يقولي انا مو ولد تتحكمين فيه

السلام عليكم خواتي
لي ثلاث وعشرين سنه متزوجه وعندي عيال وبنات وحياتي ماشيه يوم صد ورد على اشياء بسيطه لكن الحمدلله ماعمري نمت مكدره والا ضايق صدري من زوجي بالعكس حنون وكريم ومتفاهم ومسلمني زمام امور بيتي سفراتنا بداخل المملكه اهلي واهله ولنا تخطيط انه بعد ين تزين اوضاعنا ونسافر انا وياه لبرا لحالنا كل من حولنا يسافر ويقطع الديار ماشاء الله الله يزيدهم ماعمري قلت ابغا مثل فلانه ولاعلانه لاني عندي ثقه بربي انه بتمر هالايام ونخلص بيتنا ويرزقنا ونروح انا وياه نستانس من شهر وهو بالديره اللي يبني فيها كلمني مبسوط وفرحان يبغا يبشرني انه واحد من خوياه بيسافر لامريكا وانه يحتاج مرافق معه لمده اسبوع محفول مكفول بدون مايدفع ولاريال بس شنطة ملابسه وكلم عياله يسالم وش يبغون من هناك هدايا انا زي علي الخبر مثل المويه الحاره اللي شبت فيني نار من حقي اغار ومن حقي انقهر ومن حقي ازعل واقول ليه الان وانا مااحب انك تسافر وحدك حنا متواعدين نسافر سوا وهاذا حلمنا عمره ماغلط علي ولازعلني لما شافني اعترض انفجر فيني انا مو ولد عندك تتحكمين فيه ومو عشان طول السنين جالس جنبك ماسافرت معناته اني ماراح اسافر واذا انتي مو واثقه فيني وخايفه اني اسوي شي هاذي مشكلتك مو مشكلتي لانك المفروض عارفتني طول هالسنين وعارفه ان هاذا مو طريقي ولا اسلوبي كلامه اوجعني لانه فسره تحكم مو حب وغيره وفسره اني شاكه فيه من حقي اغار انا انسان مو جماد واللي بيننا يجعل لي الحق اني اغار مرات اقول انتي مزودتها مرات اقول المفروض اعطيه مساحه طيب وش اسوي عشان اهون علي سفرته واصرفها من راسي خوف من كل شي يدور حوالين راسي خوف من انه يتعود سفرات الخويا خوف انه يصير يتعمد تركي عشان يثبت انه مو ولد جالسه اتحكم فيه حاسه بنار في جوفي ماني عارفه ابردهل