يقولون عجوز وما ينشره عليها وانا اقول فوقها رب ما ينسى

السلام عليكم ورحمة الله وبركاته ........
بنات بدخل بالموضوع على طول مع العلم ان مواضيعي عن المشاكل قله بسبب كبر الهم بقلبي فانتم اخواتي العطوفات والرقيقات ومرهفات الحس فأكيد راح تنصحوني وتفهموني :)
الموضوع ان فيه مشكله صايره بالعيله وطبعا الكل عارف ان اذا دخلو فيها الحريم وانتشر الخبر راح يصير مونتاج واخراج وتأليف وحفظ الحقوق المهم يا طويلات العمر كل من شافني احد من العيله حذف علي من هالكلام اللي ماله امه داعي ورا فلان سوا كذا وليش

ورا ما تفهمونه وانتو وين بتلقون مثل فلانه وغيره من هالكلام اللي انتو خابرينه الموضوع ان صار حدث سعيد بأحد العوائل الكريمه وعلاقتي معاهم سطحيه جدا من اهل مرة عمي بعد اصرار من ام زوجي اني ادق وابارك كلمتها وباركت لها الا هاتي هالكلام اللي يضيق الصدر ورا فلان ما تعقلونه وراه ما تفهمونه ورا ورا وجدام وفوق وتحت انا ولعت من القهر قلت لها مو كل شي ينقال يتصدق بس اللي حز بخاطري اني كنت مقهوره وما قدرت ارد عليها مثل مستواها واردها عن اللي تقوله كرامه لام زوجي لانها كانت تهدي فيني وتقولي استحملي وانا اعرف روحي اذا عصبت واحد غلط على قرايبي اولع وانسى نفسي وسكرت السماعه ولين يومكم اقعد اكلم نفسي والوم روحي ليش كنت سلبيه وليش ما دافعت عن فلان والله لا يوريكم هالافكار خصوصا قبل النوم :(........

الموضوع اللي حبيت اقولكم عنه ليش كبار السن يتفلسفون ويجرحون ويضايقون بكلامهم ولمن تردين عليهم قالو هذي قليلة حيه ومو متربيه وطلعت عليك الاشاعات دام هي ما ترضى على نفسها وعلى قرايبها ليه ترضاه لغيرها لهدرجه ما تقدر تمسك لسانها ونست ان ربها بيحاسبها على كلامها ؟؟؟؟؟؟؟؟؟

ملاحظه : اكيد في بنات بيقولون هذي حرمه كبيره وما ينشره عليها اوكي بس ليش احنا نجاريهم ونتعذر لهم ونخليهم يتمادون في اذية خلق الله ليش ما ننصحهم ونقلهم ان هذا خطأ عيب وفوق هذا تتكلم وهي ما تعرف شنو السالفه بس تجرحك بالكلام وين مخافة الله اذا احنا نحترم الكبير مو المفروض والواجب العطف على الصغير ؟؟؟؟؟؟؟؟؟؟؟؟

انتظر ردودكم؟؟؟؟؟؟؟؟؟