

المدرسه يشوفني بهالسياره خخخخخخخخخخ عشان انزل على طوول وادخل,,,وبس لفتين

ووصلنا للمدرسه يوم وصلت يافششلتي إلا الفراش ماهو موجود متأخر مافتح باب المدرسـه

والطالبات وبعض المدرسات كلهم متجمعين عند باب المدرسه:eek: يستنونها تنفتح حتى المديره

توهــا ماجت واللي بعضهم جالسين بسيارة اهلهم يستنون>>>>واغبني غبنـــاااااااه

ويوقفني ابوي وانــزل من الشبح خخخخخخخخخ وانا متفششله والبنات كلهم يناظروني

لا وبعد وحده من البنات بعد مانزلت تقولي سيارتكم تضحك >> واجاوبها وانا زعلانه اصلا ماهي

سيارتنا سيارة العامل حق المزرعه هههههههههههههههههههههههه:hahaha:

...شـكــلي طولت عليكم يالله بختمها بولد اختي .. الله يسلمكم ولد اختي هذا ياقلبي عليه بس نعوووم

زي البنات حتى صوته انعم من خواته ومســـــــــــــــالم ...يوم كان يدرس بالرووضه مره تعب وجاه إسهال

الله يكرمكم ..وكل شوي يترردد على الحمام مع امه ...وغاب يوم عن الروضه بعد ماتحسن وداوم اليوم

الثاني سألته المدرسه....ليش غــايب يامهند ....قال انا كنت تعبان عندي بلغــم هههههههههههههه

طبعا اختي يوم كلمت المدرسه قالت سلامات وش فيه مهند قالت اختي الله يسلمكي كان عنده

إسهــال ضحكت الابله قالت يوم سألته قال عندي بلغم >>>>> مــع نفسك بلغم ههههههههههههه


ويالله حبيباتــــــــــــــي لااقول لكم ودااعــــــــــــــا ....بل الى لقاء آآخر










امـــزح لاتروحون يابنات حلفت عليكم ...إلا تتعشون عنـدي .......:7_2_103v:



وإلا اقولـكــم الــعـــــــشـــــــــــــا بعد الردود ............اقصد على حسب الردووود خخخخخخ:icon35:

باااااااااااااااااااااااياااااااااااااااااااااااااااااات:39: