يقذفوني ويشوهوا سمعتي وأنا يا غافل لك الله

بنات مرة متضايقة

السنة اللي فاتت صارت لي مشاكل كثيرة مع خوالي وخالاتي والسبب :

كانت عندي خالة يا بنات ساكنة انا وإياها ببيت جدتي هي متزوجة بس دايم تجي عندنا لأن ما عندها أطفال فتنام ايام بلياليها عند جدتي

وكانت تغار مني بشكل مو طبيعي وتقعد لي على الحبة وتحط راسها براسي علما بإنها أكبر مني بــ 13 سنة

وما فيه أحد ساكن ببيت جدتي غيري أنا وهي وجدتي


المهم هي موظفة وأنا طالبة
كانت إذا تتقضى للبيت تشيل الأكل من المطبخ وترفعه بغرفتها عني ، وأنا أهلي يصرفوا علي وإذا جو عندي يعبوا المطبخ مما لذ وطاب وهي تاكل من أكلنا ، وكنت أجيب أنا نواشف أحيانا للمطبخ وتاكل هي معي ما أقول لا أو أمن عليها حتى لو اشتهيت أكل من مطعم اجيب لها معي احسب حسابها وهي الموظفة كانت تشح علي بشكل غريب

المهم من كثر تحرشاتها فيني ما قدرت اصبر انفعلت صرت اوقف لها على الحبة وهي اللي بدت علي ، صرت ادافع عن نفسي لأني قبل كنت اسكت تهاوش وتظلم وانا اسكت لين خلاص بلغ السيل الزبى

فصارت تروح لخوالي وخالاتي الثانيين وتقول فلانة قليلة أدب فلانة ما تحترم أحد ، لدرجة اتصلت على اخوي قالت له أختك معها جوال انتبه لها وانا يشهد الله علي مو مسويه شيء !!!! بس تبي تخرب علاقتي فيه

راحت تشهر فيني وتدعي علي أنا ما أنكر أخطيت بس ما توصل بيننا المشاكل إلى إنها تشوه سمعتي وتشكك أخوي فيني !!!

المهم مرت الأيام وخوالي من كثر ما سممت أفكارهم عني ، جاء خالي الكبير مرة يقول عني وحده ××× يعني وسخه يعني ما عندي أهل ينتبهوا لي يعني صايعة ضايعة يعني فالته إلخ ...

قذفني بأبشع اللأفاظ وأنا بريئة

وكانت خالتي هذه تدافع عني تقول له اتقي الله يا شيخ لا تقول شيء عن فلانه ما شفته بعينك !!
وهي بنفسها كانت تقول عني كلام :frown:

بس لأنها متهاوشة مع خالي الكبير جاية تنقل لي كلامه ، وتقول أنا مو نمامة تبي تخرب علاقته فيني عشان كذا تنقل لي كلامه عني (علماً بإنه صار له سنة هالكلام)

أنا مصدومة يا بنات تعبانة نفسيا
مو عارفة كيف انسى جرحهم لي ، مو سهل إنه يجيك أحد يقذفك أو يشوه سمعتك

خالي ما توقعتها منه عنده 8 بنات من حرمتين

وكل حرمة تربي بناتها على طبايع مختلفة ، بنته الكبيرة أعرف عنها بلاوي كثيرة ومع ذالك ساتره عليها ولا تكلمت عنها أو عن أخلاقها قدام أحد

يجي أبوها يطعن بشرفي ويقذفني ليه طيب ؟؟
ما يخاف ربه عنده بنات ويسوي فيني كذا ؟؟

الكلام صار له سنة بس توها تعلمني فيه !! جرحت قلبي جرحتني يا بنات ، دايم اقابل خالي ابتسم بوجهه واهتم فيه إذا جانا ، وهو أحسه يصد عني بس ما كنت عارفه السبب غير اللحين

كنت عند جدتي أدرس وطردني من بيتها أشر طردة ، وحرش جدتي علي وملا راسها أفكار مسمومة عني ، وأنا الآن أكمل دراستي بسكن طالبات

وكل جماعتنا والناس اللي يعرفونا مستغربيين وش اللي مطلعني من بيت جدتي !!! :(

حسبي الله ونعم الوكيل