يـومـيـاتـي ، .. لـجـسـم خـالـي مـن الـدهـون

يمنع التجمعات بقسم السمنه والنحافه
الرجاء الأطلاع على قوانين المنتدى
http://forum.hawaaworld.com/showthread.php?t=2078166




السلام عليكم

حالتي مثل كل حالة ابنيه زاد وزنها مع مرور الأيام دون ما تنتبه لين تتفاجأ بيوم أو تتوصل في يوم إنها عرضه لأمراض وتنصدم للحال اللي وصلتله وهيه في عز شبابها ، و تبدى تحول جسمها لفار تجارب لكل نوع رجيم اتشوفه ومر عليها وادور الرجيم اللي ينزل كيلوات اكثر في مدة زمنية قصيره وتتغاظى عن الآثار الجانبية له ، وتقسى على عمرها بالرياضه وبكل أنواعها وتبدى تتهاون وتتكاسل في ايام معدوده، وبعد فترة ترأف لحالها لأنها تأثر على جسمها تأثير عكسي وبدال لا بنزل يبدا بالزيادة ، العيب مب في الرجيم ولا فالرياضة ، العيب فينا نبا الشي اللي ايينا بالساهل وما نبا نتعب .. طبعن لكل بنت ناوية تنزل من وزنها أنا أنصحها تبدى بالتخفيف وتعدل أكلها للأكل الصحي وتبدى تمارين خفيفة ولو تكون عبارة عن المشي .. لا تتعلثون بالظروف ولا بالدراسة ولا بالدوام والشغل والعيال ، تقدرين تخلين أكلج صحي كلها كمن أسبوع وويا الصبر بتفرحين بالنتايج إن شاء الله ..

حبيت ابدى ريجيم "عذاري" وايد قريت عنه وحسيته من بين كل اللي قريتهن هو متكامل من جميع النواحي وصحي ، لأنه الأكل اللي فيه صحي بأكثر ماهو نوع من الحرمان ..

باجر ببدى فيه وبكتبلكم طولي ووزني ، وبحطلكم الوجبات بالصور إن شاء الله .. واللي بتبدى ويايه حياها

وإن شاء الله الله يقدرني وأنتظم وأدري ما بتقصرن بتشجعنّي ، ويارب ننزل بصحة وعافية