وافــيه @oafyh_2

عضوة جديدة

يقول زوجي لو اني متزوج أبديه كان احسن

بنات وش رايكم بالزوج اللي يفضل اهله على مرته ويقوله انتي تثرين المشاكل والفتن علشان بين على اني متضايقه من تصرفات خواته وعدم توفير خصوصيه لي اجل لو اطلع للي بخاطري وش يبي يسوي فعلا ان اللي فاقد الشي لا يعطيه وهو ما قادر حتي يتحكم او ينظم بيته, لما بين على عدم الراحه للوضع قال لو اني متزوج ابدويه كان احسن ترضا باللي يجيله حتي لو تسكنه بصندقه رضيت تكفون فهموه وشلون يعيشن بنات الناس لما الواحد يتزوج وش يوفر لزوجته وش الشرع فرض وامر انا ماطلبت اني اطلع عنهم لاني ابيهم بس كل واحد وله شانه وحدوده بينو وش لبنات الناس
احكي لكم واقعي انا متزوجه لي سنتين وعندي بنت قبل زواجنا بسنه استاجر زوجي بيت دور ثاني طبعا البيت مشترك بين وبين خالتي(حماتي ) وانا اتم الرضاء لكن المشكله بخواته انهن عليهن تصرفات تتعدا حدود الخصوصيه انا مااتواجد بيتي الابوقت العطل بحكم دوامي عند الاهلي من تبدا العطله يشرفن وعلى العين والسعه واللي مايكرم ضيفه مابه خير بيته وانا احب اني اضيف واكرم لكن ماهو طول العطله هن معتبرات البيت بيت امهن لو اعترض على تصرف معين قالن هذا بيت امنا واحنا المتصرفات المعترضات على اسلوب البيت وزوجي تارك الدار لغير اهل الدار واللي يحوس يحوس واللي يامر و بديت اتضايق البيت فوضاء لااتهنا بنوم ولا بجلسه حتي اهلي ماقدر اعزمهم ان قلت تعالو قلو لين مايكون عندك احد لا صديقات اقدر اجلس معهن الابرا البيت اموري وكلامي وتصرفاتي اللقاه منقوله بر البيت لقرايبهم حتى لبسي شرشحون عنده درا البعيد القريب قالو ماتستحي تلبس عندنا هالبس لو تدرون وش اللبس بجامات وبناطيل على بالهم لبسه قصير ولا مشخلع يرحم الحال واشيا كثيرمراح اذكرها احترامن له لعشان راح يطلع على الموضوع والله حتى زوجات اخوانهم الكبار تضايقو منهم ياما حذرون منهم بس ماتعض قمت بواجبهم واحترمتهم واحترمت اضغر واحد فيهم ماقد ضايقت احد او رفعت صوتي على احد وهو شايف وعارف
ومع ذلك صابره علشانه وعلشان مايتضيقون مني لاني مابي اخسرهم بامكاني اني اكلم اهلي يتدخلون بالموضوع لكن مابي اخسر احد و الذي لالله الاهو اني ابيهم وهم مثل اهلي لكن اذا الوحده منا اذا تزوجت تحب انه يكون له خصوصيه واتهنا بداية زوجي بالبت والزوج وهن فاهمات ومتزوجات لكن فيهم الانانيه طاغيه على تصرفاتهم وانا مالمهن لانهن تربوا على هالشي بس انا مابيي اخسر احد فهموه هل انا قصرت باهله او اغلط لما تضايقت على اساس انه يحس وتحرك عطوه حل مع ان الحل موجود انه يغير البيت يكون مشترك وهم منقسم لهم شانهم وانا لي شاني واحنا قريبين عند بعض وكذا نكون حلون واكسبهم ولا يحددون على احد من حريم اخوانهم وانا راضيه اني اكون معهم بس يكون لي شاني والله راح يعرف معنا الراحه

يلزم عليك تسجيل الدخول أولًا لكتابة تعليق.

تسجيل دخول

اميرة القوافي • 18 سنة

حبيبتي انتي من الاول رضيتي تسكنين مهم يعني مجبوره تتحملين لحد ماتطلعون لبيت لحالكم
زوجك مايبي يزعل اهله ومايبي بكره يقولون مرته اللي متحكمه ببيت امي
حبيبتي تحملي اذا بالعطله بس والعطله ماهي طويله
والله يعينك

الواثقة من نفسها • 18 سنة

اولا حبيبتي عندي ملاحظة صغيرة
وتعقيب على كلمة البدوية احس ان زوجك
اخذ فكرة غلط
اما مشكلة السكن ماوضحتي هل مستمر الوضع
او مؤقت الى ان تسكنون ببيت مستقل
عموما نسبة كبيرة من المتزوجات يشتكين
من السكن والحمولة
لكن اهم شئ لابد ان تركزي علية هو رضى زوجك
فاينما وجدت موضع لرضاة اسلكية ولاتترددي
لانه بالنهاية سيسكنك بمنزل لكن تصرفاتك مع اهلة ستكون
شهادتك بالمستقبل ان احسنتِ التصرف كان لك الاعتزاز
وأن أسأتِ كان العكس والله يعينك

wteen** • 18 سنة

طيب قولي له خذ شقتين بنجب بعض وحده لامه ووحده لكم وتكون هالشقة مفتوحه على بعض عشان امه ما تكون لوحدها واذا جوا اخواته عند امهم تقدرين تقفلين شقتك انت وتفضل شقة امهم مفتوحه وكذا تكون لك خصوصيتك وفي نفس الوقت امه معاكم وما تختلفين انتي واخواته على شي

ينابيع الحياة • 18 سنة

لا كل وحده لها خصوصياتها وبيتها
والدنيا حدود
للاهل حد وللزوجه حد
والرجل الفاهم يعرف حدود مرته وحدود خواته عليها
الام على العين والراس بس الاخوات مالهم حق ابد
وراحت المره من راحت زوجها يعني لو ريحها راح يرتاح
وخصوصا انك ماتشوفينه الى في العطل يمكن تحبين تسوين حركة في البيت جو مايصير اذا احد معك بالبيت وش بتسوين؟
بعدين المره وزوجها حره اشماتلبس كيييييييييفها

وافــيه • 18 سنة

اميرة القوافي :

حبيبتي انتي من الاول رضيتي تسكنين مهم يعني مجبوره تتحملين لحد ماتطلعون لبيت لحالكم زوجك مايبي يزعل اهله ومايبي بكره يقولون مرته اللي متحكمه ببيت امي حبيبتي تحملي اذا بالعطله بس والعطله ماهي طويله والله يعينك

حبيبتي انتي من الاول رضيتي تسكنين مهم يعني مجبوره تتحملين لحد ماتطلعون لبيت لحالكم زوجك مايبي...

انا رضيت على اساس كلن له شقه لحال وحتى امي لما جت تشوف البيت قالت كلن حاط له الشقه مفتوحات على بعض وانا ماسكنت عندهم البيت بيته وخالتي ساكنه عنده وهي شبه المتصرف الاساسي وهذا من حقه على ولده وانا اداريه بس المشكله بناته لما يجن يعتبرن البيت بيت امهن وانا مجرد زوجت اخ لي غرفه بيتي وما لي حق اعترض تخيلو انا احد يقولك مالك شغل هذا بيت امنا وانتي بيتك وين الاحترام وين العقل وزوجي يقولي سوي اللي تبين هذابيتك احترت والله بينهم ومع ذالك مازعلت ورضيت بس الوضع زاد عند حده وانا مابي احد يزعل او هو يزعل اهل