يقولون ابتسم قلت ابتسمنا = وش اللي تفعله بسمات حاير
يقولون الوناسه لا ضحكنا = خصوص إن خالط الضحكه عباير
يقولون اضحك اضحك لين ضعنا = شبعنا ضحك كم مره نساير
قريت وشفت يا كثره وجعنا = على طول السنين الجرح غاير
اكلنا من بعضنا ما شبعنا = وجبنا الثور في وسط الحضاير
مشينا بالطريق اللي وضعنا = على جرفٍ هيال ودار داير
نعرف الصح لكن ما استنعنا = نشوف الموت وحجابه ستاير
سمعنا الحق لكن ما استمعنا = نعرفه زين في وسط السراير
وقعنا كم مره قد وقعنا = وذيب الليل نعطيه الجراير
زرعنا الزرع لكن ما حصدنا = نذوق الحنظل احلا كيف صاير
إلا يا قدس ضعتي من عربنا = نشوف الذل ونذوق الحقاير
نشوفك بالأسر لكن رجعنا = رجعنا للورى بجناح طاير
ركبنا البحر لكن ما سبحنا = جمعنا الدر من سوق التجاير
شربنا السم يوم إنا شربنا = وذقنا الموت لكن بالعزاير
نغني كل يوم ولا طربنا = وألا يا ليل دانا يا سهاير
نحسب اعقولنا في مجتمعنا = ولكن العقول ابلا ذخاير
مع الأفغان صحنا ثم صحنا = ولكن الصدى يرجع صداير
غزاهم من غزاهم لو صمدنا = اخذنا الحق وحقوق الحراير
ودارت دورة الدنيا وصعنا = وشفنا الشيب في روس الصغاير
تفاخرنا وقلنا وين حنا = وصلنا للقمر جبنا البشاير
وصلنا للقمر علمٍ وفنا = وبعض الفن مثواه الحفاير
رضخنا للعدا حتى رضخنا = وصرنا سلعةٍ في سوق باير
إذا قلنا نعم والحق معنا = ترى معنا الحقيقة والبصاير
ولكن هل (نعم) ترضي طمعنا = إذا جت( لا) وعددنا الخساير
عراق العز ضاع وضاع منا = بكت دجله ويبكي كل ساير
بكى نهر الفرات وزاد حنا= نشف مما يشوف من الكباير
زعل واحنا ولا مره زعلنا = نقول إن الزعل عند الضراير
اجل قلنا وقلتم وابتسمنا = ضحكنا بس من ضحكات حاير
منقووووووووووووووووول
يلزم عليك تسجيل الدخول أولًا لكتابة تعليق.
يقولون ابتسم قلت ابتسمنا = وش اللي تفعله بسمات حاير
وش اللي تفعله بسمات حاير..!!
وش اللي تفعله بسمات حاير..!!
أشواك ناعمة..واختيار يعبث بالجراح..
لكِ الشكر..
وش اللي تفعله بسمات حاير..!!
وش اللي تفعله بسمات حاير..!!
أشواك ناعمة..واختيار يعبث بالجراح..
لكِ الشكر..
الصفحة الأخيرة
وخلتني اضحك غصب عني على كلماتها
يسلموووووووووووو