’’’
السلام عليكم و رحمة الله و بركاته
حيا الله كل من دخلت موضوعي
أسفرت و أنورت
اليوم حابه أوريكم طريقتي في طبخ المكرونه بالطريقه الإيطاليه الشهية
بس انتبهووو على أصابعكم لا تاكلونها بعد ما يخلص الطبق < واااااااثقه هـــع
يللا نبدا على بركة الله
المقادير لـ 4 أشخاص هي
مكرونه ( انا اخترت النوع الكلاسيكي العادي )
خضار مشكله ( بصل - ثوم - مشروم - فلفل رومي أحمر و أصفر و برتقالي - بروكلي- كوسا )
قشطه
ريحان مجفف - ملح و فلفل
جبن موزاريلا - شيدر - بارميزان
نفرم البصل و الثوم ناعم و نقطع باقي الخضروات قطع كبيرة شوي
نحمس البصل و الثوم مع قليل من الزبده ثم نضيف باقي الخضروات
اذا استوت الخضره نضيف عليها القشطه و شوية ليمون ثم نضيف جزء من جبنة الموازريلا و نخلطه زين
بعدين نجيب المكرونه المسلوقه و نضيفها على الخلطه و نقلب الخليط
بعدين نصب المكرونه و الخضره بصينية الفرن
و نضيف عليها جزء الموزاريلا الباقي ثم جبنة الشيدر و أخيرا و ليس آخرا جبنة البرميزان
و ندخلها الفرن عشان تتحمر و تسيح الجبنه
و هذا الشكل النهائي
و سويت معاها قوارب البطاطا بالجبن و هذي شكلها
و للي ما يعرف طريقتها
تقطعين البطاطس نصفين تنظفين القشر و تحكينه بالسكين ثم تقصدرين البطاطس و تحطينه بالفرن لين يستوي
بعدين تحطين فوقه بقدونس و ذرة ملح و جبن موزاريلا و شيدر ....
و بالهنآااااء و العآااافيه ...
آرائكم يا حلوين
’’’