يقولون زوجك خطب خ

السلام عليكم ورحمة الله وبركاته 
الله لا يحرمني منكم أخواتي ابي أستشيركم بموضوع ضيق
صدري ابي تقولولي كيف أتصرف؟
 قبل كم يوم كنت عند اهل زوجي وماكان في غير أم زوجي كانت اتسولف وجابت طاري طليق بنتها انو خطب بنت موظفه من جماعتنا وانو عشان فلوسها علما انو متزوج بعد ماطلق بنتها اللي هي حماتي وان البنت وامها رفضو انا ماتفاجأت وعادي الموضوع لان حتى حماتي المطلقه تزوجت بس اللي دمرني اني امبارح رحت لاهلي وقابلتني وحده من قريباتي وقالت بسالك بس انا مو متاكده من الخبر قلت شنو قالت وحده قالت لي ان زوجك خطب فلانه وان الواسطه اخته وانهم رفضوه /يعني نفس البنت الموظفه خطبه زوجي والواسطه اخته اللي كانت مطلقه/ انا لحظتها الله لايوريكم كان برود العالم صابني قلت أشاعه وسكتت لما روحت بيتي جلست أصيح اصيح لين انهد حيلي من الصياح كيف ومتى وليه ماكان زوجي بالبيت واتعمدت انام قبل يجي والله مو نوم كثر ماهو تعب واعياء من كثر البكاء 
طول وقتي اقول اشاعه اكيد كذب لان ماحسيت بتغير بزوجي من ناحيتي ولا حسيت بشي غريب 
قريبتي قالت انا بسال ام البنت بنفسها لانها صديقتها وتبي تتاكد لي انا قلت علميني حتى انا بتاكد 
الحين انا ضايقه فيني وتعبني التفكير معقوله صحيح؟
وليه؟ومتى؟وايش بيكون موقفي منه اذا قبل أشوي صحي لدوام ماقدرت اطالع بوجهه ولا حتى اكلمه بنفس احس اني كارهته هذا والكلام مو متاكد منه شلون لو يطلع صدق شنو يصير فيني 
بنات خواتي قسم بالله احس اني تايهه ادعي بقلبي اقول يارب يكون كذب واقدر انسى ومرات اقول لو يطلع صدق لاقلب الدنيا فوق راسه وافوق راس اخته ومرات اقول بترك له البيت واعياله وخله يربيهم 
انا بدوامه حتى ماقدر اكون طبيعيه معاه 
انا قلت لاختى بساله بنفسه قالت انتبهي تساليه يمكن أشاعه ويوم تساليه يحط البنت براسه او ان الموضوع صدق وينفهر انك دريتي انهم رفضوه فيصر على غيرها عشان كبريائه قالت بنتاكد من غيره بس انا وش يصبرني كل وحده تحط نفسها بمكاني اشلون تتصرف؟