يقول أنه ملتزم ..... ولكن !!!!!!!

السلام عليكم يابنات
جاني شخص يبغا يتزوج
وانا الآن عندي ظرف قلت اغتنم الفرصة نتكلم رسايل بإحترام اعرف عنه شوي قبل لايصير شي رسمي
هذا يا سيدي قال انا ملتزم وانا مشهور وانا بصير داعية تفتخرين فيني
الأخ مطلق وعنده اربع عيال مخليهم ب الشمال وساكن وحده بمكه في فندق
حتى شغله مو باين يقول تجاره بسيطة في مدينة من المدن وأروح بس اخلص حسابات كل كم يوم واذا تزوجنا بستأجرلك بيت
يلا ماعلينا بحثت عن حسابه هذا اللي يقول مشهور تخيلو عنده بس ثلاث آلاف متابع المشاهدات ماتتعدى خمسة او ست مشاهدات يعني بإختصار عايش دور مو دوره
دخلت اشوف محتواه ألقاه يقلد بس مو هذاك اللي تحسينه صدق ملتزم مثلا يشوف فيديو لشيخ ثاني ينقل نفس الكلام وخلاص ...
بعدين فهمت انه بيروح موريتانيا يطلب العلم قلتله انا العلم كله ماشاء الله في بلاد الحرمين وش تبغا بموريتانيا ... ماجاوبني إلا والشيخ اللي رايح يدرس عنده غريب ومثير للجدل ولما جيت اتناقش معاه مااعطاني مجال ..كل ماأسأله شيء مهم يقول مو وقته
سألته عن سبب الانفصال قال تسمع اغاني مااتفقنا انا مااقتنعت بس مابينتله
تخيلو كلامه معي كله غزل يا عيوني يالبيه يا قلبي ... يعني اللي ملتزم وطلق زوجته عشان الاغاني يجي ليا انا يصير يغازلني ؟
كل ماجيت اقوله نتكلم باحترام يقولي اسلوبك مايناسبني وكل واحد فطريق يعني كلمة الفراق عنده سهله جدا .... والصفة دي بالذات خلتني أعيد التفكير وأنسحب
طيب يابنات معرفتي له كلها كم يوم انا عمري 30 سنة وهو 42 وانا موظفه وبعيدة عنه يعني يستاهل اترك وظيفتي وحياتي عشانه وبعدين ارجع ايد ورا وايد قدام ؟ اللي هانت عليه عشرة أم اربع عيال ماأظن يكون مصيري أحسن منها