لاتطلبين طلاق الحين لانك حامل وعلى وجه ولاده ان شاءالله الله يهون عليك يمكن يشوف ولده يتحمل المسؤليه ويتغير خلاص عطيه هالفرصه علشان نفسك واللي في بطنك وشوفي يتعدل والا استخيري في امرك الحين اجلسي عند اهلك الين ماتولدين بالسلامه ان شاءالله و اذا جا يشوف ولده وطلب رجعتك ارجعي بس قبل الرجعه تكلمي معه واشترطي عليه يتعدل طبعا باسلوب هادي

ادعي ان ربي يشغله بنفسه وانا اشوف الافضل ان تتحملي لين مايكبر طفلك سنتين وانفصلي يعني حطي بالك انه مايهمك وانك عايشه على البيبي الي يجيك ورب الكعبه ليملا ء طفلك حياتك والفراغ وبتنبسطين وماراح تقدرين تتخلين عنه حتى زوجك راح يتعلق بالطفل الي بيجي ويمكن الطفل هو الي بيرجع زوجك لك واذا على السب الي جاك من زوجك انا زوجي احسن منه في كل شي واصغر منه ويسبني وينتقص مني ولا همني فيه وبعدين رجال السعوديه رومنسيين مره كلامهم يقطر عسل ولا يحبون السوالف مصدقه هههههههههههههه

انا اشوف انك تصبرين لين تولدين وتخيلي انه مو موجود بحياتك يعني عيشي حياتك وخليه اااااخر اهتماماتك يعني طنشييييه جا راح نام قام
اتركيه هالفتره وحاولي تبسطين نفسك باي شي حاولي تبينين انك مبسوطه بدونه هو راح ينصدم منك ويتغير عليك بشوي شوي لانه عموما الرجال مايحبوون الاالحرمه الغامضة واللي تحب نفسها يعني لاحاولتي انك تدلعين نفسك راح يتاثر وبعد مايحبون اللي تسالهم وينك ولييه وبس تتشكى .
باذن الله راح يتغير بس يبي لك صبر الله يعينك ويطمن بالك يااااااااااااااارب

اختي الحبيبه قصتك جعلت دموعي تنزل من عيوني بحرقه وقهر وانا ساخبرك بقصتي عسى تفيدك زوجي الاول اقصدطليقي نفس زوجك والله كانك تتكلمي عنه وهو ابن عمي واهله ظلموني معه وكان يسافر ويخرج للخارج ولاكان يعبرني اويحسسني بوجوده وجبت منه ولد وهوالشعره الي قصمت ظهر البعير بعدالطلاق تقدموالي الخطاب والله قبل اخلص العده وتزوجت من رجل ملتزم واخذواولدي مني ومن هذاك اليوم الى اليوم ماطعمت طعم السعاده لبعد ولدي عني ولان ابوه مهمل وعمته شديده وهو دايم يقول لي ليه يامامه تخليني والله يعلم كم حاولت ماطلب الطلاق واصبر لاكن امه حسبي الله عليهارغم انهاتعرف ولدها وتشوف اهماله لناحلفت ان يتزوج وتزوج وانامثل حالتك واسوى المهم زوجي الثاني مايخرج الاللعمل ومحافظ على الصلاه ولايدخن ولايسافر بس ااااااااااااااااااااه ياحبيبتي لوتعرفين كم تمنيت اني جلست مع ولدي لوفي غرفه ولاتزوجت الزوج الملتزم محددوقت للاتصالات وحارمني من كل مااحب ومااشوف اهلي في السنه الااسبوعين وينكدعليه فيهاورفض وظيفه حكوميه بتغنيني عن مصروفه الي مايكفي لكل احتياجاتي وحرمني من الاسواق النسائيه والاسواق العامه اروح في السنه حسنه للضروره ولازم ينكد علي والله ماينزلني الابمشاكل وغيره زايده عن حدهالدرجة لاتكلميني في السوق لايسمعك احدنزلي نقابك في الليل المظلم في السياره والشارع فاضي واي كلمه مايقبلهامني وتحكام حتى جاراتي روحي الساعه كذاارجعي الساعه كذاوانابعيدعن اهلي مافي الرياض حد اعرفه تصدقين حتى بيتي مالي اي كلمه فيه ولده من زوجته الاولى وبنته يفرضون رايهم علي حتى بنتي منه مايبين اتدخل فيهاويبيهاتفرض رايهاعلي والله اني محرومه من التصرف في بنتي لايخليني اشتري لهااواقص حتى شعرها تصدقين حتى مفاتيح البيت الداخليه ماخذها وغير انه يصلح من كل كلمه مشكله وينفخ علي ولمايزورني ولدي ينافخ ويحرق قلبي على ولدي يتحكم فيه ويكسر خاطره وغيرهاذاكله الكلام الجارح والتهديدبالطلاق وبالزواج علي ووالله اني ندمت كل لحظه على طلب الطلاق مع ان الاول اسوى من الي عندك بس ارجوك خلي ابوك يرجعك لبيتك وصبري والورده الي بينكم بنت اوولد لاتحرميها من الحياه بين امهاوابوهاوالله ان تندمي لان قرب طفلك منك يساوي الدنيا ومافيها لو ماكنتي حامل كان قلت لك تطلقي احسن لك لاكن خلاص اصبري واكثيري الاستغفار والتهجد والدعاء وانظري لمن هو اسوى منك اناكنت انظر لاخواتي وقريباتي كانواافضل مني بس يقول المثل اصبر على قردك لاياجيك اقرد منه وكثييييييييير مثلك ارجواك مره ثانيه ارجعي بيتك ولاتصلحي اي مشاكل معه وصدقيني بياجي يوم ويتغير مافيه احد يجلس على حاله لاتنسيني من دعائك واسال الله العظيم بين الاذان والاقامه بلااله الاالله ان يصلح حالك ويسخر لك زوجك ولناولجميع المسلمات امييييييييييييييييين

استخيري ياقلبي
والله يكون بعونك ويكتبلك مافيه خير لك