mim000 @mim000

محررة فضية

يقول : اللهم ضاعف لها العذاب ضعفين مثل ماعذبتني / بايش عذبته ؟؟ ادخلي وتعرفي !!

في يوم من الأيام قابلت زميلتي (س . ع) وهي ترتدي عباءة سوداء من القماش الثقيل وفضفاضه

تفاجئت في الوهلة الأولى لأني لم اعهد زميلتي من قبل بهذا الأحترام...

فقدكانت تلبس العباءة المخصرة المطرزه التي توحي للناظر بأنها فستان..

وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه

بعد حديث مطول بيني وبينها سألتني:ـ

باين عليك انك مستغربة من عباتي لأن مو بالعاده اللبس كذا !!

اجبتها : بصراحه ايه بس ماحبيت اسألك

ابتسمت في وجهي قائله: الحمدلله الي هداني الى طريق الصح

والله يوفق ويصلح اللي كان السبب

- أي سبب؟؟؟؟

اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت

والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم
وانا اتمشى بالمجمع لاحظت ان شاب قاعد يراقبني بنظراته ...وبعد

- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني

- ايه وبعدين وش صاااااار!!!!!

بعد ماوصلنا مكان شبه معزول بس كان فيه ناس وقفني وقال لي:ـ

حرام عليك اللي تسويه فيني .تبغيني ارتكب الحرام غصب

انا انصدمت من كلامه وقلت له: وش تقصد؟؟

قال:انتي موشايفه شكلك مو شايفه عبايتك مو شايفه مشيتك... والله حرام عليكم تلفتون انتباهنا وتخلونا نرتكب الحرام

بعدين رفع ايده للسما وقال:

يارب ضاعف لها العذاب ضعفين مثل ماعذبتني وعذبت غيري

وبعدها رجعت البيت وانا افكر في كلامه ... طول عمري اتزين واتمكيج ..

بس كنت اتوقع اني بحمل سيئات نفسي مو سيئات كل شخص الفت انتباهه..

يعني اذا لفت انتباه 100 شاب بكره يوم القيامه ربي بحاسبني عليهم اكثر مما يحاسبني على نفسي

وقعدت ابكي وابكي وابكي واستغفر ربي على جهلي وقررت اني اللتزم بعباية اسلامية محترمه واغطي وجهي عسى الله ان يغفر لي ذنوبي

فلا تجعلي عبائتك وحشمتك حجه عليك يوم القيامه

دعونا جميعاً نتمسك بالعباءة الاسلاميه ولنفتخر جميعنا بخلووو عبائتنا من الألوان والزينه

*** سالفة ثانيه :

واحد من الشباب يقول اني ما أحب أروح السووق خاصة بهالأيام من شئ اشوفه من البنااااااااااااااااااااات

وأحياناً أروح غصب عني مع أهلي ووالله اني قدما أقدر احاول اغض بصري واتصدد واتعارك مع ابليس .. ويحلف بالله ..

واللـــــــــــــــــــــــــه_ مع كل محاولاتي_ ان طلعتي هذي تأثر علي 5 ايام .. ماأقدر أصلي فيها زي اول ..

ولا أصوم مثل أول ..

(( هذا وهو ملتزم وعنده رادع ديني .. اجل كيف اللي مطلق لنفسه العنان؟!!!))

حراااااااااااااااااااااااااااا اااااااااااااااااام عليكم يابنات تراك مسؤؤله عن كل رجال يشوفك(يشوف وجهك...عيونك..يدينك) بدايةً من السواق الى الهندي والبنقالي ..واصحاب المحلات اللبنانيين وغيرهم .. الى المتسوقين .. ..

حتى لو كانت عيونك مووب ذاك الزود

لا تقولين عيوني ميب زينه ليش اغطيها ؟؟

لاتقولين ماحطيت كحل ولا شادو ليش اغطيها من زينها

كل هذا تلبيسسسسس ابليييس احذري منه

والله يوم القيامه بتتعلق برقبتك أُمـــــــــه من الناس كلهم يقولون:

يارب هي اللي فتنتنا .. يارب هي السبب.. وانتي هذاك الوقت محتاجة حسنه وحده ..

والله اللي ماتخاف بالدنيا .. بتخاف بالآخره..

وبعدين ذنوبنا اكثر من اننا نتحمل ذنوب خلق الله..

حتى في الدوامات يتكشخون ويتعطرون اختلاط وابتلاءات تفتن خلق الله
والله عيب ويقولون كشخه ومدري وشو:09:

عباءة كتف أصبحت موضة الفتاة تخرج للتمشى أو للسوق أو إلى أي مكان

وهي للأسف تلبس عباءة كتف مخصرة فوقها جاكيت ملون ( أين الغيرة يا فتاة الإسلام) والجاكيت مخصر عذرها البرد تريدالدفئ

وسيأتي يوم ستتمنى برد الدنيا على حر الآخرة

تكفوووووووون يابنات خلونا قويات .. خلونا نصير أقوى..

وتذكروا من تــــــــــرك شيئاً للـــــــه .. عوضه الله خيراً منه

وعاد مايحتاج نتكلم عن التعويض اللي بيجيك من الكريــــم ..

811

يلزم عليك تسجيل الدخول أولًا لكتابة تعليق.

تسجيل دخول

ندوش الحلوة111 • 14 سنة

الله يجزاك الجنة والله كلامك رائع ولكن لاحياة لمن تنادي

زوجةالامام • 14 سنة

ندوش الحلوة111 :

الله يجزاك الجنة والله كلامك رائع ولكن لاحياة لمن تنادي

الله يجزاك الجنة والله كلامك رائع ولكن لاحياة لمن تنادي

اللهم جملنا بالحجاب
لاحول ولاقوه الابالله

خالة هنوده • 14 سنة

رائـــــــــــــــــــــــــــــــــــــــــــــــــــــــــعـــــــــــــــــــــــــــــــــــــــــــــــــــــــــــــــه
كلامك مؤثر جدآ آثرتي فيني ومن اليوم اغطي عيوني

mim000 • 14 سنة

اشكر مروركم الكريم ...

خالة هنودة .. الصراحة احلى خبر سمعته .. الله يثبتك يارب ويكتب لك الاجر ويعوضك خير يارب

ألماسه... • 14 سنة

كلام رائع وجميل الله يجعله في موازيين حسناتك يارب
وان شاء الله ربي يهدي الجميع يارب ......