يقولي ارغب بالتعدد

https://www.hawaaworld.com/%D8...
هذا رابط موضوعي السابق عشان لي مايعرفون مشكلتي
انا من ثاني يوم تركت له البيت ونفسي عافته خلاص
انسان ما اقدر اعيش معاه
انا لي قاهرني هي زواجته الثانية لي مالها مبرر اصلا
هو الحين مايبغى يطلقني ابدا وعن موضوع زواجه من المطلقة يقول السبب انه يرغب ب اكثر من زوجة ويرغب انه يعدد
وانا مثل ماقلت راتبه على قده ووضعه المادي صعب وغارق بالديون حتى فلوس زواجته هذي تسلفها من اخته
وماخذ ابوي مثال له بالتعدد
انا واهلي مصممين على الطلاااق مافي حل ثاني
انا وش جابرني يعني اصير ضرة
وطباعه سيئة معاي كلها اهانات وتجريح
الحين زودها علي اخوي الله يهديه مايتفاهم بس صرااخ وهواش معاه عشانه ضايق صدره علي
اليوم تهاوش معاه على الجوال وغسله غسيل وشتائم وانت كلب وانت تافه وذاك ساكت ورجع لي مسح بكرامتي الارض وهددني اني اذا رجعت له مارح يكلمني طول حياته
وابوي ماعنده حل غير انه قال اذا شفته الله لايلوم لي يلومني لان ابوي من اساسه مو طايقه ولا يواطنه
تكلمت معاه قام عصب علي وهزئني وشوي بيضربني وصار يبغى يجرني للمحكمة ارفع قضية خلع على زوجي
والله توترت نفسيتي حتى دوام مالي نفس اداوم
انا ابغى اتطلق وذاك مايبغى والخلع ما ابغاه احسه مو كويس لي انهم يقولون علي خلعت زوجها
لو في احد يعطيني نصيحة تبرد قلبي لاني عايشة انواع القلق النفسي