اللهم ارزق اخواتي اللي يقرأون موضوعي كامل مايتمنون
من خير الدنيا والآخره...
معليش تحملوني ..يمكن مايعجبكم كلامي
كثير اللي يحبون هذا القسم...ويدخلونه يومي
وادمنوا عليه..
بس الفتره الاخيره تغير واتوقع كلكم ملاحظين
بكتب ملاحظاتي وياليت اللي عندها ملاحظه تفيدنا...
اولا المكرمات
خلاص عطاانا مكرمه والحمد الله
فرحنا واستفدنا وعبرنا عن شعورنا سواء كان فرح والا العكس...
هنا ياليت نتوقف خلاص مانبي مواضيع
تخص المكرمه ؟؟؟ عشان مايكون القسم ممل انا سعوديه كرهتوني فيها
كيف الثانين ؟؟
القسم صار كله مواضيع تخص المكرمه
الفرحان يفتح موضوع والزعلان يفتح واللي تشره تفتح واللي تسئل تفتح ؟؟
ثانيا التسجيل بحافز وجداره
كل وحده في بالها سؤال فتحت موضوع؟
الصح أي وحده بتستفسر تسأل بأول موضوع انفتح ؟؟
او برساله خاصه لوحده من البنات اللي سجلت وانتهت؟؟
احمدوا ربكم اني ماني مشرفه والا كان تلقون القسم
فاضي من المواضيع ؟؟؟ شغاله حذف ومكرر،،
والعضوات اغلبهم موقوفات :icon31:
ثالثا اذا سمعتي خبر جديد
دوبه نازل السوق :22: لاتجين طيران وتكتبين
هدي شوي وتأكدي من بعض الامور،،
عن طريق بحث لاتقولون مافي بحث
(حطي الماوس على بحث واضغطي وافتحي صفحه بلسان جديد ويطلع قوقل )
الامور هي ..
أ - موضوعي مكرر ؟؟
المكرر معروف وين بيزفونه لقسم المواضيع المكرره .
امثله على المواضيع اللي تتكرر
(الاجازات _ استشهاد شخص _ زياده راتب القطاع الخاص _
وغيرها كثيييييييييييييير)
احيانا الصفحه الاولى من القسم تحزن القى فيها 5 مواضيع
اجازه..اجازه..اجازه....:eek:
هذا وانا مابعد قلبت الصفحه الثانيه .
ب - الخبر اللي بنزله له مصدر ؟؟
لو بدون مصيره يتقفل او ينحذف .
لا تستعجلين ولا تنقلون من مصادر غير موثوقه وكلام ناس..
مثل خبر ( مكرمه كذا لكل مواطن..؟؟)
والمشكله بالبنات اللي يتفاعلون ويصدقون ؟؟
ياختي الملك اعلن وشي المكرمات وانت سمعتيها أي شي زياده يسمى اشاعة.
خامسا اسئله متكرره
ومالها داعي وللمعلوميه المنتدى مخصص قسم للاسئله هذي
اللي هو قسم الشكاوي والمشاكل التقنيه..عندك استفسار عن
( ليش البحث ملغي _ ليش اعلان الحرمه ام كرشه يطلع _
المنتدى يعلق....وغيرها )
اركضي لقسم المقترحات والشكاوي اسئلي والله يجاوبون على طول .
سادسا كلام ينسب لبعض العلماء
قال الشيخ الفلاني كذا وكذا ؟؟
وبعد كم يوم يطلع المسكين وينفي انه قال الكلام ؟؟
والا معلومات عن يوم القيامه غير صحيحه ؟؟
او تكتب احاديث ضعيفه او مكذوبه ؟؟ ترى الموضوع خطير واشوف انه منتشر
ادري انك ماتقصدين ...
بس ياليت ننتبه عند نقل أي موضوع لازم نتأكد من صحته.
سابعا الشك ان العضوه شيعيه ؟؟؟
طيب على أي اساس حكمتي ؟؟ وهل متأكده ؟؟
بغض النظر عن كرهنا لهم ،،
انت بشكك هذا تأثمين وتحاسبين امام الله ...
والسبب انك اتهمتي وحده ؟؟
لو شكيتي لاتكتبين بموضوعها وينقلب كل الموضوع استهزاء
بالبنت وكلام ماله داعي..؟
روحي بلغي المشرفات عن طريق مشاركه سيئه..وهم اعرف.
في موضوع قريته وتقريبا كان عندي شك كبير انها شيعيه؟؟
بلغت عن طريق مشاركه سيئه ولا قلت اني شاكه ،،
لاني خفت احط بذمتي شي ؟؟
بعدين الموضوع حذف مباشره .
في النهايه ادري بيجيني اليوم تسونامي
وفياضانات من بعضكم ؛؛؛ :angry2:
بس اللهم اجعل العواقب سليمه .
:26:احبكم واتمنى لكم التوفيق :26:
بــــــــــدون اي تردد الان الان الااااااااااان قومي صليها.......ارجوك لاتقولين بعد شوي لاتحرمين نفسك الاجر
وتكفين اذا سجدتي لاتنسين اختك رونه من دعائك ارجوك