رمضان
شهر الرحمة و الغفران
مابقى عليه إلا أيام معدودة
الله يبلغنا اياه واحنا بصحة وعافية ويعيننا على صيامه وقيامه ويتقبله منا
ويعتقنا فيه من النار
تقسيم الوقت برمضان وترتيب الأولويات يختلف من بنت لبنت
على حسب حاجتها و مسؤلياتها و...الخ
بس في أمور أغلبنا يتفق عليها خاصة برمضان
حبيت ألخصها بنقاط
أكيد كل فتاة مسلمة بالغة عاقلة واجب عليها الصيام في هذا الشهر الفضيل
هذا أمر مفروغ منه
كذلك الصلوات المفروضة
هناك فرص أخرى عظيمة في هذا الشهر لتنالي الحسنات والمغفرة
والأجر العظيم وهو العتق من النار
عن أبي أمامة رضي الله عنه قال: قال رسول الله صلى الله عليه وسلم :
" إن لله تعالى عند كل فطر عتقاء من النار وذلك كل ليلة " صحيح الترغيب 991
عن أبي سعيد الخدري رضي الله عنه قال: قال رسول الله -صلى الله عليه وسلم :
" إن لله تبارك وتعالى عتقاء في كل يوم وليلة -يعني في رمضان- وإن لكل مسلم في كل يوم وليلة دعوة مستجابة " .
أعظم فرصة وأعظم فوز في هذا الشهر الفضيل العتق من النار
كل ليلة من ليالي هذا الشهر الفضيل لك فرصة في الاجتهاد بالطاعات
ونيل المغفرة والعتق من النيران
صلاة في جوف الليل ودعاء وذكر واستغفار وقراءة قرآن
داومي عليها كل ليلة لتنالي الفوز العظيم
ولا تنسين الصدقة في هذا الشهر الفضيل
يمكن كثير منا ما تجتمع طول السنة مع أسرتها على وجبة طعام إلا في رمضان
هذي فرصة حلوة للمة الأسرة والتقرب من بعض أكثر
وفرصة أخرى لكسب الأجر عندما تحتسبين إفطار صائم أثناء تجهيزك للفطور
نصيحتي لا تخلين يومك كله في المطبخ وتنسين جوانب أخرى كقراءة القرآن
والدعاء و الذكر
بعد صلاة العصر إذا دخلتي المطبخ وقت مناسب ويكفي لتجهيز الفطور
الي اللحين هالأيام فاضية تلف كم حبة سمبوسة وتفرزنها بحيث بس تقليها أو
تحطها بالفرن برمضان
وفي طبخات ممكن ليلة اليوم الثاني تجهيزها إذا خلصتي تراويح وتنظيف بيت
واهتمام بنفسك وبقى لك وقت
يعني نظمي وقتك وجهزي أشياء من قبل عشان ترتاحين إنتي
و الأهم تتفرغين للعبادة
يا بنات لا تكثرون أصناف على السفرة ومحد ياكلها
أو إذا بقى أكل زايد ماحد لمسه يعني نظيف ممكن تعطونه مثلا
سواقكم أو العامل الي ينظف المسجد أو أي أحد قريب بحارتكم بحاجة له
وأحلى شي يكون الفطور فطورين فطور أول الأذان وفطور بعد الصلاة
الفطور الأول يكون تهيئة للمعدة تمر +ماء
الفطور الثاني الفطور المعتاد ونصيحة مو لازم تعبون بطونكم كلو شوي
والباقي بعد التراويح
عشان ماتثقلون على معدتكم وتتعبون وعشان ماتصدمونها مسكينة طول اليوم فاضية
وفجأة يكب عليها الأكل بقوة هههههههههههه
لازم نحافظ على رشاقتنا يا جميلات وقبلها صحتنا
بالنسبة للبنات الدلوعات الي مايعرفون يسون كاس شاي
أقولهم ياحلوات سوي لو يوم بالأسبوع طبق منها تفرحين أهلك وتكسبين أجر
ومنها تنمين مواهبك للمستقبل
خذي لك فرة بقسم الطبخ هنا بالمنتدى
واختاري شي سهل يناسبك
صدقيني بتستمتعين وتفرحين أهلك وتاخذين أجر إفطار صائم بإذن الله
غسيل مواعين
غسيل ملابس
كنس مجالس و غرف
تنظيف دورات مياه-وانتوا بكرامة-
ماهي صعبة ولا هي مشكلة
كل الشغل الي فوق قسميه إلى أيام معددوة ما عدا أول شغلة (المواعين)
شغل المطبخ يكون يومي بعد الفطور
الي أسرتها كبيرة ويستخدمون صحون كثيرة تشتري بلاستيكيات
غسيل الملابس خليه يوم بالأسبوع مثلا كل اثنين وإذا عائلة كبيرة
مرتين بالاسبوع مثلا السبت و الثلاثاء
المجالس و الغرف مرة بالأسبوع الخميس مثلا
الصالة أو المقلط (المكان الي تجلسون فيه يومياً) كل يوم مرة وحدة قبل النوم
دورات المياة وانتوا بكرامة الجمعة مثلا
طبعاً كل وحدة تقسم على حسب عدد افراد أسرتها وحجم بيتهم ومدى حاجته
للتنظيف اليومي
والتعاون شي جميل
حتى لو كنتي لوحدك تسوين هالشغلات كلها ما بتاخذ منك يوميا غير ساعتين
استغليها شغل + دعاء وذكر و استغفار
صدقيني بتخلصين وانتي ماتحسين بالوقت
أما الي عندهم شغالة فأنصحها انها تغسل صحنها أول ماتقوم من السفرة
وترتب غرفتها بنفسها
بشرتنا الجميلة
إذا كل يوم نهتم فيها فكيف مانهتم فيها برمضان واحنا مقبلين ع عيد بعده؟!
أحلى شي للماسكات وتنظيف البشرة بعد ماتصلين تراويح
حتى لو كان عندك شغل حطي الماسك وسوي شغلك بس تخلصين شغلك
وتشيلين الماسك تشوفين أد ايش انتي حلوة :icon28:
كل وحدة تهتم على حسب طبيعة بشرتها ومنتجاتها المعتادة
بس أهم شي مانهمل الغسول أول مانصحى من النوم وقبل ننام والمرطب
وأهم أهم أهم شي الواااااااااااقي
ايه نعم الواقي
خاصة الي تطبخ
قبل تدخلين المطبخ حطيه
ضروري يا بنات هذا الكلام من دكتورتي تقول الي تطبخ لازم واقي
حتى لو ماطلعت من البيت وتعرضت للشمس
يكفي حرارة الفرن
ماننسى كمان أجسامنا
أهم شي يا بنات بعد الشاور اليومي ترطبين جسمك كللللللله
بأي لوشن تحبينه
وترطبين الأماكن الخشنة مثل الركب و الأكواع بكريم مرطب قوي
أنا أرشح لكم منتجات 21 البرتقالي و فازلين
هذي التوب1 عندي
طبعاً كل وحدة حرة باستخدام المنتج الي يناسبها وترتاح عليه
بس لازم يوميا ترطبين جسمك
وسوي لك صنفرة مرتين بالأسبوع
أُفضل الصنفرة الجاهزة مثل صنفرة المشمش
إذا عندك وقت وحابة تسوين ماسكات وخلطات لجمسك لاتقصرين ابد
بس لاتنسين الترطيب أهم شي صدقوووني
تاج المرأة
لا تهملينه برمضان
تذكري وراك عيد سعيد ويمكن تنخطبين ههههههههه
لا جد لازم تهتمين فيه
افضل شي للشعر هي الماسكات
ترى يا بنات الزيوت على الشعر كثرتها تسبب تساقط لأنها تكون
قوية وحارة على الفروة
فالأفضل تحطيها في ماسك
مثلا إذا تستخدمين زيت سمسم تاخذين منه مقدار ملعقة
مع ملعقيتن زبادي
وتحطيه على شعرك مو أكثر من ساعتين ياحلوات
وإذا تبين تحطين زيت لوحدة مرة بالأسبوع مو مشكلة بس لاتخلينه
أكثر من ساعتين على شعرك
الماسكات تختلف مو شرط زيت وزبادي
على حسب الي يناسبك وترتاحين له وشفتي منه نتيجة حلوة
مرة أو مرتين بالأسبوع يكفي
وبما أحنا في فصل صيف
لازم تغسلين شعرك يوم ورا يوم
طبعا يفضل بعد الشامبو بلسم أو ماسك مغذي
والي شعرها ينفش بعد ما تتحمم
تحط كريم شعر بعد ماينشف جزئياً يعني يكون نص مبلول
من فترة حطيت موضوع عن الشعر
ورشحت ماركة لوريال وغارنييه ودوف كأفضل منتجات أنا جربتها
طبعاً كل وحدة تستخدم الي يريحها وشافت منه نتيجة
مثلاً أنا عندي لوريال نمبر1 أختي غارنييه نمبر1
وشعري يختلف تمام عن شعرها
شفتوا احنا خوات نستخدم منتجات غير
يعني كل وحدة تستخدم الي يناسبها ما تقلد غيرها
أهم شي يعطيها هي نتيجة مرضية وترتاح معاه
حلم كل فتاة
الزواج
حابة أهديكم دعوة من صمصومو لئلبي >>يعني من صميم قلبي خخخ
لكل فتاة ترغب بالستر والحلال
يارب يكون رمضان هذا خير عليك وتنخطبين فيه وتملكين بالعيد ويكون عيدك هالسنة عيدين
استغلي يا حبيبة فرص هذا الشهر العظيم
بالدعاء لك ولكل فتاة مسلمة ترغب بالستر بالزوح الصالح
_ _ _ _ _
نجي اللحين لترتيب اليوم الرمضاني
1-الفجر : سحور +صلاة+قراءة قرآن+دعاء
نووووم
2-الظهر:صلاة+قرآن +شغلة :
في ناس تحب تكمل نومها بعد الصلاة مو مشكلة
وفي ناس تحب تدخل بعد الصلاة المطبخ وتطبخ
وفي ناس تحب تشوف برنامج ديني أو تسوي هواية معينة مثلا رسم
وفي ناس تحب تتصفح نت
كل وحدة والي يريحها أهم شي ما يخالف الدين
3-العصر: صلاة+قرآن+دعاء+مطبخ
4-المغرب:فطور1
5-بعد صلاة المغرب: فطور2+تنظيف مطبخ
6-العشاء:صلاة عشاء والتراويح+قرآن
7-بعد العشا:عندك مجال طويل ومفتوح ومنوع
مثلا ترتاحين شوي تاخذين لك ساعة ساعتين نومة
بعدين عبادات مختلفة من قرآن ودعاء وذكر
ماسكات للبشرة والشعر
خلطات للجسم
تنظيف البيت
تصفح عالم حواء
بعدين السحور وصلاة الفجر ونوووووم
أتمنى أن موضوعي افادكم
وكل وحدة تنصحنا وتفيدنا بطريقتها وأنشطتها ويومها الرمضاني
:26:
