يقولون تخاف من العين

ياعمري لاتضيقين صدرك صحيح امك اسلوبها غلط وام الجيران بعد انا اكره الناس اللي تفكر بالطريقه البشعه وسؤ الظن في الناس خلاص بنتك تزوجت والحمد لله لازم ماتجرحين احد بزواجها وكل وحده بيجيها نصيبها اذا خايفه من الناس حصني بنتك بس لاتجرحين الناس وامك موقصدها ابدا تجرحك وبعدين ياقلبي سن 30 مو خلاص نهاية العالم الحين الشباب يطلبون الناضجه مو المراهقه والشباب ماعاد يتزوجون بدري وبيجيك نصيبك ولاتخلين احد يجرحك وانجحي في حياتك موكل شي زواج وعيال وبالتوفيق ياقلبي تقبلي مروري.

مرحبا اختي ..
اول شي انتي مو كبيره ومو الي خلاص وصلت الـ 30 عنسة لا بلعكس هذاء العمر المناسب لزواج...
وبعدين انتي تقولين انه اخذة واحد عطالي ومو متعلم هذاء مو عيب الرجل والبنت يبغون الستر ومو مهم المال و العلم .. الرسول صلى الله عليه وسلم قال: من جائكم ترضونه دين وخلق فزوجوه..
واحس كلام امك عادي وما فيه شي هي معتبرته كلام عادي وجايه تقولك..
واسمحيل هذي وجهة نظر
والله يرزقك يارب الرجل الي يسعدك ويهنيك يارب عاجل غير اجل..امييييييييييييييييين.. :)

وسعي صدرك يابنتي لا تزعلين من امك لانها حبت توصلك شي مضايقها قبلك من ام الجيران ما قصدها تجرحك اكيد تبغى توصلك الكلام الل مضايقها بس ما عرفت كيف وشوفي انا ام واعرف ان الام مستحيل تجرح بناتها واولادها لو اعماركم بالخمسين مو 30
ما جبناكم إلا وحنا بنتحمل كل شي علشانكم الله يوفقك ويرزقك بإبن الحلال اللي يخاف الله فيك ياقلبي

نفس الموقف صار لي من ابوي وامي كانت عندنا بنت في العائلة كبري تملكت ماشاء الله وابوي قال لامي دقي باركي لامها لايقولون غايره
وجت امي وقالت لي السالفه هي تحسبها عادي من باب السواليف طرحت الموضوع وانا ضاق صدري تدرين ليش لاني شلت همهم كل ماتزوجت وحده في العائله اخاف يتحسسون من المووضوع
قبل اشيل هم نفسي الحين صرت اشيل همهم
الله يفرجها من عنده لي ولك ولكل مسلمه في القريب العاجل يارب

لا تكونين حساسة ولا تخلين علاقتك بأمك تتأثر بخصوص هذا الموضوع وأنا مقدرة مشاعرك والله يرزقك ولا تزعلين من الصراحة والحقيقة




اللهم أغفر لأمي وارحمها وجميع المسلمين الأموات والأحياء استغفر الله لا إله إلا الله