يقول لزوجي دور لي بنت م منطقتك وهو متزوج 😭😭

السلام عليكم
بنات انا حيل متضايقه مادري خايفه وبس جالسه أفكر م قاله زوجي لي جاني قبل شوي وقال جاري يقولي دور لي زوجة ثانيه م نفس منطقتنا بحيث انهم عندهم دين وهو مره مثقف عشان كذا زوجي انبسط عليه وقال اببحث لك وحده تناسبك انا هنا انقهرت أول شى عشان شعور زوجته مع اني ماعرفها لكن حسّيت بمكانها وثاني شى خايفه زوجي يدور لزوجها يجي م يدور لزوجي بصراحه صرخت ع زوجي وقلت وش تبي تخرب بحياة الحرمه لاتدري عليك وشدخلك فيه يسافر لمنطقتنا ويدور لنفسه اتركه بحاله لو انه عزوبي انا دورت له لكن فيها خراب بيت وش تبي فيه قال زوجي الشرع محلله ربي ولاتحرمين شى م راسك وكسحني انو هو جاني وطلبني مو عشان ماتحبين التعدد ارده وغير كذا زوجي بالعكس مبسوط يقول ايه الله يكثر التعدد عشان نفسه ميت عليه اعوذ بالله سوالفه هو واصحابه كله عن التعدد كن مافيه بالدنيا غير الحريم وربي طفشني أول شى خايفه ربي يبتليني وانا وربي مابي التعدد وحتى بنفسي دايم ادور لاصحاب زوجي بنات بس يكون اعزب اما متزوج قلت مستحيل ضف وجهك انت وياه وهو انقهر اني ماعطيته وجه وقلت اددللك وتخيلوا لحد الحين عند بعض مادري وش نوايهم الله يكافينا شرهم انا اه بس ي حض الرجال همهم سعادتهم وراحتهم وحنا كل همنا ايش يرضيهم ويسعدهم نصائحكم بنات