يقول لي انتي قبيحه وزوجتي الاولى ملكه جمال

صباح الخير بنات


الصراحه ترددت كثير قبل مااكتب سالفتي بس مااقدر اكتمها بصدري اكثر لانها صارت تزعجني كثير و اتحسس منها


انا قد كتبت قبل موضوع هنا ان ابوي راح يغصبني اتزوج واحد ماابيه , ومرت الأيام وتزوجت غصب عني قبل شهرين ونص , زوجي مطلق , كلمني وقت الملكه وحبيت اخلاقه مره مع انو شكله مرره سمين سمنه مفرطه ومو حلو , بس سبحان الله تقبلته مره وحبيته هذا كله وقت الملكه جا العرس وانا مبسوطه , في شهر العسل قال لي يالله اول ماشفتك يوم العرس بغيت ارجع لقسم الرجال !!!! انا توقعته يمزح يعني والله لو اني مشوهه مع اني جميله وناعمه وكيوت الحمدلله بشهاده الكل عشان كذا ضحكت ولا اهتميت لاني حلوه وكنت حاطه ميك اب يجنن ورموش وشعري اشقر رمادي يعني لو اني مثلا قبيحه ع الأقل يوم العرس بصير حلوه


المهم بعد العرس بشهر كنت مسويه له قهوه وحلا ومرتبه البيت ومبخرته ونضحك وش زيننا فجأه قال لي سبحان الله يوم الشوفه اول مادخلتي علي كنتي قبيحه !!! قلت له احلف قام يضيع الموضوع قلت اذا كنت رجال خلك على كلمتك وقولها مره ثانيه قال ايه اول ماشفتك كنتي قبيحه وخشمك كأنه مدري وشو و دبه , بس انا ادور على الاخلاق لان زوجتي الأولى كانت ملكه جمال بس اخلاقها زفت , وقلت ل امي تدور لي وحده اخلاق والله لو انها تشبه ماجد عبدالله , انا هنا انفجرت قلت له ترى انا مغصوبه عليك ولا كنت ابيك , والله كلامي ماحرك فيه شعره قال عادي اهم شي انك تموتين فيني بعد الزواج مره انقهرت منه وقعدت أقول انا خطبني ولد عمي الأشقر المملوح الطويل المعضل وانا غبيه المفروض موافقه على ولد عمي المزيون , كنت ابي اقهره ولا انقهر ولا شي قام يضحك قال عادي اطلقك وتزوجي ولد عمك قهرني بموت من القهر ثقتي بنفسي قلت كلها منه , ع الأقل المفروض يشوف نفسه يعني هو القبيح موب انا !!!!!! يعني على بشاعته وكرشته ولا مره اتطنزت عليه وهو دايم يقول لي انحفي هههههه تصدقون طولي 160 ووزني 66 يعني مربربه على خفيف ولا فكر يشوف نفسه كل شوي يقول لي جسمك مترهل !!!!


انا كرهته ليش يجيب النار جمب الزيت ويذكر طليقته وجمالها وهو توه قايل لي قبيحه ولا قال كانت جميله لا قال ملكه جمال !!! اه اكرهه ماصرت اتقبله ابد والله هالرجال يبيلهم وحده توريهم العين الحمرا مثل طليقته كانت موريته نجوم الظهر وشخصيتها قويه .....