السلام عليكم

اول شي الله يعينج اختي ويفك كربتج ويشرح صدرج قولي امين

شوفي يالغاليه

اول شي مو انتي الوحيده الي تزوجت صغيره وجابت عيال وانضغطت

انا ماشاء الله تبارك الله تزوجت وانا عمري 18 والحين عمري 23 عندي 3 اطفال ربي يحفظهم

لكن انتي غلطتج انج دفنتي نفسج لبيتج وعيالج ... انا الحمدلله كملت دراستي تكون لي سند لو ضاقت الظروف

شوفي اختي

انتي الحين تقولين انه مبتعد عنج وانتي حاولتي بكل الطرق

انا بقولج صح هو مب طبيعي وفي إن فالموضوع ... لكن في نوعيه من الرجال مايجون بالحنه والرنه والملاحق

اتركيه ... سوي شغلج فالبيت من طبخ وغسيل وجهزي له اغراضه ... بس طناااااااااااااش

خليه اخر همج ... اطلعي اكشخي لا تقطعين الناس ولا تحرمين نفسج من شي

دراستج ضرووووري تكملينها هي اهم شي .. وحاولي فيه يجيب لج شغاله

وحسيت انج متحسفه لانج استعجلتي على الاطفال ... اولا احمدي الله واشكريه ولا عاد تعيدين مثل هالكلام

بعدين يغضب عليج ربي ويزيل هالنعمه من يدج ... ادعيلهم بالصلاح والهدايه وان ربي يعوضج فيهم خير

ثاني شي .... احسنلج تجيبين عيالج وانتي صغيره تكبرينهم ويصيرون مثل ربعج اذا كبرتي

عيل هذيل الي يجيبون عيال فالثلاثينات مساكين ... لما عيالهم يدخلون العشرين قد هم قربوا من الستين

ماتوقع ان هذا الشي حلو .. حلاته عيالي اجيبهم وانا اصغيره واكبرهم معاي ...

عالعموم نصيحتي لج اهتمي في نفسج وطنشيه اخر تطنيييش وبتشوفين ان هو الي بيجيج يركض وراج


والسموحه عالاطاله

طنشيه وشوفي حياتك سوي شي لنفسك واعتزي بذاتك

الرجال والله لو تفنين نفسك الى الابد ماراح يبين في عينه ولو يجيك شي لا قدر الله راح تزوج ولا همه

شوفي نفسك ولا عليك منه اهم شي قايمه فيه وطلباته شوفي نفسك انتي بعد

حبيبتي انا بعمرك الحيـــــــــــــــن لاتنظرين للحياه نظره سوده
وبالعكس زين انك جبتي العيال بهالسن عشان يخاونك اذا كبروا تكوني لهم ام واخت بنفس الوقت
ونظمي نفسك للحمل الحين بنتك عمرها شهرين وعندك اكبر منها 2 خلاص لاتجيبين لما تدخليهم مدارس وبكذا ترتاحي

عيشي حياتك اللي يوسع صدرك سويه
كملي دارستك وتوضفي
الله يعينك ويشفي رجلك

البنات ماقصرو عطوكي حلول بس انا بزيد شغله لو انا منك كتبت الموضوع بمعرفي مو بنك نيم حق اختي علشان زوجي يقرى الموضوع ويشوف ردود البنات ويمكن بموضوعك لما يقراه يصحصح من اللي فيه وينتبه عليكي ولاتقولين مابيه يعرف بالموضوع ليش خليه يعرف يعني الا متى تخبين خليه يقرا الموضوع ولما يسال ليش كاتبه الموضوع قوليله والله مالقيت مين افضفض له واخذ منه حلول وانت ماحليت مشكلتي ولا عطيتني من وقتك هذيك الساعه راح يعرف ان فيه خلل هذا اذا كان رجال صدق بس لو تنسخي موضوعك وتحطينه بمعرفك احسن وتخلي زوجك بصدفه يقراء موضوعك هذيك الساعه واجهيه بجديه والله يعينك