السلام عليكم ورحمة الله وبركاته ..
بصراحه فيه موضوع شدني وكمان احنا غافلين عنه من جد ..
ما تلاحظون إن كلمة
إنتشرت إنتشار غريب و مريب ..
وصار اللي يقولها عااادي جدآ .. كانه قايل
..!
و الأغرب إن اللي تنقال له عادي عنده ..!!
كيف ترضى على أمك ؟! و ليش ؟!
و حتى بعض البنات اللحين بالعكس صارت
عندهم يلعن أمك مدحه ..!!
أو هذا تعبير عن الحماس في سالفة ما !
مثلآ ..
يجي واحد يقول : والله أمس سويت كذا وسويت كذا ..
يجي الثاني يقول : يلعن أمك ياشيخ ..!!
و إذا قال له
مدّ هالخشه شبرين كأنه قايل له شعر يمدحه ..!
و إلاّ بعض الشباب .. واحد يسأل الثاني :
وش رايك باللاعب الفلاني ..؟
يقول : يلعن أمممممممممه يلعب من جد ..!
طيب أبي أفهم .. وش دخل أمه
بالموضوع ..؟!
للأسف الشديد إن الكلمة هذي منتشره عندنا إنتشار كبير ..
و الآن حاصله مع الشباب في جلساتهم ..
فلان: وينك أمس يلعن أمك ؟
علان: أبد رحت مع فلان الله يلعن أمه .
فلان: ليه ماقلتلي إنك بتروح معه الله يلعن أمك أنت ويّاه ؟
علان: وش دراني إنك بتروح يلعن أمك !
فلان: ههههههههههههههههه .
علان: هههههههههااااااااي .
ولا كأنه صار شي !!
وللأسف إنها تقريبآ أكثر كلمة تنقال هالأيام ..
وكم واحد تسأله عن هالكلمه .. بيقول لك : صارت عاده ..!
هذا جواب اقبح من ذنب ..
مافيه شي تتعود عليه وإنت تدري انه موب زين ولا تقدر تخليه ..!
يمكن إنت تغفل أو تتغافل عن الذنب اللي تحصله من هالكلمة ..!
بس لا تنسى و إنت تقول هالكلمة أنك تسوي شيء من الكبائر ..
أنت تخيلت معي ..؟!
كبائر الذنوب ..!!
صحّ عنه صلى الله عليه وسلم أنه قال
{ من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .
وش رآيكم ..؟
وش الحل لهذي المشكلة الخطيرة ..؟
يعني لهالدرجة مافيه إحترام ولا تقدير للأم ..؟!
RoOozh @rooozh
عضوة نشيطة
يلزم عليك تسجيل الدخول أولًا لكتابة تعليق.
يممممممه مااحب هالكلمه تخوف احسها ماتنقال ابدااا ومايقولها الا شخص سئ الطباع
ولو الواحد يتفكر شوي بمعناها وربي مايقولها كذااا بسهوله
ويكفي انها سبب من اسباب محق البركه
ولو الواحد يتفكر شوي بمعناها وربي مايقولها كذااا بسهوله
ويكفي انها سبب من اسباب محق البركه
الصفحة الأخيرة
والمشكله صار عاااادي؟؟؟